གཙང་པོའི་མགོ་ཁུངས་ཀྱི་སྤྱོད་གཙང་ལ་ཤུགས་སྣོན་དང་འཕེལ་རྒྱས་ཀྱི་ལམ་བུར་སྲུང་སྐྱེལ་བྱས་ཏེ་སྲོལ་བཟང་དར་སྤེལ་བྱེད།

གཙང་པོའི་མགོ་ཁུངས་ཀྱི་སྤྱོད་གཙང་ལ་ཤུགས་སྣོན་དང་འཕེལ་རྒྱས་ཀྱི་ལམ་བུར་སྲུང་སྐྱེལ་བྱས་ཏེ་སྲོལ་བཟང་དར་སྤེལ་བྱེད།

ཞིང་ཆེན་སྒྲིག་ཁྲིམས་ཞིབ་བཤེར་ཨུ་ཡོན་ལྷན་ཁང་གི་ཚང་འཛོམས་གྲོས་ཚོགས་ཐེངས་ལྔ་པའི་སྟེང་གི་དངོས་བྲིས།

གཙང་པོའི་བཞུར་རྒྱུན་ལས་ཕྱོགས་ཡོངས་ནས་ཏང་ནན་སྐྱོང་གི་ངར་ཉམས་རབ་ཏུ་འཕྱུར།

བརྗིད་ཉམས་ལྡན་པའི་ཁུ་ནུ་རི་བོར་སྤྱོད་བཟང་སྒྲིག་ནན་གྱི་རུལ་སུངས་ལ་རྒོལ་བའི་རྗེས་ཤུལ་བརྟན་པོ་བརྐོས།

2025ལོ་ནི“ལོ་ལྔའི་འཆར་འགོད་བཅུ་བཞི་པ”མཇུག་འགྲིལ་བའི་ལོ་ཞིག་ཡིན་ལ། མཚོ་སྔོན་གྱི་སྒྲིག་བཤེར་ལྟ་ཞིབ་ལས་དོན་སྤུས་ཚད་མཐོ་བའི་འཕེལ་རྒྱས་བཏང་ནས་ཀྲུང་གོའི་རྣམ་པའི་དེང་རབས་ཅན་གྱི་མཚོ་སྔོན་སྲུང་སྐྱོང་བྱེད་པའི་ལག་ལེན་ལ་འཕེལ་རྒྱས་གསར་པ་བྱུང་བའི་ལོ་ཞིག་ཀྱང་རེད།

ལོ་གཅིག་རིང་། མཚོ་སྔོན་སྒྲིག་བཤེར་ལྟ་ཞིབ་ལས་ཁུངས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱས་པ་དང་།ཏང་འཛུགས་སྐྱོང་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་དང་།ཏང་གི་རང་ངོས་གསར་བརྗེའི་སྐོར་གྱི་དགོངས་པ་གལ་ཆེན།ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པའི་དགོངས་དོན་ཕྱོགས་ཡོངས་ནས་ལག་བསྟརཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་སློབ་སྦྱོང་དང་སློབ་གསོ་གཏིང་ཟབ་ཏུ་སྤེལ་བ་དང་།མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་གནད་དོན་གཅིག་བསྡུས་ཀྱིས་བཅོས་སྐྱོང་བྱེད་པར་སྐུལ་འདེད་གཏིང་ཟབ་བཏང་བ།སྒྲིག་ཁྲིམས་ཞིབ་བཤེར་ལྟ་ཞིབ་ལས་དོན་ཚད་ལྡན་ཅན་དང་ཁྲིམས་སྐྱོང་ཅན།ཚད་ལྡན་ཅན་བཅས་སུ་འཛུགས་སྐྱོང་གཏིང་ཟབ་བྱས་པ།ཏང་སྲོལ་ཡོ་བསྲང་དང་སྲིད་དོན་གཙང་སྐྱོང་དང་རུལ་སུངས་ལ་ངོ་རྒོལ་བྱེད་པའི་འཐབ་རྩོད་ལ་རྒྱུན་ཆད་མེད་པར་གྲུབ་འབྲས་གསར་པ་ཐོབ་པ།སྒྲིག་ཁྲིམས་ཞིབ་བཤེར་ལྟ་ཞིབ་ལས་དོན་སྤུས་ཚད་མཐོན་པོའི་ངང་འཕེལ་རྒྱས་འགྲོ་བའི་གོམ་སྟབས་གསར་པ་ཟམ་མི་ཆད་པར་སྤོས་ཡོད།

“སྲུང་སྐྱོང་གཉིས”ཀྱི་ཆབ་སྲིད་ལྟ་སྐུལ་ལ་དམ་པོར་དམིགས་ནས་གནད་སྨིན་ནུས་ལྡན་བྱུང་ཡོད།

ཆབ་སྲིད་ཀྱི་ལྟ་སྐུལ་ནི་ཏང་གིས་བཀའ་བརྩི་སྡོམ་སྲུང་དང་ཏང་གི་ཆབ་སྲིད་ལམ་ཕྱོགས་མངོན་འགྱུར་བྱེད་པའི་འགན་སྲུང་གལ་ཆེན་ཡིན་ལ།སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་ཀྱི་འགན་འཁྲི་ཨང་དང་པོའང་ཡིན།2025ལོར་ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་ལག་བསྟར་གཏིང་ཟབ་བྱས་ཏེ“སྲུང་སྐྱོང་གཉིས”ཀྱི་ཆབ་སྲིད་འགན་འཁྲི་གལ་ཆེན་ལ་དམ་པོར་དམིགས་ནས་ཆབ་སྲིད་ལྟ་སྐུལ་ཞིབ་ཕྲ་ཅན་དང་།གནད་སྨིན་ཅན།རྒྱུན་རྣམ་ཅན་བཅས་ལ་མུ་མཐུད་སྐུལ་འདེད་བཏང་སྟེ་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཛུབ་སྟོན་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་གལ་ཆེན་མཚོ་སྔོན་དུ་ཆད་ལུས་མེད་པར་དོན་འཁྱོལ་དང་ཕན་འབྲས་ཐོན་རྒྱུའི་འགན་ལེན་ནུས་ལྡན་བྱས་པ་རེད།

བསམ་བློ་ནི་བྱ་སྤྱོད་ཀྱི་སྣེ་ཁྲིད་ཡིན་ཞིང་།ཞིང་ཆེན་ཡོངས་ཀྱི་སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་ཀྱིས་ལྟ་སྐུལ་ནུས་ལྡན་བྱས་ནས་ཞིང་ཆེན་ཡོངས་ཀྱི་ཏང་ཡོན་ལས་བྱེད་པའི་བསམ་བློ་གཅིག་མཐུན་དང་བྱ་སྤྱོད་རང་རྟོགས་ཡོང་བར་ཁག་ཐེག་བྱས་ཡོད།ཞིང་ཆེན་ཡོངས་ཀྱི་རིམ་ཁག་ཏང་རྩ་འཛུགས་དང་ཏང་ཡོན་ལས་བྱེད་པས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་པ་དང་ཚང་འཛོམས་གྲོས་ཚོགས་རིམ་བྱུང་གི་དགོངས་དོན་སློབ་སྦྱོང་དང་ལག་བསྟར་དོན་འཁྱོལ་གཏིང་ཟབ་བྱེད་པར་སྐུལ་འདེད་བཏང་བ་དང་།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་ལས་དོན་ལ་བཏོན་པའི་བླང་བྱ་གལ་ཆེན་དང་།ཆབ་སྲིད་ཀྱི་འགན་འཁྲི་འཁུར་སེམས་དང་ལོ་རྒྱུས་ཀྱི་ལས་འགན་སྒྲུབ་སེམས་ཆེ་རུ་ཏན་ཏིག་བཏང་སྟེ།ཏང་གི་ཐོག་མའི་བསམ་འདུན་རྩ་བར་འཛིན་པ་དང་།ཏང་གི་འགན་འཁྲི་ཚེ་སྲོག་ཏུ་བྱེད་པ།བློ་གྲོས་དང་སྟོབས་ཤུགས་ཡོད་ཚད་ཏང་གི་ལྟེ་བའི་ལས་འགན་མངོན་འགྱུར་བྱེད་པའི་ཐོག་གཅིག་སྒྲིལ་བཅས་བྱས་པ།

“མཚོ་སྔོན་གྱི་སྣོད་བཅུད་ཁོར་ཡུག་སྲུང་སྐྱོང་ཡག་པོ་བྱ་རྒྱུ་ནི‘རྒྱལ་ཁབ་ཀྱི་ཆེ་ཕྱོགས’ཞིག་རེད”ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་སྐྱེ་ཁམས་ཁོར་ཡུག་ཁྱབ་ཁོངས་ཀྱི་མི་གཙོ་བོ་དང་།དོན་དག་གཙོ་བོ།གནད་དོན་གཙོ་བོ་བཅས་ལ་དམ་པོར་དམིགས་ཏེ།“ལྟ་སྐུལ་བཞི་”གཅིག་གྱུར་གྱིས་སྦྲེལ་མཐུད་བྱེད་པར་ཤུགས་སྣོན་བརྒྱབ་སྟེ།གནད་དོན་མངོན་གསལ་ཅན་ཁག་ཅིག་ཤེས་རྟོགས་དང་ཐག་གཅོད་བྱེད་པར་སྐུལ་འདེད་བཏང་།ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་གྱིས་མཚོ་སྔོན་ཚྭ་འདམ་གཤོང་སའི་ཤིང་ཧྭ་ལིས་ཚྭ་ཚད་ཡོད་ཀུང་སིས་ཁྲིམས་འགལ་ངང་ས་སྦས་བཏང་བ་ལས་ཁོར་ཡུག་སྦགས་བཙོག་བཟོས་པ་སོགས་ཀྱི་གནད་དོན་ལ་དམིགས་ནས་བརྟག་དཔྱད་གཏིང་ཟབ་དང་རྗེས་སྙེག་ལྟ་སྐུལ་བྱས་ཏེ་རྒྱབ་ཀྱི་འགན་འཛོལ་དང་རུལ་སུངས་ཀྱི་གནད་དོན་སྔོག་འདོན་གཏིང་ཟབ་བྱས་པ་དང་འབྲེལ་དག་ཐེར་བྱ་རྒྱུར་སྐུལ་འདེད་བཏང་ནས་སྔོ་ཞིང་དྭངས་པའི་རི་ཆུ་སྲུང་སྐྱོང་མཐའ་གཅིག་ཏུ་བྱས་པ་རེད།

ཏང་ཀྲུང་དབྱང་གི་ཐབས་ཇུས་བཀོད་སྒྲིག་གལ་ཆེན་ལ་དམིགས་ནས་ལྟ་སྐུལ་འགན་སྲུང་བྱེད་ཤུགས་ཆེ་རུ་གཏོང་བ་དང་།ཕྱོགས་ཡོངས་ནས་སྒྱུར་བཅོས་ཟབ་སྤེལ་དང་།སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད།འཕེལ་རྒྱས་དང་བདེ་འཇགས་གཅིག་གྱུར་འཆར་འགོད་སོགས་སྐོར་གྱི་ཏང་ཀྲུང་དབྱང་གི་ཐབས་ཇུས་བཀོད་སྒྲིག་གལ་ཆེན་ལ་དམ་པོར་དམིགས་ཏེ།ལྟ་སྐུལ་རྗེས་སྙེག་དང་ལྟ་སྐུལ་གནད་འཁེལ་བྱས་ཏེ།སྲིད་ཇུས་དང་ལས་འགན་དང་བྱེད་ཐབས་ལག་བསྟར་བྱེད་ཤུགས་མི་འདང་བ་དང་དོན་འཁྱོལ་གནད་ལ་འཁེལ་མེད་པ་སོགས་ཀྱི་གནད་དོན་ཤེས་རྟོགས་དང་སྐུལ་འདེད་བཏང་སྟེ།ཆབ་སྲིད་ཀྱི་སྒྲིག་ཁྲིམས་དམ་ནན་དུ་བཏང་ནས་ཆབ་སྲིད་ཀྱི་ནོར་འཛོལ་ཡོ་བསྲང་བྱས་ཡོད།

ཆབ་སྲིད་སྐོར་གཟིགས་སྐོར་དཔྱོད་ཟབ་སྤེལ་བྱས་ཏེ།འགྲིམ་འགྲུལ་ཆུ་བེད་དང་།ཞིང་ལས་དང་གྲོང་གསེབ།སྤྱི་ཚོགས་འགན་སྲུང་སོགས་གཙོ་གནད་ཁྱབ་ཁོངས་ལ་དམིགས་ནས་ཞིང་ཆེན་ཏང་ཨུའི་རྒྱུན་ལྡན་སྐོར་གཟིགས་ཐེངས་བདུན་པ་དང་།བརྒྱད་པ།དགུ་པ་བཅས་བཀོད་སྒྲིག་བྱས་ཏེ།ཞིང་ཆེན་ཏང་ཨུའི་འཐབ་ཕྱོགས་གཅིག་གྱུར་པུའུ་དང་ཞིང་ཆེན་མི་རིགས་ཆོས་ལུགས་ལས་དོན་ཨུ་ལྷན་ལ་ཆེད་དོན་སྐོར་གཟིགས་བྱས་ཏེ།ཞིང་ཆེན་ཡོངས་ཀྱི་སློབ་གསོའི་ཁོངས་གཏོགས་ལ་མཉམ་འགུལ་སྐོར་དཔྱོད་བྱས་ཏེ།སྐོར་ཞིབ་མཉམ་འགུལ་དང་།སྐོར་གཟིགས་དག་ཐེར་ཐེངས་དང་པོ་ནས་ལྔ་པའི་བར་གྱི་ཕན་འབྲས་ལ་འཐེན་བཤེར་དཔྱད་དཔོག་བྱས་ཏེ།དག་ཐེར་ཡོ་བསྲང་གི་ཕན་འབྲས་སྲ་བརྟན་དང་མཐོར་འདེགས་གཏོང་དགོས།

“གཙོ་འགན་འཁུར་མཁན”དང་མགོ་ཁྲིད་ཚན་ཁག་ནི་དོན་འཁྱོལ་ལ་དམ་འཛིན་བྱེད་པའི“འགག་རྩའི་ཉུང་ཤས”ཡིན་པ་དང་།ཞིང་ཆེན་སྒྲིག་ཨུད་ལྟ་ཞིབ་ཨུ་ལྷན་གྱིས་ཞིང་ཨུད་ལ་གཞོགས་འདེགས་བྱས་ཏེ《མཚོ་སྔོན་ཞིང་ཆེན་གྱི་ཏང་སྲོལ་སྲིད་གཙང་འཛུགས་སྐྱོང་འགན་འཁྲིའི་ལམ་ལུགས་ཀྱི་དཔྱད་ཞིབ་བྱེད་ཐབས》བཟོ་བཅོས་བརྒྱབ་པ་དང་།ཡིག་ཐོག་སྙན་ཞུ་ཉན་པ་དང་།ལྟ་སྐུལ་གླེང་མོལ།འགན་བརྗོད་སྤྱོད་བརྗོད་སོགས་ཀྱི་བྱེད་ཐབས་ཕྱོགས་བསྡུས་ཐོག་སྤྱད་དེ་རིམ་ཁག་ཏང་ཨུད་ཀྱི“གཙོ་འགན་འཁུར་མཁན”དང་མགོ་ཁྲིད་ཚན་ཁག་གི་ཁོངས་མིས་སྤྱོད་གཙང་གིས་ལས་འགན་སྒྲུབ་པའི་དབང་ཆ་སྤྱོད་རྒྱུར་སྐུལ་འདེད་བཏང་ནས། ཏང་ནན་སྐྱོང་དང་བཅོས་སྐྱོང་གི་ཆབ་སྲིས་འགན་འཁྲི་ནན་ཏན་གྱིས་དོན་འཁྱོལ་བྱས།

ཡོ་བསྲང་དང་གསར་འཛུགས་མཉམ་སྤེལ་བྱས་ནས་ཏང་སྲོལ་དང་སྲིད་སྲོལ་རྒྱུན་མཐུད་ངང་ལེགས་སུ་ཕྱིན་པ།

ཉེ་ཆར་མཚོ་སྔོན་ཞིང་ཆེན་སྒྲིག་བཤེར་ལྟ་ཞིབ་དྲ་ཚིགས་ཐོག“2025ལོའི་ཟླ་དང་པོ་ནས་བཅུ་གཉིས་པའི་བར་ཞིང་ཆེན་དེ་ཡོངས་ཀྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལས་འགལ་བའི་གནད་དོན་ཁྱོན་2460ཞིབ་བཤེར་ཐག་གཅོད་བྱས་པ་དང་།མི་2800ལ་སྐྱོན་བརྗོད་སློབ་གསོ་དང་ཐག་གཅོད་བྱས་པ།མི་1280ལ་ཏང་སྒྲིག་སྲིད་དོན་གྱི་ཆད་པ་བཅད་ཡོད”ཅེས་བརྡ་ཁྱབ་བཏང་བ་རེད།

སྤྱོད་ཚུལ་ལེགས་སྐྱོང་དམ་འཛིན་ཡག་པོ་བྱེད་པ་ནི་ཁོར་ཡུག་ནན་པོ་བསྐྲུན་པ་ཞིག་ཡིན་ལ་དར་སྲོལ་བཟང་པོ་ཞིག་ཀྱང་ཡིན།ཞིང་ཆེན་ཡོངས་ཀྱིས་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་ལག་བསྟར་གཏིང་ཟབ་བྱེད་པའི་སློབ་སྦྱོང་སློབ་གསོ་ཏན་ཏིག་སྤེལ་བ་དང་།“སྤྱོད་ཚུལ་བཞི”ཡི་གཅོང་ནད་བཅོས་སྒྲིག་ནན་པོ་བྱས་པ།ཞིབ་བཤེར་ཐག་གཅོད་ནན་པོ་དང་ཡོ་བསྲང་མཉམ་སྤེལ་བྱས་ནས་ཞིང་ཆེན་ཡོངས་ཀྱི་ཏང་སྲོལ་དང་སྲིད་སྲོལ་རྒྱུན་མཐུད་ལེགས་སུ་འགྲོ་རྒྱུར་སྐུལ་འདེད་བཏང་བ་རེད།

ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་གྱིས་སྒྲིག་འགལ་ངང་ཟ་འཐུང་བྱེད་རིགས་བཅོས་སྒྲིག་བྱ་རྒྱུ་དེ་སྤྱོད་ཚུལ་འགྱུར་ལྡོག་གཏོང་བ་དང་ཏང་དོ་དམ་དང་ཏང་ནན་པོར་སྐྱོང་བའི་འཇུག་སྒོ་ཞིག་ཏུ་བརྩིས་ནས་ཆབ་སྲིད་ཀྱི་ངོ་བོ་དང་།བསམ་བློའི་འབྱུང་རྩ།སྒྲིག་ཁྲིམས་དང་སྒྲིག་ལམ།མངོན་གསལ་དོད་པའི་གནད་དོན།“འགག་རྩའི་ཉུང་ཤས”ལམ་ལུགས་དང་ལམ་སྲོལ་དམ་འཛིན་དང་།ལེགས་བཅོས།དོ་དམ།ནན་ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་གོམ་སྟབས་མི་འགྱུར་བ་དང་།ཚད་གཞི་མི་ལྷོད་པ།ཤུགས་ཚད་ཆུང་དུ་མི་གཏོང་བ་བཅས་བྱས་ནས་སྒྲིག་འགལ་ངང་ཟ་འཐུང་བྱེད་པའི་ཆེད་དོན་བཅོས་སྒྲིག་གི་གྲུབ་འབྲས་སྲ་བརྟན་དུ་གཏོང་བ་དང་།“དམིགས་བསལ་སྨྲ་བ”དང“ཁ་གསབ་སེམས་ཁམས་”མེད་པ་བཟོ་བ།སྒྲིག་འགལ་ངང་ཟ་འཐུང་བྱེད་པའི་སྒྲིག་ཁྲིམས་བླང་བྱ་ལག་བསྟར་ནན་པོ་བྱེད་པ། གསར་རྙེད་གྱི་སྒྲིག་འགལ་བཟའ་འཐུང་གནད་དོན་གྱི་ཁུངས་སྣེ་མགྱོགས་མྱུར་ཞིབ་བཤེར་དང་ཐག་གཅོད་ནན་པོ་བྱས་ཏེ།     དུས་ཐོག་བརྡ་ཁྱབ་ཁྱབ་བསྒྲགས་དང་དམར་འདོན་གྱིས་རྩ་ལག་མཉམ་བཅོས་བྱས།    

ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་སྒྲིག་འགལ་ངང་ལག་རྟགས་དང་འབུལ་རྟེན་སྤྲོད་པའི་ཆེད་དོན་བཅོས་སྒྲིག་དེ་ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་དོན་འཁྱོལ་ལ་སྐུལ་འདེད་གཏོང་བའི་དམ་འཛིན་བྱ་གཞི་ནུས་ལྡན་ཞིག་ཏུ་བརྩིས་ནས“རང་འགུལ་ངང་གུ་ཡངས་དང་ཞིབ་བཤེར་ནན་པོ་བྱས་པ་དང་།དེ་གོང་གུ་ཡངས་དང་སླད་ཕྱིན་ནན་པོའི”སྲིད་ཇུས་ཁོང་དུ་ཡང་དག་ཆུད་པར་བྱས་ཏེ་བསམ་བློའི་སྐུལ་སློང་ལ་ཤུགས་སྣོན་བརྒྱབ་པ་དང་། སེམས་གཏམ་གྱི་གླེང་མོལ་དང་རྩ་འཛུགས་ཀྱི་རང་བཤེར་རང་བཅོས་སྤེལ་ཞིང་།     ཞིང་ཆེན་ཡོངས་ཀྱི་གོང་འོག་མཉམ་འགུལ་བཅས་ཀྱིས་ཕྱོགས་གཅིག་ཏུ་སྟོབས་ཤུགས་བཏང་ནས་ཏང་ཡོན་ལས་བྱེད་པའི་མངོན་འགྱུར་“གཞན་དབང་གི་ཞིབ་བཤེར་ཐག་གཅོད་”ནས“རང་འགུལ་གཙང་འགྱུར་”དུ་འགྱུར་བར་སྐུལ་འདེད་བཏང་སྟེ།     རང་འགུལ་ངང་སྒྲིག་ཁྲིམས་འགལ་བའི་གོང་སྤྲོད་གོང་དང་འབྲེལ་བཙུགས་ཐོབ་ཆ་བྱས་ཏེ།     ཆབ་སྲིད་ཀྱི་ཕན་འབྲས་དང་སྤྱི་ཚོགས་ཀྱི་ཕན་འབྲས་ཅུང་ལེགས་པོ་ཐོབ་པ་རེད།    

གཞན་ཡང་ཕྱི་ཚུལ་རིང་ལུགས་དང་དཔོན་ཉམས་རིང་ལུགས་ཀྱི་འཕེལ་ཕྱོགས་གསར་པར་དམིགས་ནས་རྒྱུན་མཐུད་ཤུགས་འདོན་དང་གནད་སྨིན་བཅོས་སྐྱོང་བྱེད་དགོས།དབང་ཆའི་ལྟ་བ་འཁྱོག་འགྱུར་དང་།སྲིད་སྐྱོང་བྱས་རྗེས་ཀྱི་ལྟ་བ་ནོར་བ།གཞི་རིམ་གྱི་ཁུར་པོ་ལྕི་རུ་གཏོང་བ་སོགས་ཀྱི་སྣང་ཚུལ་ལ་དམིགས་ནས་བརྟག་དཔྱད་ཞིབ་འཇུག་བྱས་པ་དང་།ལྟ་སྐུལ་ཞིབ་བཤེར་དང་།འགན་འཁྲིའི་ལམ་ལུགས་དཔྱད་ཞིབ།གྱོད་གཞི་ཞིབ་གཅོད།ཡིག་བསྐུར་ངོ་བཅར་ཐེར་འདོན་སོགས་དང་ཟུང་འབྲེལ་བྱས་ཏེ་མཚོ་སྔོན་ཞིང་ཆེན་གྱི་ལས་བྱེད་པའི་སྤྱོད་ཚུལ་ནན་པོ་མེད་པ་དང་ཏན་ཏིག་མིན་པའི་སྒོ་ནས་གཞི་རིམ་གྱི་ཁུར་པོ་ལྕི་རུ་གཏོང་བ་སོགས་ཀྱི་གནད་དོན་སྣ་ཚོགས་གསེད་བཀྲོལ་བྱས་ནས་ཁ་གཏད་གཅོག་ཐབས་དང་གྲོས་འགོ་བཏོན་པ་རེད།ཕྱི་ཚུལ་རིང་ལུགས་དག་ཐེར་བཅོས་སྐྱོང་བྱ་རྒྱུ་དེ་གཞི་རིམ་གྱི་ཁུར་པོ་ཡང་དུ་གཏོང་རྒྱུ་དེ་རྒྱུན་ལྡན་གྱི་ལྟ་སྐུལ་དང་སྐོར་གཟིགས་སྐོར་དཔྱོད་ཀྱི་ནང་དོན་གཙོ་བོའི་ནང་བཅུག་སྟེ།ཚོགས་འདུ་དང་ཡིག་ཆ་རྫོགས་དུས་མེད་པ་དང་།ལྟ་སྐུལ་མཛུབ་ཁྲིད་དང་ཞིབ་བཤེར་བརྟག་ཞིབ་དང་།ལས་ཀར་རྗེས་ཤུལ་བཞག་དྲགས་པ་སོགས་ཀྱི་གནད་དོན་ཞིབ་བཤེར་ཐག་གཅོད་ནན་པོ་བྱས་ཏེ།གཞི་རིམ་ལས་བྱེད་པའི་ཁུར་པོ་ཡང་དུ་ཏན་ཏིག་གཏོང་དགོས།

རྩ་ལག་མཉམ་བཅོས་ཟབ་སྤེལ་བྱས་ནས་རུལ་སུངས་སྐྱེ་འཕེལ་གྱི་ས་རྒྱུ་དང་ཆ་རྐྱེན་ཤུགས་ཆེན་པོས་མེད་པར་བཟོས།

རུལ་སུངས་ནི་ཏང་དང་རྒྱལ་ཁབ་ཀྱི་བྱ་གཞག་འཕེལ་རྒྱས་གཏོང་བའི་བརྒྱུད་རིམ་ཁྲོད་ཀྱི་ལམ་འགོག་སྟག་དང་བཀག་རྡོ་ཡིན། 2025ལོར་ཞིང་ཨུད་ཀྱི་ནུས་ལྡན་མགོ་ཁྲིད་འོག་ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་རུལ་སུངས་ཀྱི་འཕེལ་ཕྱོགས་གསར་པ་དང་ཁྱད་ཆོས་གསར་པ་ཁོང་དུ་ཆུད་པ་བྱས་ཏེ་རུལ་སུངས་ལ་ངོ་རྒོལ་བྱེད་པའི་མཐིལ་རྟོགས་ནུས་པ་ཟམ་མི་ཆད་པར་ཆེ་རུ་གཏོང་བ་དང་།མུ་མཐུད་གཙང་སེལ་བྱེད་པ།རྩ་སྒྱུར་རྩ་བ་ནས་བྱེད་པ་བཅས་བྱས་ནས་ངན་པ་གཙང་སེལ་བྱས་ཏེ་རུལ་སུངས་ལ་ངོ་རྒོལ་བྱེད་པའི་དམ་བསྒྲགས་རྣམ་པ་རྒྱུན་འཁྱོངས་བྱས་ཡོད།

ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་གྱིས་དབང་ཆ་དང་འགན་འཁྲིར་དམ་པོར་དམིགས་ཏེ་གཙོ་གནད་གནད་དོན་དང་།གཙོ་གནད་ཁྱབ་ཁོངས།གཙོ་གནད་བྱ་ཡུལ་བཅས་ལ་དམིགས་ནས་གོང་གིས་འོག་ལ་སྣེ་ཁྲིད་དེ་གྱོད་གཞི་སྒྲུབ་རྒྱུར་སྐུལ་འདེད་ཤུགས་ཆེན་གཏོང་རྒྱུ་མཐའ་འཁྱོངས་དང་།སྒྲིག་འགལ་ཁྲིམས་འགལ་ཚབས་ཆེན་གྱི་གྱོད་གཞི་ཞིབ་བཤེར་ཐག་གཅོད་ནན་པོ་བྱས་ཏེ་ནན་པོ་མཐར་ཕྱིན་པ་དང་ཐོག་མཐའ་བར་གསུམ་དུ་མཐའ་འཁྱོལ་བའི་བརྡ་རྟགས་དྲག་པོ་ནུས་ལྡན་བཏོན་ཡོད།

སྤྱོད་ཚུལ་དང་རུལ་སུངས་མཉམ་དུ་འདྲེས་པ་ནི་ད་ལྟའི་དུས་རིམ་གྱི་ཏང་སྲོལ་ཡོ་བསྲང་དང་སྲིད་དོན་གཙང་སྐྱོང་དང་རུལ་སུངས་ལ་རྒོལ་བའི་འཐབ་རྩོད་ཀྱིས་ཐག་གཅོད་གང་ཐུབ་བྱ་དགོས་པའི་གནད་དོན་མངོན་གསལ་ཅན་ཞིག་རེད།ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་སྤྱོད་ཚུལ་རུལ་སུངས་མཉམ་དུ་ཞིབ་བཤེར་དང་བཅོས་སྐྱོང་བྱེད་པའི་ལམ་སྲོལ་འཐུས་ཚང་དུ་བཏང་ནས་སྤྱོད་ཚུལ་གྱིས་རུལ་སུངས་ཞིབ་བཤེར་བྱ་རྒྱུ་མཐའ་འཁྱོངས་བྱས་ཏེ་ཚུལ་མིན་སྤྱོད་ཚུལ་རྒྱབ་ཀྱི་“འཁོར་རྒྱ་ཆུང་ངུ”ཡོ་བསྲང་གཏིང་ཟབ་དང་།བྱ་བ་སྒྲུབ་པ།ཁེ་ཕན་སྐྱེལ་འདྲེན་བཅས་བྱས་ཡོད།རུལ་སུངས་ནས་སྤྱོད་ཚུལ་ཡོ་བསྲང་བྱེད་པར་ས་ཁུལ་དང་།ལས་རིགས།སྡེ་ཚན་བཅས་ཀྱི་ཚུལ་མིན་སྤྱོད་ཚུལ་དང་ཐུན་མོང་རང་བཞིན་གྱི་གནད་དོན་ཞིབ་བཤེར་བྱེད་དགོས་ལ།བྱེ་བྲག་རང་བཞིན་གྱི་གནད་དོན་ཡང་ཞིབ་བཤེར་བྱས་ཏེ།གཅིག་བསྡུས་བཅོས་སྐྱོང་དང་ཆེད་དམིགས་བཅོས་སྐྱོང་ཟུང་འབྲེལ་བྱེད་པར་སྐུལ་འདེད་བཏང་སྟེ།གོམ་པ་གཅིག་ཀྱང་མཚམས་མི་འཇོག་པ་དང་གོམ་པ་ཕྱེད་ཀ་ཕྱིར་བཤོལ་མི་བྱེད་པ་རེད།

དེ་དང་ཆབས་ཅིག་ཚན་རྩལ་གྱི་ནུས་པ་རྒྱུན་ཆད་མེད་པར་ཆེ་རུ་བཏང་ནས་སྒྲིག་བཤེར་ལྟ་ཞིབ་ཆ་འཕྲིན་ཅན་འཛུགས་སྐྱོང་ལ་ཤུགས་སྣོན་བརྒྱབ་སྟེ་གྲངས་གཞི་ཆེན་པོའི་ལས་དོན་གྱི་ཆེད་ལས་འཛིན་གྲྭའི་འཁོར་སྐྱོད་ནུས་པ་ཆེ་རུ་གཏོང་བ་དང་།གྲངས་གཞི་ཆེན་པོའི་འདྲི་རྩད་ནུས་པ་ཆེ་རུ་གཏོང་བ།གྲངས་གཞི་ཆེན་པོའི་ཆ་འཕྲིན་ཅན་གྱི་མ་ལག་གཞི་རིམ་དུ་སྣུར་སྲིང་བྱ་རྒྱུར་སྐུལ་འདེད་གཏོང་བ་བཅས་བྱས་པ་བརྒྱུད་མཚོ་སྔོན་སྒྲིག་བཤེར་ལྟ་ཞིབ་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་སྒུལ་ཤུགས་ཆེན་པོ་ཞིག་ཏུ་གྱུར་ཡོད།

རྒྱུད་ཁོངས་བཅོས་སྐྱོང་དང་རྩ་ལག་མཉམ་བཅོས་བྱེད་ཤུགས་ཆེ་རུ་གཏོང་ཆེད།སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་ཀྱིས་རིམ་པ་ཁག་གི་ཏང་ཨུ་(ཏང་ཙུའུ་)ལ་སྐུལ་འདེད་བཏང་ནས་གྱོད་གཞིར་བརྟེན་ནས་ཡོ་བསྲང་ལ་སྐུལ་འདེད་གཏོང་བ་དང་གྱོད་གཞིར་བརྟེན་ནས་བཅོས་སྐྱོང་ལ་སྐུལ་འདེད་གཏོང་བའི་ལས་དོན་གཏིང་ཟབ་སྤེལ་ཡོད།ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་གྱིས་འགྲིམ་འགྲུལ་སྐྱེལ་འདྲེན་དང་།གསར་སྤེལ་གླིང་ཁུལ།སློབ་གསོ་འཕྲོད་བསྟེན་སོགས་ཁྱབ་ཁོངས་ཀྱི་དཔེ་མཚོན་གྱོད་གཞི་དང་ཟུང་འབྲེལ་བྱས་ཏེ་མངོན་གསལ་དོད་པའི་གནད་དོན་མ་ལག་བཅོས་སྒྲིག་བྱ་རྒྱུའི་བཀོད་སྒྲིག་བྱས་ནས་ལམ་སྲོལ་འཐུས་ཚང་དུ་གཏོང་བ་དང་།སྐྱོན་ཆ་འགོག་པ།ཞན་ཆ་གསབ་པ་བཅས་ལ་སྐུལ་འདེད་བཏང་ཡོད།ཉེན་ཟོན་སློབ་གསོའི་ཚོགས་ཆེན་དང་།གསར་དུ་འགན་འཁུར་བའི་མགོ་ཁྲིད་ལས་བྱེད་པའི་ཐུན་མོང་གི་སྲིད་དོན་གཙང་སྐྱོང་གླེང་མོལ་ཚོགས་འདུ་འཚོགས་པ་བརྒྱུད་སྒྲིག་འགལ་ཁྲིམས་འགལ་ཚབས་ཆེན་གྱི་གྱོད་དོན་འགྱོད་བཤགས་ཟིན་ཐོ་རྩོམ་སྒྲིག་པར་འདེབས་དང་།ཉེན་ཟོན་སློབ་གསོའི་གློག་བརྙན་པར་ལེན་བཟོ་སྐྲུན་སོགས་བྱས་ཏེ།ཏང་ཡོན་ལས་བྱེད་པས་རུལ་རྒོལ་འགྱུར་འགོག་གི་བསམ་བློའི་འགོག་སྲུང་འཛིང་རགས་བརྟན་པོ་འཛུགས་པར་སྐུལ་འདེད་བཏང་ཡོད།

དཔྱིད་རླུང་དང་ཆར་རླུང་གིས་སྒྲ་མེད་པར་གྱུར།2025ལོར་ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་མཉམ་ཤུགས་གཅིག་སྒྲིལ་དང་།བྱེད་ཐབས་ཕུན་སུམ་ཚོགས་པ།གཞི་རྟེན་གསར་གཏོད།གཡུལ་ས་གཏོད་པ་བཅས་བྱས་ནས་དུས་རབས་གསར་པའི་སྤྱོད་གཙང་རིག་གནས་འཛུགས་སྐྱོང་གཏིང་ཟབ་དང་ཏན་ཏིག་ཡོང་རྒྱུར་མུ་མཐུད་སྐུལ་འདེད་བཏང་བ་རེད།ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་གྱིས་ཞིང་ཆེན་བུད་མེད་མཉམ་འབྲེལ་ལྷན་ཚོགས་སོགས་སྡེ་ཚན་དང་མཉམ་འབྲེལ་བྱས་ནས“སྤྱོད་གཙང་ཁྱིམ་ཚང་ཀུན་ཁྱབ”ཅེས་པའི་ཁྱིམ་སྲོལ་འཛུགས་སྐྱོང་གི་སྤུས་རྟགས་རྒྱུན་མཐུད་ངང་གསལ་པོ་བཟོས་ནས་ཞིང་ཆེན་ཡོངས་ཀྱི་འཕྲོད་བསྟེན་བདེ་ཐང་ཁོངས་གཏོགས་ཀྱིས“སྤྱོད་གཙང་དར་སྤེལ་དང་སྨན་པའི་སེམས་པ་སྲུང་བའི”སྨན་པའི་སྐད་ཆ་སྤྱོད་གཙང་གི་སྐོར་སྐྱོད་བྱེད་སྒོ་སྤེལ་རྒྱུར་མཛུབ་ཁྲིད་བྱས་ཏེ། སློབ་གསོའི་ཁོངས་གཏོགས་ཀྱིས་ཞིང་ཆེན་ཡོངས་ཀྱི་སློབ་གྲྭ་འབྲིང་ཆུང་གི“སྤྱོད་གཙང་སློབ་གླིང”གི་འཛུགས་སྐྲུན་བྱ་འགུལ་སྐུལ་འདེད་བྱས་ཏེ། ས་ཁུལ་ཁག་དང་མངའ་ཁོངས་ཁག་གིས་ས་གནས་ཀྱི་གནས་ཚུལ་དང་བསྟུན་ནས་སྣ་མང་ཕུན་སུམ་ཚོགས་པའི་སྤྱོད་གཙང་རིག་གནས་འཛུགས་སྐྱོང་བྱེད་སྒོ་སྤེལ་ཏེ།     སྤྱོད་གཙང་ལ་བརྩི་བཀུར་དང་སྤྱོད་གཙང་ལ་བརྩི་བཀུར་བྱེད་པ་མཚོ་སྔོན་ས་གཞི་ཆེན་པོར་དར་སྲོལ་ཞིག་ཏུ་འགྱུར་བར་སྐུལ་འདེད་བཏང་སྟེ།     ཕྱོགས་ཡོངས་ནས་ཏང་ནན་སྐྱོང་བྱེད་པར་གཏིང་ཟབ་ཏུ་སྐུལ་འདེད་གཏོང་བར་འདེགས་སྐྱོར་ནུས་ལྡན་འདོན་སྤྲོད་བྱས་ཡོད།    

གཅིག་སྡུད་བཅོས་སྒྲིག་ལ་དམ་འཛིན་ནན་པོ་བྱས་ནས་དམངས་འཚོའི་བདེ་སྐྱིད་ཆེ་རུ་བཏང་།

དམངས་འཚོར་དོན་དག་ཆུང་ཆུང་མེད།མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་ཀྱི་གནད་དོན་བཅོས་སྒྲིག་བྱ་རྒྱུ་ནི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་ནན་བཤད་ཡང་ཡང་གནང་བའི་དོན་ཆེན་ཞིག་ཡིན་ལ།ཏང་ཀྲུང་དབྱང་གིས་བཏོན་པའི་བཀོད་སྒྲིག་གལ་ཆེན་ཞིག་ཀྱང་ཡིན།ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་གྱིས་རིམ་ཁག་ཏང་ཨུད་དང་ལྷག་པར་དུ་གྲོང་ཁྱེར་དང་རྫོང་ཏང་ཨུད་ཀྱིས་སེམས་ནུས་གཅིག་སྒྲིལ་གྱིས་འགག་སྒྲོལ་བྱ་རྒྱུར་སྐུལ་འདེད་བཏང་ནས་གཅིག་སྡུད་བཅོས་སྒྲིག་ལ་སྐུལ་འདེད་བཏང་བ་དང་།“སྦྲང་ནག་གྲོག་རུལ་”ལ་ཉེས་ཆད་ནན་པོ་གཅོད་པ།གཅོང་ནད་ངན་པ་ཡོ་བསྲང་དང་བཅོས་སྐྱོང་བཅས་བྱས་ཏེ་དེང་རབས་ཅན་འཛུགས་སྐྲུན་གྱི་གྲུབ་འབྲས་དེ་བས་མང་བ་དང་དེ་བས་དྲང་སྙོམས་ཀྱི་སྒོ་ནས་མི་དམངས་ཡོངས་ལ་ཕན་པ་ཐོབ་རྒྱུར་སྐུལ་འདེད་བཏང་བ་རེད།

ཞིང་ཨུད་དང་ཞིང་ཆེན་སྲིད་གཞུང་གིས་བྱེད་པོའི་འགན་འཁྲི་ཏན་ཏིག་བསྒྲུབས་པ་དང་།ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་གྱིས་སྣེ་ཁྲིད་དེ་སྤྱི་ཡོངས་ལ་དམ་འཛིན་དང་ནུས་ཤུགས་ཡོད་རྒུ་བཏོན་ནས་འགན་ནུས་སྡེ་ཚན་གྱིས་དམག་འཁྲུག་ནང་ཧུར་ཐག་ཞུགས་པ་དང་མཐུན་སྦྱོར་སྐུལ་འདེད་བཏང་བ་རེད།ཞིང་ཆེན་སྒྲིག་ཨུད་ལྟ་སྐུལ་ཨུ་ལྷན་གྱིས་གཙོ་གནད་བཅོས་སྒྲིག་རྣམ་གྲངས་དང་ཞིབ་ཕྲའི་དོན་དངོས་སྣེ་ཁྲིད་སྡེ་ཚན་23དང་མཉམ་དུ“ཆེད་ལས་གཉིས་འཛིན་གྲྭ”ཡི་ལས་ཀའི་ལམ་སྲོལ་བཙུགས་པ་དང་།བཅོས་སྒྲིག་ཇུས་གཞི་བཟོས་པ།གནད་དོན་དང་།འགན་འཁྲི།དོན་དངོས་གསལ་ཐོ་བཅས་ཞིབ་ཚགས་སུ་བཏང་བ།དུས་བཀག་བཀོད་གཏོང་དང་།འཐབ་ས་དང་པོར་ལྟ་སྐུལ།གྲངས་གཞི་ནུས་འདོན།འགན་འཁྲི་མཐིལ་རྟོགས་སོགས་ཀྱི་ལམ་སྲོལ་བཙུགས་ནས་འགན་ནུས་སྡེ་ཚན་གྱིས་ལས་རིགས་ལ་དམ་འཛིན་དང་།མ་ལག་ལ་སྣེ་ཁྲིད།གཞི་རིམ་ལ་སྐུལ་འདེད་གཏོང་བ་བཅས་བྱས་ཡོད།

ཞིང་ཆེན་ཡོངས་ཀྱི་རིམ་ཁག་སྒྲིག་བཤེར་ལྟ་ཞིབ་ལས་ཁུངས་ཀྱིས་གྱོད་གཞི་སྒྲུབ་པར་བརྟེན་ནས་ཐབས་ལམ་གཏོད་རྒྱུ་མཐའ་འཁྱོངས་བྱས་ཏེ་མང་ཚོགས་ཉེ་འགྲམ་གྱི་ཚུལ་མིན་སྤྱོད་ཚུལ་དང་རུལ་སུངས་གནད་དོན་ལ་མུ་མཐུད་རལ་གྲི་བཏོན་ནས་མང་ཚོགས་ཀྱི་ཁེ་ཕན་ཟ་བའི“སྦྲང་ནག་དང་གྲོག་མའི་རུལ་སུངས”ཁག་གཅིག་ལ་ཆད་པ་ནན་པོ་བཅད་ཡོད།ཞིང་ཆེན་དང་།ཀྲོའུ།རྫོང་བཅས་རིམ་གསུམ་སྒྲིག་ཨུད་ལྟ་ཞིབ་ཨུ་ལྷན་གྱིས“ཡིག་བསྐུར་ངོ་བཅར་དྲ་བའི་གློག་འཕྲིན”ཁྱོན་ཡོངས་ལ་ཁྱབ་པའི་ལྟ་སྐུལ་ཐེར་འདོན་ཐབས་ལམ་བཏོད་པ་དང་།མང་ཚོགས་ཀྱི“ཨང་གྲངས་ཐོག་ནས་ལྟ་སྐུལ”གྱི་ཐེར་འདོན་ལས་སྟེགས་བཙུགས་པ།ནོར་སྲིད་དང་།ཞིང་ལས་དང་གྲོང་གསེབ།སློབ་གསོ།དམངས་སྲིད།སྤྱི་བདེ་སོགས་འགན་ནུས་སྡེ་ཚན་གྱི་གྲངས་གཞི་ཆེན་པོའི་ལྟ་སྐུལ་ལས་སྟེགས་ཀྱི་གྲངས་གཞི་མཉམ་སྤྱོད་ལ་ཤུགས་སྣོན་བརྒྱབ་པ།མགོ་ཁྲིད་ཀྱིས་གྱོད་གཞི་འགན་གཙང་ལེན་པ་དང་།སྒོ་བྱང་བཀལ་ནས་ལྟ་སྐུལ་བྱེད་པ།རིམ་པ་སྤར་ནས་སྒྲུབ་པ།བདག་སྐྱོང་བྱེད་ཁོངས་དམིགས་འཛུགས་བྱེད་པ།སྣོལ་སྡེབ་ཀྱིས་གྱོད་གཞི་སྒྲུབ་པ་སོགས་ཀྱི་བྱེད་ཐབས་སྤྱད་དེ་གྱོད་གཞི་གཙོ་གནད་འགག་སྒྲོལ་ཤུགས་ཆེན་བྱས་པས།སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་ཀྱིས་སྒྲིག་ཁྲིམས་ལག་བསྟར་དང་དམངས་དོན་དུ་ཁྲིམས་བསྟར་དང་།སྤྱོད་ཚུལ་ཡོ་བསྲང་དང་ཟིང་ཆ་བཅོས་སྐྱོང་བྱེད་པའི་ཆོད་སེམས་བརྟན་པོ་མངོན་ཡོད།

མང་ཚོགས་ཀྱི་དཀའ་ཉེན་རེ་སྒུག་གི་གནད་དོན་ལ་དམ་པོར་དམིགས་ཏེ།སྒྲིག་ཁྲིམས་ཞིབ་བཤེར་ལྟ་ཞིབ་ལས་ཁུངས་ཀྱིས་ཕྱོགས་གཅིག་ནས་བཅོས་སྒྲིག་དམ་འཛིན་དང་།ཕྱོགས་གཞན་ཞིག་ནས་བཅོས་སྐྱོང་དམ་འཛིན་བྱས་ཡོད།སློབ་གསོའི་ཁྱབ་ཁོངས་སུ་མཉམ་འགུལ་ལྟ་སྐུལ་བྱས་པ་བརྒྱུད་སློབ་གྲྭ་འབྲིང་ཆུང་གི་སློབ་བསྡུ་སློབ་ཞུགས་ཀྱི“དྲ་གཅིག་ཀུན་ཁྱབ”དང“ཉི་འོད་འཛིན་གྲྭ་དབྱེ་བའི”བྱེད་ཐབས་ལས་ཁྱིམ་བདག་དང་དགེ་རྒན་ཚོས་སེམས་གཏིང་ནས་མཐེ་བོང་བསྒྲེངས་ཡོད།རྫོང་41ལ“སློབ་གྲྭའི་ཟས་རིགས”རྩིས་བཤེར་གནད་དོན་ཁྱོན་ཡོངས་ནས་དག་ཐེར་བྱ་རྒྱུར་སྐུལ་འདེད་བཏང་ནས་འཚོ་བཅུད་ལེགས་གཏོང་ལག་བསྟར་ཁྱབ་ཁོངས་རྒྱ་ཆེར་བཏང་བས་ཕན་པ་ཐོབ་པའི་སློབ་མ་ཁྲི་25.83ནས་ཁྲི་51.31བར་མང་དུ་ཕྱིན་ཡོད།གྲོང་གསེབ་ཀྱི་མཉམ་སྡེབ་ཀྱི“མ་དངུལ་གསུམ”དོ་དམ་ཁྱབ་ཁོངས་སུ་ཞིང་ཆེན་སྒྲིག་ཨུད་ལྟ་ཞིབ་ཨུ་ལྷན་གྱི་ལྟ་སྐུལ་མཛུབ་ཁྲིད་ཚོགས་ཆུང་གིས་ཤེས་རྟོགས་བྱུང་བའི“མ་དངུལ་གསུམ”གྱི་གཞི་གྲངས་གསལ་པོ་མེད་པ་དང་།ནོར་དོན་དོ་དམ་ཚད་ལྡན་མེད་པ།གྲོང་ཚོའི་ནོར་སྲིད་ཤང་གིས་དོ་དམ་བྱེད་པའི་ཚད་གཞི་མི་འདྲ་བ་སོགས་ཀྱི་གནད་དོན་ལ་དམིགས་ནས་རེ་རེ་བཞིན་དག་ཐེར་ལ་སྐུལ་འདེད་བཏང་བ་དང་།མཉམ་སྡེབ་མ་དངུལ་ལྐོག་ཟ་དང་ཧམ་བཟུང་བྱེད་པ་སོགས་ཀྱི་གནད་དོན་ཞིབ་བཤེར་ཐག་གཅོད་ནན་པོ་བྱས་ནས་གྲོང་གསེབ་ཀྱི་མཉམ་སྡེབ་ཀྱི“ཁྱིམ་གཞི”སྲུང་སྐྱོང་བྱས་པ་རེད།བདེ་སྡོད་ལས་གྲྭའི་ཁྱབ་ཁོངས་སུ་སྒྲིག་བཤེར་ལྟ་ཞིབ་ལས་ཁུངས་ཀྱིས་“ཆད་རུང་ཞིབ་མཆན་འགོད་པའི”ལམ་སྲོལ་གསར་གཏོད་བྱས་ནས་འབྲེལ་ཡོད་སྡེ་ཚན་གྱིས་མང་ཚོགས་ཁག་གཅིག་གི“ལག་ཁྱེར་གཉེར་དཀའ་བའི་”གནད་དོན་གཙང་བཤེར་དང་ཐག་གཅོད་བྱ་རྒྱུར་སྐུལ་འདེད་བཏང་ཡོད།དམངས་ཕན་དམངས་ཕན་གྱི་སྲིད་ཇུས་བཟང་པོ་དོན་ཐོག་ཏུ་འཁྱོལ་བ་དང་མི་དམངས་མང་ཚོགས་ལ་ཐོབ་ཚོར་དང་།བདེ་སྐྱིད་ཚོར་སེམས།བདེ་འཇགས་ཚོར་སེམས་བཅས་དེ་བས་མང་བ་བྱུང་ཡོད།

དམག་སྦྱོང་ལ་བརྩོན་པ་དང་བྱང་ཚད་མཐོ་རུ་བཏང་ནས་ལྕགས་དམག་གི་དཔུང་ཁག་གཏོད་པ།

མཚོ་སྔོན་ཞིང་ཆེན་སྒྲིག་ཨུད་རྒྱུན་ལས་ཨུ་ལྷན་གྱིས“སྒྲིག་བཤེར་ལྟ་ཞིབ་ལས་དོན་ཚད་ལྡན་ཅན་དང་།ཁྲིམས་སྐྱོང་ཅན།ཚད་ལྡན་ཅན་བཅས་ཀྱི་འཛུགས་སྐྱོང་ལོའི”བྱ་སྤྱོད་དམ་འཛིན་བྱ་གཞིར་བྱས་ནས་ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་བྱེད་པའི་སྣེ་ཁྲིད་དེ་བསམ་བློའི་ངར་ལྡུད་དང་།ཆབ་སྲིད་སྦྱོང་བརྡར།ལག་ལེན་སྦྱོང་བརྡར།ཆེད་ལས་སྦྱོང་བརྡར་བཅས་ལ་ཤུགས་སྣོན་བརྒྱབ་ནས་འགན་འཁྲི་སྒྲུབ་ནུས་དང་ཆུ་ཚད་མཐོ་རུ་བཏང་སྟེ་ལྷག་བསམ་རྣམ་དག་དང་།སྤྱོད་གཙང་།འགན་འཁྲི་འཁུར་ཕོད་པ་བཅས་ཀྱི་སྒྲིག་བཤེར་ལྟ་ཞིབ་ཀྱི་ལྕགས་དམག་ཅིག་ཧུར་ཐག་བསྐྲུན་པ་རེད།2025ལོར་ཞིང་ཆེན་སྒྲིག་ཨུད་ལྟ་ཞིབ་ཨུ་ལྷན་ལས་ཁུངས་ལ་རྒྱལ་ཡོངས་ཤེས་དཔལ་ཚན་པའི་མཚན་སྙན་ཐོབ་པ་དང་།མི་1ལ་རྒྱལ་ཡོངས་ཀྱི་སྔོན་ཐོན་ལས་དོན་པའི་གཟི་བརྗིད་མཚན་སྙན་ཐོབ་པ།མཉམ་སྡེབ་10དང་མི་62ལ་ཞིང་ཆེན་དང་པུའུ་རིམ་པའི་བརྡ་ཁྱབ་བྱ་དགའ་ཐོབ་པ་བཅས་རེད།

ཞིང་ཆེན་སྒྲིག་ཨུད་རྒྱུན་ལས་ཨུ་ལྷན་གྱིས་ཏང་གི་ཆབ་སྲིད་འཛུགས་སྐྱོང་ཨང་དང་པོར་བཞག་སྟེ།ཐོག་མཐའ་བར་གསུམ་དུ་ཏང་གི་གསར་གཏོད་རིགས་པའི་གཞུང་ལུགས་ལ་བརྟེན་ནས་སེམས་ནུས་དང་བླ་སྲོག་གཏོད་པ་དང་སྒྲིག་བཤེར་ལྟ་ཞིབ་ཀྱི་ལས་དོན་མཐའ་དག་ལ་སྤྱི་འདོམས་བྱ་རྒྱུ་མཐའ་འཁྱོངས་བྱས་ཡོད།“གྲོས་གཞི་དང་པོ”དང་མཉམ་སྡེབ་སློབ་སྦྱོང་ལམ་ལུགས་དོན་འཁྱོལ་ནན་པོ་བྱེད་པ་དང་།སློབ་སྦྱོང་ལྔ་མཉམ་འགུལ་ལམ་སྲོལ་བེད་སྤྱོད་གཏིང་ཟབ་བྱེད་པ།ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དང་ལྷག་པར་དུ་ཏང་གི་རང་ངོས་གསར་བརྗེའི་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་དགོངས་པ་གལ་ཆེན་སློབ་སྦྱོང་དང་གོ་བ་གཏིང་ཟབ་ལེན་པ།ཆབ་སྲིད་སློབ་གསོ་དང་ཏང་གཤིས་སློབ་གསོར་རྒྱུན་ཆད་མེད་པར་ཤུགས་སྣོན་རྒྱག་པ་བཅས་བྱས་ནས་སྒྲིག་བཤེར་ལྟ་ཞིབ་ལས་བྱེད་པ་ཡོངས་ཀྱིས་ཆབ་སྲིད་ཀྱི་བློ་དཀར་སྔར་བས་བརྟན་དུ་གཏོང་རྒྱུར་སྐུལ་འདེད་གཏོང་དགོས།

ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་ལས་ཁུངས་ཀྱི་“སྟོབས་ལྡན་བཞིའི་ཏང་ཀྲི་པུའུ་”གཏོད་པའི་བྱེད་སྒོའི་ནང་ཏང་ཀྲི་པུའུ་ཁག་གིས་“ཚོགས་འདུ་གསུམ་དང་སློབ་ཚན་གཅིག་”དང་།བརྗོད་དོན་གཙོ་བོའི་ཏང་གི་ཉིན་མོ།ཏང་ཡོན་མགོ་ཁྲིད་ལས་བྱེད་པའི་རྩ་འཛུགས་འཚོ་བའི་ཚོགས་འདུ་ཉིས་བརྩེགས་སོགས་ཀྱི་ལམ་ལུགས་དོན་འཁྱོལ་ནན་པོ་བྱས་ཏེ་ཏང་ཡོན་གྱི་ཏང་གཤིས་སྦྱོང་བརྡར་བྱེད་ཤུགས་ཟམ་མི་ཆད་པར་ཆེ་རུ་བཏང་ཡོད།རྒྱ་ཆེའི་ཏང་ཡོན་གྱིས་འཚང་ཁ་ཤིག་ཤིག་ངང་ཏང་ཡོན་གྱི་གདོང་ལེན་ལས་གནས་འཛུགས་པ་དང་།ཏང་ཡོན་གྱིས་ཁས་ལེན་ལག་བསྟར་བྱེད་པ་སོགས་ཀྱི་བྱེད་སྒོར་ཞུགས་ཏེ།ཏང་ཡོན་གྱི་འདུ་ཤེས་སྔར་བས་ཇེ་དྲག་ཏུ་བཏང་བ་དང་།ཕུགས་བསམ་དང་དད་སེམས་སྔར་བས་ཇེ་བརྟན་དང་།བསམ་བློའི་གོ་རྟོགས་རྒྱུན་ཆད་མེད་པར་ཇེ་མཐོར་སོང་ཡོད།

ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱིས་སློབ་སྦྱོང་གི་ལས་སྟེགས་ཧུར་ཐག་བསྐྲུན་པ་དང་།ཞིང་ཆེན་སྒྲིག་ཨུད་ལྟ་ཞིབ་ཨུ་ལྷན་གྱིས“སྒྲིག་ཁྲིམས་དང་བཅའ་ཁྲིམས་ཀྱི་སློབ་ཁང་ཆེན་པོ”བཙུགས་ནས་གནད་དོན་གྱི་ཁུངས་སྣེ་བདག་སྤྲོད་ཐག་གཅོད་དང་།གྱོད་གཞི་ཞིབ་གཅོད།གྱོད་གཞི་ཞིབ་གཅོད་སོགས་ཀྱི་ནང་དོན་ལ་དམིགས་ནས་ཆེད་དོན་སློབ་ཁྲིད་ཐེངས་24བྱས་པ་དང་།ཞིང་ཆེན་ཡོངས་ཀྱི་རིམ་ཁག་སྒྲིག་བཤེར་ལྟ་ཞིབ་ལས་ཁུངས་ལ་བརྙན་ལམ་ཐོག་ནས་ཐད་གཏོང་བྱས་ཏེ་གསོ་སྦྱོང་ཐོན་ཁུངས་གཞི་རིམ་ལ་ཐད་ཀར་བསྐྱལ་ཏེ། ཞིང་ཆེན་ཡོངས་ཀྱི་སྒྲིག་ཁྲིམས་ཞིབ་བཤེར་ལྟ་ཞིབ་ལས་བྱེད་པས་སློབ་ཁང་གཅིག་མཐུན་སློབ་སྦྱོང་དང་།     དུས་མཉམ་བསམ་གཞིགས།     ཐུན་མོང་ཐོག་མཐོར་འདེགས་བཅས་མངོན་འགྱུར་བྱས་པ་རེད།    

སྒྲིག་བཤེར་ལྟ་ཞིབ་ལས་བྱེད་པའི་ནུས་པ་དང་བྱང་ཚད་མཐོ་རུ་གཏོང་ཆེད།2025ལོར་ཞིང་ཆེན་སྒྲིག་ཨུད་ལྟ་ཞིབ་ཨུ་ལྷན་གྱིས་ཞིང་ཆེན་ཡོངས་ཀྱི་སྒྲིག་བཤེར་ལྟ་ཞིབ་ལས་ཁུངས་ཀྱི་ན་གཞོན་ལས་བྱེད་པ་ཁག་གཅིག་ཆེད་དོན་གལ་ཆེན་དང་།གྱོད་གཞི་གལ་ཆེན།སྐོར་གཟིགས་སྐོར་དཔྱོད་ཀྱི་འཐབ་ས་དང་པོར་གྱོད་གཞི་རྗེས་སྙེག་སྦྱོང་བརྡར་དང་ནུས་པ་ཆེ་རུ་གཏོང་རྒྱུའི་སྤྱི་འདོམས་བཀོད་སྒྲིག་བྱས་ཡོད།དེ་དང་ཆབས་ཅིག་ཞིང་ཆེན་སྒྲིག་ཨུད་ལྟ་ཞིབ་ཨུ་ལྷན་གྱིས་གོང་རིམ་གྱི་བླང་བྱ་དང་།ཚད་གཞི།བརྒྱུད་རིམ་བཅས་ཚད་གཞི་དང་བསྟུན་ནས་སྒྲིག་ཁྲིམས་ལག་བསྟར་དང་ཁྲིམས་འཛིན་ལས་དོན་སྔར་བས་ཚད་ལྡན་དུ་བཏང་བ་དང་།སྒྲིག་ཁྲིམས་ལག་བསྟར་དང་གྱོད་སྒྲུབ་ཀྱི་བརྒྱུད་རིམ་ཧྲིལ་པོའི་ལྷུ་ཚིགས་ཁག་ལ་ལྟ་སྐུལ་བྱ་རྒྱུར་དམིགས་ནས་ལམ་ལུགས་དང་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་ནས་དབང་ཆའི་མཐའ་མཚམས་ཁ་གསལ་དང་ནང་ཁུལ་ཚོད་འཛིན་ལམ་སྲོལ་འཐུས་སྒོ་ཚང་དུ་བཏང་ཡོད།

ཀྲུང་དབྱང་གི་གཏན་འབེབས་དོན་ཚན་བརྒྱད་ཀྱི་དགོངས་དོན་སློབ་སྦྱོང་དང་སློབ་གསོ་ལག་བསྟར་གཏིང་ཟབ་བྱེད་པ་དང་ཟུང་འབྲེལ་བྱས་ཏེ།སྒྲིག་ཁྲིམས་ཞིབ་བཤེར་ལྟ་ཞིབ་ལས་བྱེད་པས་རང་ངོས་ཀྱི་སྤྱོད་ཚུལ་ལེགས་སྐྱོང་ལ་རྒྱུན་མཐུད་ངང་སྐུལ་འདེད་བཏང་བ་དང་།གནད་དོན་གྱི་ཁྲིད་ཕྱོགས་འབུར་ཐོན་ཡོང་བ།སློབ་སྦྱོང་བྱེད་ཞོར་དུ་ཞིབ་བསྡུར།ཞིབ་བཤེར་བྱེད་ཞོར་དུ་དག་ཐེར་བཅས་བྱས་ཏེ།སློབ་སྦྱོང་དང་སློབ་གསོར་ཕན་འབྲས་དངོས་ཐོབ་པར་འགན་ལེན་བྱས་ཡོད།ཞིང་ཆེན་སྒྲིག་ཨུད་དང་ལྟ་ཞིབ་ཨུ་ལྷན་གྱིས་སྒྲིག་བཤེར་ལྟ་ཞིབ་ལས་བྱེད་པའི་ལྟ་སྐུལ་བྱ་སྤྱོད་ཚད་ལྡན་དང་།“བྱེད་མི་ཆོག་པ་བཅུ”ཡི་བླང་བྱ།“ཆུ་ཚོད་བརྒྱད་ཕུད་པའི”ལྟ་སྐུལ་དོ་དམ་གཏན་འབེབས་སོགས་ཀྱི་ལམ་སྲོལ་འཛུགས་པ་དང་འཐུས་སྒོ་ཚང་དུ་བཏང་བ་དང་།《མཚོ་སྔོན་ཞིང་ཆེན་སྒྲིག་བཤེར་ལྟ་ཞིབ་ལས་ཁུངས་ཀྱི་མགོ་ཁྲིད་པ་དང་དེ་བཞིན་ཚན་ཁག་གི་ཁོངས་མིའི་ཉེན་ཁ་སྔོན་འགོག་ཚོད་འཛིན་ལམ་ལུགས》པར་འགྲེམས་བྱས་ནས་སྒྲིག་བཤེར་ལྟ་ཞིབ་ལས་བྱེད་པར་ལྟ་སྐུལ་དོ་དམ་བྱེད་ཤུགས་ཆེ་རུ་བཏང་བ་རེད།

མགོ་འཛུགས་ས་གསར་པར་གཞི་ཚུགས་ནས་འབད་བརྩོན་ལྷོད་མེད་ཀྱིས་མདུན་སྐྱོད་བྱས་ཏེ། རྒྱང་སྐྱོད་གསར་པའི་ཐོག་བསྐྱོད་པར་སྐུལ་འདེད་གཏོང་དགོས།2026ལོ་ནི“ལོ་ལྔའི་འཆར་འགོད་བཅོ་ལྔ་པའི”འཆར་འགོད་མགོ་ཚུགས་པའི་ལོ་ཡིན་པ་དང་། མགོ་འཛུགས་ས་གསར་པའི་ཐོག་ནས་ཞིང་ཆེན་ཡོངས་ཀྱི་རིམ་ཁག་སྒྲིག་བཤེར་ལྟ་ཞིབ་ལས་ཁུངས་ཀྱིས་དུས་དང་རྣམ་པ་ཀུན་ཏུ་ཐོག་མའི་བསམ་འདུན་དང་འགན་འཁྲི་བློ་ལ་བརྟན་པོར་ངེས་པ་དང་།ཐོག་མཐའ་བར་གསུམ་དུ་དཔའ་ངར་ཆེར་སྐྱེད་ཀྱི་བློ་སྟོབས་རྒྱུན་འཁྱོངས།རྒྱུན་སྲིང་ལྷོད་མེད་ངང་ཕྱོགས་ཡོངས་ནས་ཏང་ནན་པོས་སྐྱོང་རྒྱུར་སྐུལ་འདེད་གཏོང་བ།སྤྱོད་བཟང་སྒྲིག་ནན་དང་རུལ་རྒོལ་རྒྱུན་མཐུད་ཟབ་ཏུ་གཏོང་བ།དུས་རབས་གསར་པའི་རྒྱང་སྐྱོད་ལམ་བུ་གསར་པའི་སྒྲིག་བཤེར་ལྟ་ཞིབ་ལས་དོན་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བ་བཅས་བྱས་ཏེ“ལོ་ལྔའི་འཆར་འགོད་བཅོ་ལྔ་པའི”སྐབས་ཀྱི་དཔལ་འབྱོར་སྤྱི་ཚོགས་འཕེལ་རྒྱས་ཐད་སྲ་བརྟན་གྱི་འགན་སྲུང་གདོན་དགོས།