མཚོ་ནུབ་ཁུལ་གྱིས"སན་མིང་སྨན་བཅོས་བཅོས་བསྒྱུར"ཀྱི་ཉམས་མྱོང་ཁུལ་ཡོངས་ནས་རྩ་བ་ཚུགས་སུ་བཅུག

 

​ཟླ3ཚེས12ཉིན་བསྒྲགས་པ་ལྟར་ན། སོག་བོད་ཀྱི་སྨན་སྣ317ལྷག་སྨན་བཅོས་འགན་བཅོལ་གྱི་རྩིས་སྤྲོད་ནང་བཞག་པ་དང་། གཉེན་སྒྲིག་སྐབས་ཀྱི་ལུས་བཤེར་བྱེད་ཚད7.09%ནས70%བར་འཕར་ཡོད་ལ། 5G+ARརྒྱང་བསྟེན་མྱུར་སྐྱོབ་མ་ལག་གིས་སྤུས་ལེགས་སྨན་བཅོས་དེ"རི་རབ་ཐོལ་གྱིས་བརྒལ་ནས"འབྲོག་ཁུལ་དུ་ཐད་ཀར་བསྐྱོད་ཐུབ་པར་བྱས་ཡོད། 2026ལོར་ཆ་སྙོམས་མཚོ་འཕགས་མཐོ་ཚད་སྨི3000ཡོད་པའི་ཚྭ་འདམ་གཤོངས་སར"རྩ་གཏོར"བརྗོད་དོན་གཙོ་བོར་བྱས་པའི་སྨན་བཅོས་བཅོས་བསྒྱུར་ཅིག་ལག་ལེན་དུ་བསྟར་ཏེ།“སན་མིང་སྨན་བཅོས་བཅོས་བསྒྱུར"ཀྱི་ཉམས་མྱོང་དེ་མཐོ་སྒང་གི་མང་ཚོགས་ཀྱིས་ཚོར་ཐུབ་པའི་བདེ་ཐང་གི་ཕན་བདེ་རུ་འགྱུར་བཞིན་ཡོད།

ས་རྒྱ་ཆེ་ཞིང་མི་འབོར་ཉུང་བ་དང་སྨན་བཅོས་ཐོན་ཁུངས་ཁ་ཐོར་ཡིན་པ་ནི་སྔོན་མཚོ་ནུབ་སོག་རིགས་བོད་རིགས་རང་སྐྱོང་ཁུལ་གྱིས་སྨན་བཅོས་བཅོས་བསྒྱུར་གཏིང་ཟབ་ཏུ་གཏོང་བར་ངེས་པར་དུ་བརྒལ་དགོས་པའི་བཀག་རྒྱ་ཆེན་པོ་ཞིག་རེད། ས་གནས་དེས་ན་གོར་མོ་དང་གཏེར་ལེན་ཁ་གྲོང་ཁྱེར་ཆེ་གྲས་གཉིས་ཀྱི་སྨན་བཅོས་སྡེ་ཚོགས་འཛུགས་སྐྲུན་བྱ་རྒྱུ་འགག་གནད་དུ་བཟུང་སྟེ། "སྨན་གསུམ་མཉམ་འགུལ"རིམ་པ་བཞིན་གཏིང་ཟབ་ཏུ་འགྲོ་བར་སྐུལ་འདེད་བཏང་། 5G+ARརྒྱང་བསྟེན་མྱུར་སྐྱོབ་མ་ལག་ལ་བརྟེན་ནས་གོང་རིམ་ཆེད་མཁས་བས་གཞི་རིམ་གྱི་མྱུར་སྐྱོབ་ལ་དུས་ཐོག་ཏུ་མཛུབ་ཁྲིད་བྱས་ཏེ་རྨས་སྐྱོན་ཕོག་པའི་ནད་པ་སྲོག་སྐྱོབ་ལེགས་འགྲུབ་བྱུང་ཚད་99%བར་ཇེ་མཐོར་སོང་བ་དང་། ཞིང་ཆེན་ཡོངས་ཀྱི་ས་ཁོངས་ཞིབ་བཤེར་གྱི་ལྟེ་གནས་ཐོག་མ་ཏུའུ་ལན་རྫོང་དུ་གཞི་ཆགས་པ་དང་རིག་ནུས་གཞོགས་འདེགས་བརྟག་དཔྱད་ཀྱི་ཁེབས་ཚད70%ཡི་སྨན་བཅོས་ཚོགས་པར་ཁེབས་ནས། མཐའ་འཁོབ་ས་ཁུལ་གྱི་མང་ཚོགས་རྣམས་ཀྱིས"རང་ཁྱིམ་གྱི་སྒོ་འགྲམ"དུ་རྫོང་རིམ་པ་དང་ཐ་ན་ཁུལ་རིམ་པའི་ནད་བརྟག་སྨན་བཅོས་ཞབས་ཞུ་ལོངས་སྤྱོད་བྱེད་ཐུབ་པར་བྱས།

བསྒྱུར་བཅོས་ཀྱི་ཕན་ནུས་དེ་ཁུར་པོ་ཇེ་ཡང་དུ་གཏོང་བ་དང་ཕན་འབྲས་ཆེ་རུ་གཏོང་བའི་ཐོལ་བརྒལ་གཉིས་ལས་མངོན་ཡོད། མཐོ་སྒང་དུ་འབྱུང་ཚད་མཐོ་བའི་ནད་རིགས་ལ་དམིགས་ནས་མཚོ་ནུབ་ཁུལ་གྱིས"ཆེད་ནད་ལྟེ་གནས+གཞི་རིམ་འགོག་བཅོས" ཀྱི་རྣམ་པ་ཆགས་པར་བྱས་པ་དང་། རིམ་པ་གཉིས་པ་ཡན་གྱི་སྨན་ཁང་གི་ཆེད་མཁས་པ་དུས་རྒྱུན་དུ་འབྲོག་ཁུལ་དུ་བསྐྱོད་བཞིན་ཡོད་ལ། 87%ཡན་གྱི་གྲོང་ཚོའི་འཕྲོད་བསྟེན་ཁང་གིས་ཀྲུང་སོག་བོད་གསུམ་གྱི་ཁྱད་ལྡན་ནད་བརྟག་སྨན་བཅོས་མཁོ་འདོན་བྱེད་ཐུབ། སྔར་ལས་ལྷག་པར་མང་ཚོགས་ཀྱི་ཁུར་པོ་ཇེ་ཡང་དུ་གཏོང་ཐུབ་པ་ཞིག་ནི་སོག་བོད་ཀྱི་སྨན་སྣ316སྨན་བཅོས་འགན་བཅོལ་གྱི་རྩིས་སྤྲོད་དཀར་ཆག་ནང་བཞག་པ་དང་། སྨན་རྫས་གཅིག་བསྡུས་ཀྱིས་ཉོ་སྒྲུབ་བྱེད་པའི་ཆ་སྙོམས་རིན་གོང52%ཇེ་དམའ་རུ་བཏང་སྟེ། "ནད་ཆེན་ཁུལ་ནས་སྨན་བཅོས་ཐུབ་པ་དང་། ནད་ཆུང་བཅོས་སླ་བའི་ཁྱད་ཆོས་ལྡན་པ། སྨན་བཀོལ་གྱི་ཁུར་པོ་ཡང་བ"སོགས་དངོས་སུ་མངོན་འགྱུར་བྱུང་ཡོད། སྦྲུམ་མའི་མ་ལག་དོ་དམ་གྱི་ཚད99%ཟིན་པ་དང་བྱིས་པའི་རིམས་འགོག་འཆར་འགོད་ཀྱི་རིམས་འགོག་སྨན་ཁབ་རྒྱག་ཚད99%བར་བརྟན་པོར་གནས་ཡོད་ལ། རྒྱལ་ཁབ་རིམ་པའི་གྲོང་རྡལ་འཕྲོད་བསྟེན7དང“བདེ་ཐང་གི་ཞབས་ཞུའི་ས་ཚིགས”288གྲོང་ཁྱེར་དང་གྲོང་གསེབ་ཡོངས་ལ་ཁྱབ་ཡོད།