བོད་ལྗོངས་ཡར་ཉང་བརླན་སའི་དཔྱིད་དུས་ཀྱི་མཛེས་ལྗོངས།

པར་འདི་ནི་ཡར་ཉང་རྒྱལ་ཁབ་བརླན་སའི་སྤྱི་གླིང་དུ་ཐུར་ལྟ་བྱས་པའི་རྣམ་པ་རེད།

ད་ལྟ་ཉིང་ཁྲིའི་ཁམ་བུའི་མེ་ཏོག་དུས་ཆེན་དུ་སླེབས་ཡོད་པས། བོད་ལྗོངས་ཡར་ཉང་རྒྱལ་ཁབ་བརླན་སའི་སྤྱི་གླིང་དུ་ཡུལ་སྐོར་བ་མང་པོ་བསུས་ཡོད། ཆུ་ངོས་ཆ་སྙོམས་ས་བབ་མཐོ་ཚད་སྨི2920ཡོད་པའི་བོད་ལྗོངས་ཡར་ཉང་རྒྱལ་ཁབ་བརླན་ས་སྤྱི་གླིང་གི་སྤྱིའི་རྒྱ་ཁྱོན་ལ་སྤྱི་ཆིང8738ཡོད་ཅིང་། དེའི་ཁྲོད་རིགས་སོ་སོའི་བརླན་སའི་རྒྱ་ཁྱོན་སྤྱི་ཆིང5373.10ཟིན་ཡོད་པས། སྤྱི་གླིང་གི་ཆུ་འབེལ་ཞིང་སྐྱེ་དངོས་སྣ་མང་རང་བཞིན་ཕུན་སུམ་ཚོགས་པ། སྲོག་ཆགས་དང་སྐྱེ་དངོས་ཀྱི་རིགས་མང་པོ་ཁྱབ་ཡོད།

ཉེ་བའི་ལོ་འགའི་རིང་། རྒྱལ་ཁབ་ཀྱིས་བསྡོམས་པས་མ་དངུལ་སྒོར་དུང་ཕྱུར1.76བཏང་སྟེ་ཡར་ཉང་རྒྱལ་ཁབ་བརླན་ས་སྤྱི་གླིང་གི་རྨང་གཞིའི་སྒྲིག་བཀོད་འཛུགས་སྐྲུན་དང་སྐྱེ་ཁམས་ཞིག་གསོའི་ལས་གཞི། ཚན་རིག་ཁྱབ་སྤེལ་དྲིལ་སྒྲོག་སློབ་གསོ། སྐྱེ་ཁམས་ལྟ་ཞིབ་ཚད་ལེན་གྱི་ཚན་རིག་ཞིབ་འཇུག སྲུང་སྐྱོབ་དང་སྐོར་སྲུང་ཞིབ་བཤེར་སོགས་ཀྱི་ལས་དོན་སྤེལ་བ་རེད། མིག་སྔར། བརླན་སའི་བདག་སྐྱོང་པ70ཡིས་རྒྱུན་རྣམ་ཅན་གྱི་སྐོར་སྲུང་ལས་དོན་སྤེལ་ནས་སྐྱེ་ཁམས་སྲུང་སྐྱོང་དང་ཡུལ་སྐོར་འཕེལ་རྒྱས་དོ་མཉམ་ཡོང་བར་འགན་ལེན་བྱེད་བཞིན་ཡོད། ཡུལ་སྐོར་བས་འདི་གར་གངས་རི་དང་ཁམ་བུའི་མེ་ཏོག་གི་ཡུལ་ལྗོངས་མཛེས་པོ་ལོངས་སྤྱོད་ཐུབ་པ་མ་ཟད། མཐོ་སྒང་བརླན་སའི་སྐྱེ་དངོས་སྣ་མང་རང་བཞིན་གྱི་ཡིད་དབང་འཕྲོག་ཤུགས་ཀྱང་ཚོར་ཐུབ།

2024ལོར་བོད་ལྗོངས་ཡར་ཉང་རྒྱལ་ཁབ་བརླན་ས་སྤྱི་གླིང་གིས་བསྡོམས་པས་ཡུལ་སྐོར་བ་མི་ཐེངས་ཁྲི22.3སྣེ་ལེན་བྱས་ནས་ཡུལ་སྐོར་ཡོང་འབབ་སྒོར་ཁྲི2151མངོན་འགྱུར་བྱུང་ཡོད། །

པར་འདི་ནི་ཟླ4པའི་ཚེས4ཉིན་ཡུལ་སྐོར་བས་ཡར་ཉང་རྒྱལ་ཁབ་བརླན་ས་སྤྱི་གླིང་གི་ལྗོངས་གཟིགས་སྟེགས་བུར་པར་ལེན་པའི་རྣམ་པ་རེད།

པར་འདི་ནི་ཡར་ཉང་རྒྱལ་ཁབ་བརླན་ས་སྤྱི་གླིང་གི་ཡུལ་ལྗོངས་རེད།

པར་འདི་ནི་ཟླ4པའི་ཚེས4ཉིན་ཡར་ཉང་རྒྱལ་ཁབ་བརླན་ས་སྤྱི་གླིང་གི་བདག་སྐྱོང་པས་སྐོར་སྲུང་ལམ་བར་དུ་གད་སྙིགས་འཐུ་བའི་རྣམ་པ་རེད།

འདི་ནི་མཁའ་སྐྱོད་པར་ཆས་ཀྱིས་པར་བླངས་པའི་ཡར་ཉང་རྒྱལ་ཁབ་བརླན་ས་སྤྱི་གླིང་གི་ཡུལ་ལྗོངས་རེད།

པར་འདི་ནི་ཟླ4པའི་ཚེས4ཉིན་ཡུལ་སྐོར་བས་ཡར་ཉང་རྒྱལ་ཁབ་བརླན་ས་སྤྱི་གླིང་གི་ཡུལ་ལྗོངས་ལ་ལྟ་བའི་རྣམ་པ་རེད།

པར་འདི་ནི་ཟླ4པའི་ཚེས4ཉིན་བརླན་སའི་བདག་སྐྱོང་པས་ཡར་ཉང་རྒྱལ་ཁབ་བརླན་ས་སྤྱི་གླིང་དུ་རྒྱུན་རྣམ་ཅན་གྱི་སྐོར་སྲུང་ལས་དོན་སྤེལ་བའི་རྣམ་པ་རེད།