དྲག་ཆས་ཉེན་རྟོག་མཚོ་སྔོན་སྤྱི་ཁྱབ་རུ་ཁག་ཟི་ལིང་ཡན་ལག་རུ་ཁག་གིས་རིག་གནས་ཀྱིས་མི་གསོ་སྐྱོང་བྱེད་པའི་སློབ་ཚན་གྱིས་རྒྱང་སྐྱོད་ཀྱི་སྙིང་སྟོབས་མི་སེམས་སུ་སིམ་པར་བྱས།

ཉེ་ལམ། དྲག་ཆས་ཉེན་རྟོག་མཚོ་སྔོན་སྤྱི་ཁྱབ་རུ་ཁག་ཟི་ལིང་ཡན་ལག་རུ་ཁག་གིས། “ཀྲུང་གོའི་བཟོ་ཞིང་དམར་དམག་རྒྱང་སྐྱོད་ལ་རྒྱལ་ཁ་ཐོབ་ནས་ལོ90འཁོར་བར་དྲན་གསོ་ཞུ་བའི”། རིག་གནས་ཀྱིས་མི་གསོ་སྐྱོང་བྱེད་པའི་རྣམ་པ་ཡི་སློབ་ཁྲིད་གཉེར་ནས། ཡིག་གཟུགས་དང་པར་ལེན། འགྲེམ་པང་། ཚགས་པར་བཅས་འགྲེམ་སྟོན་དང་དཔྱད་བསྡུར་བྱེད་སྒོ་གཞི་གཅིག་ཏུ་སྤེལ་ཏེ། དཔོན་དམག་ཚོར་ཟབ་ཞུགས་རྣམ་པའི་བསམ་བློ་ཆབ་སྲིད་ཀྱི་སློབ་ཁྲིད་ལེགས་པོ་ཞིག་བྱས།

བྱེད་སྒོ་དེས“རྒྱང་སྐྱོད་ཀྱི་ལམ་བུ་རིང་མོར་ཕྱིར་མིག་བལྟས་ནས། རྒྱང་སྐྱོད་ཀྱི་ལམ་བུ་གསར་པའི་སྟེང་ཡག་པོར་བསྐྱོད”ཅེས་པ་བརྗོད་དོན་དུ་བྱས་ཏེ། ཡུལ་སྣང་འཁྲབ་སྟོན་དང་དཔེ་མཚོན་གཏམ་རྒྱུད་མཉམ་སྤྱོད། རིག་གནས་འགྲེམ་སྟོན་དཔྱད་བརྗོད་སོགས་ཀྱི་རྣམ་པ་ཕྱོགས་བསྡུས་སྒོས་སྤྱད་དེ། རྒྱང་སྐྱོད་ཀྱི་སྙིང་སྟོབས་དེ་དུས་རབས་གསར་པའི་འགན་འཁྲི་ལས་འགན་དང་ཉེ་འཁོར་གྱི་སྔོན་ཐོན་དཔེ་མཚོན་དང་ཟུང་འབྲེལ་དམ་ཟབ་བྱས། ལེ་ཚན་ནང་རྒྱང་སྐྱོད་ཀྱི་གཟི་བརྗིད་ལྡན་པའི་ལོ་ཟླ་ཡང་བསྐྱར་མངོན་པར་བྱས་པ་དང་། གཞི་རིམ་དཔོན་དམག་གི་འཐུས་མིས་དྲག་རྩལ་འགྲན་སྡུར་མཁྲེགས་གཏོར་དང་དམག་ཁྲིད་མི་སྣ་གསོ་སྐྱོང་། ཞབས་འདེགས་འགན་སྲུང་སོགས་ཀྱི་ལས་གནས་ལ་དམིགས་ཏེ། འབད་འཐབ་ཀྱི་གཏམ་རྒྱུད་བརྗོད་པས། ཡུལ་དངོས་ཀྱི་དཔོན་དམག་ཚོར་སེམས་འགུལ་ཆེན་པོ་ཐེབས།