ཆར་ཞོད་ཆེན་པོ་ཞིག་བབས་པའི་རྗེས་སུ།  རྨ་ཆུའི་འགྲམ་དུ་ཆགས་པའི་རྨ་ལྷོ་བོད་རིགས་རང་སྐྱོང་ཁུལ་གཅན་ཚ་རྫོང་གི་རི་གསེབ་ཀུན་སྤྲིན་སྨུག་ལང་ལོང་རྒྱུ་ཞིང་།  ལྗང་ལོ་ཐགས་སུ་བཀྲ་བའི་ནགས་ཚལ་དང་རི་ཀླུང་གཅིག་ནས་གཅིག་ལ་འབྲེལ་བ་སོགས་ལྷ་ཡུལ་ལྟ་བུའི་མཛེས་པ་ལྟ་བས་ཆོག་མི་ཤེས་པ་ཞིག་མིག་མདུན་དུ་ལྷགས་སོང་།

ཉེ་ལམ་གསར་འགོད་པ་གཅན་ཚ་རྫོང་བོད་ལུགས་སྲོལ་རྒྱུན་སྣམ་བུ་ཐོན་སྐྱེད་རྟེན་གཞིར་བཅར་བ་ན། གདོད་མའི་ཤིང་འཁོར་གྱི་སྣམ་བུ་འཐག་སྟངས་དང་།   འཐག་མཁན་བུད་མེད་རྣམས་ཀྱི་བྱང་ཆ་དོད་པའི་ལག་རྩལ་དང་གོ་རིམ་ལྡན་པའི་འཁེལ་འཐག་གི་བརྒྱུད་རིམ་མཐོང་སོང་།

སྣམ་བུ་ནི་བོད་ཀྱི་གནའ་བོའི་བལ་རྩི་འཁེལ་འཐག་བསླས་གསུམ་གྱིས་གྲུབ་པའི་ཐོན་རྫས་ཤིག་ཡིན་ཞིང་།  ལོ་ངོ2000གི་ལོ་རྒྱུས་ལྡན།  དེ་ཐོན་སྐྱེད་ལ་བལ་འཁྲུད་པ་དང་།  བལ་བསལ་བ།  བལ་སྐུད་འཁེལ་བ།   བལ་སྐུད་འཁྲུད་པ།   འཁེལ་འཐག་པ།  ཚོན་བྱུག་པ་ལ་སོགས་ཀྱི་གོ་རིམ་བརྒྱུད་དགོས་ལ།  ངོས་སྙོམས་ལ་ཞིབ་ཚགས་པ། འཇམ་ཤ་དོད་པའི་ཁྱད་ཆོས་ལྡན་པས།   བོད་ལྭ་དང་། བོད་ཞྭ།  བོད་ལྷམ་སོགས་བཟོས་ཆོག   ལོ་ཟླའི་འཕེལ་འགྱུར་ཁྲོད།  གནའ་བོའི་བཟོ་རྩལ་དེ་ད་ལྟའི་བཟོ་ཆས་གསར་པ་བརྟེན་ནས་དམངས་ཀྱི་འཚོ་བ་བརྒྱན་བྱེད་ཀྱི“དར་སྲོལ་འཚམ་པོ”ཞིག་ཏུ་གྱུར་ཡོད། 

དེང་གི་ཆར་སྣམ་བུ་ནི་ཡུལ་དེའི་མང་ཚོགས་ཀྱི་ཉིན་རྒྱུན་འཚོ་བའི་ཁྲོད་སྤྱོད་མང་བར་མ་ཟད། རིག་གནས་ཀྱི་རིན་ཐང་དང་ཚོང་ལས་ཀྱི་རིན་ཐང་སྔོག་འདོན་བྱས་རྗེས་སུ་བུད་མེད་ཕྱུག་འགྱུར་གྱི་ལག་རོགས་ཤིག་ཏུའང་གྱུར་ཡོད། 

སྣམ་བུ། 

ཕྲུག་ལྭ་ཚོད་ལྟ་བྱེད་བཞིན་པ། 

བལ་སྐུད་འཕང་ལ་དཀྲིས་པ། 

ལོ་ཙཱ་བ། ཁོན་ཐར་འཚོ།