བོད་ཀྱི་སྣུམ་ཚོན་རི་མོ་བ་སངས་རྒྱས་ཚེ་རིང་ལགས།
སངས་རྒྱས་ཚེ་རིང་། དགེ་རྒན་ཆེན་མོ་དང་དེང་རབས་སྣུམ་ཚོན་རི་མོ་བ་གྲགས་ཅན།
ཀན་སུའུ་ཞིང་ཆེན་མཛེས་རྩལ་མཐུན་ཚོགས་ཀྱི་ཀྲུའུ་ཞི་གཞོན་པ་དང་ཀྲུང་གོའི་མཛེས་རྩལ་མཐུན་ཚོགས་ཀྱི་མི་རིགས་མཛེས་རྩལ་སྒྱུ་རྩལ་ཨུ་ཡོན་ལྷན་ཁང་གི་ཨུ་ཡོན། ཀྲུང་གོའི་མཛེས་རྩལ་མཐུན་ཚོགས་ཀྱི་རྒྱལ་ཡོངས་འཐུས་མི་ཚོགས་ཆེན་ཐེངས་དགུ་པའི་འཐུས་མི། ཀན་སུའུ་ཞིང་ཆེན་སྲིད་གྲོས་ཀྱི་ཨུ་ཡོན། ཀན་སུའུ་ཞིང་ཆེན་མི་དམངས་སྲིད་གཞུང་རིག་གནས་ལོ་རྒྱུས་ཁང་གི་ཞིབ་འཇུག་པ་བཅས་ཡིན།
ཧྲང་ཧའེ་མཛེས་རྩལ་ཁང་དུ་སངས་རྒྱས་ཚེ་རིང་གི་མི་སྒེར་གྱི་རི་མོའི་འགྲེམས་སྟོན་སྤེལ། རྒྱལ་ཁབ་ཕྱི་ནང་གི་འགྲེམས་སྟོན་མང་པོར་ཞུགས་པར་རྒྱལ་ཁབ་རིམ་པ་དང་ཞིང་ཆེན་རིམ་པའི་མཛེས་རྩལ་བྱ་དགའ་མང་པོ་ཐོབ། ཀྲུང་གོའི་མཛེས་རྩལ་མཐུན་ཚོགས་ཀྱིས་ཁོང་ལ། མཛེས་རྩལ་རིག་གཞུང་སྣེ་ཁྲིད་ཀྱི་ནུས་པ་འདོན་སྤེལ་བྱས་ནས་ཀྲུང་གོའི་མཛེས་རྩལ་བྱ་གཞག་འཕེལ་རྒྱས་ལ་འབྲས་བུ་འབུར་ཐོན་གྱི་མཚན་སྙན་གནང་།
སངས་རྒྱས་ཚེ་རིང་ལགས་ཀྱི་སྣུམ་ཚོན་རི་མོའི་བརྩམས་ཆོས་ཁྲོད། བོད་ཀྱི་ཡུལ་ལྗོངས་དང་དེ་བཞིན་བོད་རིགས་ཀྱི་ངལ་རྩོལ་དང་འཚོ་བ་མཚོན་པའི་སྣུམ་ཚོན་རི་མོ་མང་པོ་གསར་རྩོམ་གནང་ཡོད། བོད་ཀྱི་རིག་གནས་སྤྱི་དང་སྒོས་སུ་ལྡེབས་རིས་ཀྱི་ཉམས་ཀྱིས་ཕྱུག་པའི་རི་མོ་དེ་དག་གི་ཁྲོད་དུ་ཁོང་གིས་ངོ་མཚར་ཆེ་ཞིང་ལྐོག་གྱུར་དང་འཆར་སྣང་རྐྱང་བར་བརྟེན་ནས་ཅུང་འཇིགས་ཡེར་ལ་རབ་རིབ་ཏུ་སྣང་བའི་འཇིག་རྟེན་གསར་བ་ཞིག་ཀྱང་བཞེངས་སྐྲུན་བྱས་ཡོད།
བོད་ཀྱི་སྣུམ་ཚོན་རི་མོ་བ་གྲགས་ཅན་སངས་རྒྱས་ཚེ་རིང་ལགས་ཀྱི་རི་མོའི་བརྩམས་ཆོས་འགའ།
