མི་རིགས་མང་པོ་འདུས་སྡོད་ཀྱི་མཐུན་སྒྲིལ་རྣམ་པ་གང་སར་གནས།

མཚོ་སྔོན་ནི་མི་རིགས་མང་པོ་འདུས་སྡོད་ཀྱི་ཞིང་ཆེན་ཞིག་ཡིན་ལ། ཡངས་ཤིང་རྒྱ་ཆེ་བའི་མཐོ་སྒང་གི་ས་གཞི་ཆེན་པོ་འདི། མི་རིགས་མཐུན་སྒྲིལ་གྱི་ཆེས་ཡིད་སེམས་འགུལ་བའི་གནས་ཡིན། མི་རིགས་མཐུན་སྒྲིལ་ཡར་ཐོན་དྲིལ་སྒྲོག་སློབ་གསོ་བྱེད་སྒོ་སྤེལ་བའི་ཚུན་ལ། ལོ་ངོ43རིང་གི་ལམ་བུ་བརྒྱུད་དེ། མཚོ་སྔོན་གྱི་བུ་བུ་མོ་མི་རབས་རེ་རེ་ཡིས་མི་རིགས་མཐུན་སྒྲིལ་དེ་འཚོ་བ་རོལ་སྟངས་ཀྱི་ལག་ལེན་བརྟན་པོ་ཞིག་ཏུ་བསྒྱུར།

རྨ་འབྲི་རྫ་གསུམ་འབྱུང་ཡུལ་དུ་སྔོན་ཆད་ཕྱུགས་ལ་བརྟེན་པའི་འབྲོག་པ་དག་གིས་ད་ལྟ་སྐྱེ་ཁམས་ཀྱི་ཟ་མ་ཟོས། ཚྭ་མཚོའི་འགྲམ་རྒྱུད་དུ་མཐའ་སྐོར་སྡེ་བའི་མང་ཚོགས་ཀྱིས་ཚྭ་མཚོའི་ཐོན་ལས་འཕེལ་ཕྱོགས་ལ་བསྟུན་ཏེ། བཟོ་གྲྭར་བསྐྱོད་པ་དང་། ཐོན་ལས་མུ་ཕྲེང་ལ་ལྟ་སྐོར་བྱས་ནས་སྒོ་འགྲམ་གྱི་ལས་ཞུགས་ཡོང་འབབ་འཕར་བ་མངོན་འགྱུར་བྱུང་། རྨ་ཙོང་གཞོང་ས་རུ་སྔོན་ཆད་འཕེལ་རྒྱས་ཀྱི་རྨང་གཞི་ཞན་པའི་སྡེ་བས་ཁྱད་ལྡན་འདེབས་འཛུགས་ལ་བརྟེན་པ་དང་། གྲོང་གསེབ་ཡུལ་སྐོར་ནི་ཡུལ་སྐོར་བས་དགའ་བསུ་ཐོབ་པའི་དྲ་གྲགས་སྡེ་བར་གྱུར། རྣམ་པ་འདི་དག་གི་ཁྲོད་མི་རིགས་མཐུན་སྒྲིལ་ག་ས་གང་དུ་མཐོང་ཐུབ།  

“ལོ་ལྔའི་འཆར་འགོད་བཅུ་བཞི་པའི”ཚུན་ལ། མཚོ་སྔོན་གྱིས་སྔོན་ལ་རྒྱལ་ཡོངས་མི་རིགས་མཐུན་སྒྲིལ་གྱི་ཡར་ཐོན་དཔེ་སྟོན་ཞིང་ཆེན་གསར་སྐྲུན་བྱེད་པ་གཞི་རྟེན་དུ་བྱས་ཤིང་། ཀྲུང་ཧྭ་མི་རིགས་གཅིག་མཐུན་ཚོགས་པའི་འདུ་ཤེས་ཇེ་བརྟན་དུ་གཏོང་བར་སྐུལ་འདེད་གཏོང་བའི་ཐད་མཚོ་སྔོན་མདུན་གྲལ་དུ་བསྐྱོད་དེ། གྲོང་ཁྱེར་ཡོངས་དང་བརྒྱ་ཆའི་གོ་བརྒྱད་ཀྱི་རྫོང་གིས་རྒྱལ་ཡོངས་མི་རིགས་མཐུན་སྒྲིལ་ཡར་ཐོན་གྱི་དཔེ་སྟོན་བསྐྲུན་ཡོད། མཚོ་སྔོན་གྱི་མི་རིགས་མཐུན་སྒྲིལ་དེ་རྒྱལ་ཡོངས་ཀྱི་མདུན་གྲལ་དུ་བསྐྱོད་ཐུབ་པ་ནི་རིགས་སོ་སོའི་མང་ཚོགས་ཀྱིས་དཔལ་འབྱོར་ཐད་གཉིས་ཕན་དང་འཚོ་བའི་ཐད་རོགས་རེས། རིག་གནས་ཐད་དཔྱད་གཞིར་འཛིན་པ། བརྩེ་སེམས་ཐད་བརྟེན་རེས་བྱེད་པ་བཅས་ལ་རག་ལས་པ་ཡིན། མཐུན་སྒྲིལ་ནི་མ་གཞི་ནས་མཐོ་སྒང་གི་ཆེས་མཆོག་ཏུ་གྱུར་བའི་རྒྱུ་ནོར་ཡིན།

འདྲ་མཉམ་རང་དབང་བདེ་སྐྱིད་བཅས་ཀྱི་ཁྱིམ་གཞིས་ཆེན་པོ་ནི་འབད་བརྩོན་ལས་བྱུང་བ་ཡིན། འདྲ་མཉམ་ནི་རྒྱུན་རྣམ་ཞིག་དང་མཐུན་སྒྲིལ་ནི་རང་བཞིན་ཞིག རོགས་རེས་ནི་གོམས་སྲོལ་ཞིག འཆམ་མཐུན་ནི་རྒྱུན་ལྡན་ཞིག་བཅས་སུ་འགྱུར་བའི་དུས་སུ་འབད་བརྩོན་ཡང་རྒྱུན་ལྡན་དུ་གྱུར་ཡོད། མི་རིགས་མཐུན་སྒྲིལ་ནི་ལོ་ངོ་བཅུ་ཕྲག་རིང་རྒྱུན་བསྲིངས་པའི་མཉམ་བརྩོན་མདུན་སྐྱོད་ཅིག་ཡིན་ལ། ཏང་དང་སྲིད་གཞུང་གིས་མང་ཚོགས་ཀྱི་ཆེད་དུ་འབད་བརྩོན་དང་། མང་ཚོགས་ཀྱིས་མཛེས་སྡུག་འཚོ་བར་འབད་བརྩོན་བྱེད་པ། མི་རིགས་སོ་སོས་མཉམ་དུ་འབད་བརྩོན་བྱེད་པ་བཅས་ཡིན། མི་ཚང་མས་དམིགས་འབེན་གཅིག་གི་ཆེད་དུ་འབད་བརྩོན་བྱེད་པ་དང་། ཕན་ཚུན་རང་མི་ལྟ་བུར་བརྩི་དུས། འདྲ་མཉམ་དང་རང་དབང་། བདེ་སྐྱིད་བཅས་ནི་ཕུགས་བསམ་ཞིག་མིན་པར། ང་ཚོ་ཉིན་རེར་བརྒྱུད་བཞིན་པའི་དོན་དངོས་ཤིག་ཡིན།