མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཉེན་ཁ་ལས་སྒྲོལ་བ་དང་།དཀའ་གནད་ལས་སྒྲོལ་བ།འཕེལ་རྒྱས་དོན་གཉེར་དང་སྒྱུར་བཅོས་ལ་སྐུལ་འདེད་གཏོང་བ་སོགས་འདས་ཟིན་པའི་ལོ་གཅིག་གི་སྤྱིར་བཏང་མིན་པའི་ལོ་རྒྱུས་ལ་ཕྱིར་མིག་བལྟས་ཚེ།མཚོ་སྔོན་གྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཏན་ཏིག་བཏང་བ་དང་།འཕེལ་རྒྱས་ཀྱི་བརྟན་ལྷིང་རང་བཞིན་དང་།མཐུན་སྦྱོར་རང་བཞིན།རྒྱུན་མཐུད་རང་བཞིན་བཅས་སྔར་བས་ཆེ་རུ་ཕྱིན་ནས་དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་བྱེད་པའི་གོམ་སྟབས་བརྟན་པོ་སྤོས་ཡོད།
བཅོས་སྒྱུར་ནམ་ཡང་མཚམས་མི་འཇོག་པར་འཕེལ་རྒྱས་འགྲོ་བཞིན་ཡོད།
“གཏིང་རིམ་གྱི་བཅོས་སྒྱུར་དང་ཆུ་ཚད་མཐོ་བའི་སྒོ་འབྱེད་ལ་གཅིག་གྱུར་འཆར་འགོད་ཀྱིས་སྐུལ་འདེད་གཏོང་བ་དང་།བཅོས་སྒྱུར་ཟབ་སྤེལ་བྱེད་པར་བརྟེན་ནས་སྒོ་འབྱེད་ལ་སྐུལ་འདེད་གཏོང་བ།སྒོ་འབྱེད་རྒྱ་སྐྱེད་གཏོང་བར་བརྟེན་ནས་བཅོས་སྒྱུར་ལ་ལྡོག་སྐུལ་བྱེད་པ།འཕེལ་རྒྱས་ཀྱི་སྒུལ་ཤུགས་གསར་པ་ཟམ་མི་ཆད་པར་ཁ་སྣོན་དང་བར་སྟོང་གསར་པ་རྒྱ་སྐྱེད་གཏོང་དགོས”ཞེས་པའི་སྲིད་གཞུང་གི་ལས་དོན་སྙན་ཞུའི་ནང་བསྟན་དོན།
བཅོས་སྒྱུར་མཚམས་མི་འཇོག་པ་དང་སྒོ་འབྱེད་ཀྱི་གོམ་སྟབས་མཚམས་མི་འཇོག་པ།
ད་ལོ་ནི་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་ངོ་75འཁོར་བའི་ལོ་ཞིག་དང་།“བཅུ་བཞི་ལྔའི་”འཆར་འགོད་ཀྱི་དམིགས་འབེན་དང་ལས་འགན་མངོན་འགྱུར་བྱེད་པའི་གནད་འགག་གི་ལོ་ཞིག་ཡིན།གནོན་ཤུགས་ཇི་ལྟར་ཐེག་ཐུབ་པ་དང་།གཞི་ཁྱོན་བརྟན་པོ།སྤུས་ཚད་མཐོར་འདེགས་བཅས་བྱས་ཏེ།བཅོས་སྒྱུར་སྒོ་འབྱེད་ཟབ་སྤེལ་བྱེད་རིང་དགེ་མཚན་གསར་པ་སྐྱེད་སྲིང་བྱ་དགོས་སམ།
བཅོས་སྒྱུར་སྐུལ་འདེད།
ཟླ་1ཚེས་24ཉིན་གྱི་ཕྱི་དྲོ་ཞིང་ཆེན་མི་དམངས་འཐུས་ཚོགས་སྐབས་བཅུ་བཞི་པའི་ཚོགས་འདུ་ཐེངས་གཉིས་པའི་མཚོ་ཤར་འཐུས་མི་ཚོགས་པའི་མཉམ་འབྲེལ་ཚོགས་ཆུང་གི་གྲོས་ཞིབ་ནང་ཞིང་ཆེན་མི་དམངས་འཐུས་ཚོགས་ཀྱི་འཐུས་མི་ཧོར་གྲོང་ཧོར་རིགས་རང་སྐྱོང་རྫོང་ཡིའུ་ཙུའེ་དབན་སྣོད་བཅུད་རིག་གནས་མཛེས་ལྗོངས་ཁུལ་གྱི་ཏུང་ཧྲི་ཀྲང་རེན་ཁྲེན་དབྱིས་ཕ་ཡུལ་གྱི་ལོ་འདི་དག་རིང་གྲོང་གསེབ་ཀྱི་ཡུལ་སྐོར་འཕེལ་རྒྱས་བཏང་བ་བརྒྱུད་གནམ་ས་བླ་འོག་ཏུ་འགྱུར་བ་ལྟ་བུའི་འགྱུར་ལྡོག་བྱུང་བ་མཉམ་སྤྱོད་བྱས་པ་རེད།
“བསམ་ཕྱོགས་རྙིང་པར་འགྱུར་ལྡོག་བཏང་ནས་ཐབས་ལམ་གསར་པ་རྒྱུན་ཆད་མེད་པར་འཚོལ་ཞིབ་བྱས་ཏེ་གྲོང་གསེབ་ཀྱི་སྤུས་ལེགས་མགྲོན་ཁང་གཏོད་རྒྱུ་འཇུག་སྒོར་བྱས་ཏེ་ཡིའུ་ཙུའེ་དབན་གྱི‘བྲག་ཕུག་གི་ཡུལ་མིའི་ཁྱིམ་ཁང’དང‘རི་ཕྱེད་མགྲོན་ཁང་གི’རྣམ་གྲངས་ལག་བསྟར་ཡག་པོ་བྱས་ཏེ་གྲོང་གསེབ་ཀྱི་ཡུལ་སྐོར་གཏིང་ཟབ་དང་ཉམས་ལེན་ཡུལ་སྐོར་འཕེལ་རྒྱས་ཧུར་ཐག་བཏང་ནས་ཡུལ་སྐོར་གྱི་ཕྱོགས་བསྡུས་ཡོང་འབབ་མང་དུ་གཏོང་དགོས”ཞེས་བཤད།
ཚང་མས་ཤེས་གསལ་ལྟར།དགུན་ཁ་འདིར་ཧར་པིན་དུ་ཡུལ་སྐོར་བྱེད་མཁན་མང་པོ་བྱུང་བ་དང་བསྟུན་ནས་ས་གནས་ཁག་གི་རིག་གནས་ཡུལ་སྐོར་འཕེལ་རྒྱས་ཇི་ལྟར་བྱུང་བར་ཡང་དོ་ཁུར་ཆེན་པོ་བྱེད་ཀྱི་ཡོད།གླེང་མང་བའི་སྣུམ་ཙུའེ་མཚོ་ཁུག་གི་རྗེས་སུ་འབྲངས་ནས་བཅོས་སྒྱུར་ཀྱིས་སྣེ་ཁྲིད་དང་།བཅོས་སྒྱུར་ལ་སྒུལ་ཤུགས་སློང་བ།བཅོས་སྒྱུར་ལ་བརྟེན་ནས་གསོན་ཤུགས་བསྣན་པ་བཅས་ཀྱི་ལན་བཏབ་པ་རེད།
ངོས་འཛིན་དེ་རིགས་ཀྱི་རྒྱབ་ཏུ“དེང་རབས་ཅན་གྱི་མཚོ་སྔོན་གསར་པ་འཛུགས་སྐྲུན་བྱེད་པར་ངེས་པར་དུ་སྤུས་ཚད་མཐོ་བའི་འཕེལ་རྒྱས་གཏོང་དགོས”ཞེས་པའི་བརྗོད་དོན་གཙོ་བོའི་ཇུས་འགོད་དེ་དམ་འཛིན་ནན་པོ་བྱས་ཏེ་ཆུ་ཚད་དེ་བས་མཐོ་བའི་སྒྱུར་བཅོས་སྒོ་དབྱེར་སྐུལ་འདེད་གཏོང་དགོས།
སྒྱུར་བཅོས་གསར་གཏོད་ལ་བརྟེན་ནས་སྤུས་ཚད་མཐོ་བའི་འཕེལ་རྒྱས་ལ་བརྟེན་ནས་ང་ཚོས་འདས་མ་ཐག་པའི་2023ལོར་མཚོ་སྔོན་ལ་གྲུབ་འབྲས་འདི་འདྲ་ཞིག་ཐོབ་པ་མཐོང་ཐུབ།
ཞིང་ཆེན་གཞུང་ཁོངས་རྒྱུ་ནོར་ལྟ་སྐུལ་དོ་དམ་ཨུ་ལྷན་གྱི་ལྟ་སྐུལ་དོ་དམ་ཁེ་ལས་ཀྱི་གཞུང་ཁོངས་རྒྱུ་ནོར་གྱི་རིན་ཐང་བརྟན་སྲུང་དང་འཕར་ཚད་101%ཟིན་པ།
ཁྲལ་འཕྲི་དངུལ་གཅོག་དང་ཁྲལ་སློག་འགྱངས་གྲོན་སྒོར་དུང་ཕྱུར་73.6གསར་སྣོན་བྱས་ཡོད།
སྲིད་དོན་ཞབས་ཞུའི་དོན་དག་དྲ་ཐོག་ནས་སྒྲུབ་འཐུས་ཀྱི་ཚད93%ཡན་ཟིན་པ་དང་།གསར་དུ་བཙུགས་པའི་གཉེར་སྐྱོང་གཙོ་ཤུགས་བརྒྱ་ཆ་27འཕར་ཡོད།
རོགས་སྐྱོར་རོགས་ལས་རོགས་སྐྱོར་རྣམ་གྲངས་900ཙམ་ལག་བསྟར་བྱས་པ།
ཚོང་འགུགས་མ་འདྲེན་གྱི་དམིགས་སར་འབྱོར་བའི་མ་དངུལ་སྒོར་དུང་ཕྱུར་568ཟིན་པ།
ཕྱི་ཕྱོགས་ཉོ་ཚོང་གི་ཕྱིར་གཏོང་ནང་འདྲེན་གྱི་རིན་ཐང་བསྡོམས་འབོར་བརྒྱ་ཆ་20.3འཕར་བ།
འགྱུར་ལྡོག་ཁྲོད་དུ་ཇུས་ཐག་གཅོད་པ་དང་།ནུས་ཤུགས་ཡོད་རྒུ་བཏོན་ནས་སྒྲུབ་པ།
“སྲིད་གཞུང་གི་བྱ་བའི་སྙན་ཞུ་ནང་འདི་ལོ་གཙོ་གནད་ཁྱབ་ཁོངས་ཀྱི་སྒྱུར་བཅོས་འགག་སྒྲོལ་གཏིང་ཟབ་ཏུ་གཏོང་དགོས་པ་བཏོན་ཡོད”ཅེས་མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཡི་རང་བྱུང་ཆ་རྐྱེན་དང་ས་ཆའི་ཐོན་ཁུངས་ཕུན་སུམ་ཚོགས་པ་དང་།ཉི་ནུས་དང་རླུང་ནུས་སོགས་ནུས་རྒྱུ་གཙང་མ་འཕེལ་རྒྱས་ཀྱི་ལེགས་ཆ་མངོན་གསལ་དོད་པོ་ཡོད་པས་མཚོ་སྔོན་བཟོ་ལས་ཐོན་ལས་འཕེལ་རྒྱས་ཀྱི“གཡུལ་ས་གཙོ་བོ”ཡིན་པའི་ཞིང་ཆེན་སྲིད་གྲོས་ཀྱི་ཨུ་ཡོན།མཚོ་ནུབ་ཁུལ་སྲིད་གྲོས་ཏང་ཙུའི་ཧྲུའུ་ཅི་གནམ་དཔྱད་ཚན་རྩལ་དང་ཁྱད་ལྡན་སྐྱེ་དངོས་སོགས་གསར་དར་ཐོན་ལས་དང་།བཟོ་ལས་གྲངས་འཛིན་ཅན་གྱི་ཕྱོགས་སྒྱུར་དང་རིག་ནུས་བཟོ་སྐྲུན་ལ་སྐུལ་འདེད་མགྱོགས་སུ་གཏོང་བ།ཐོན་ལས་སྦྲེལ་ཐག་གི་མཉེན་གཤིས་དང་བདེ་འཇགས་ཆུ་ཚད་མཐོ་རུ་ཤུགས་ཆེན་གཏོང་བ།བཟོ་ལས་ལྗང་མདོག་ཕྱོགས་སྒྱུར་འཕེལ་རྒྱས་ལ་ཕྱོགས་ཡོངས་ནས་སྐུལ་འདེད་གཏོང་བ་བཅས་བྱས་ཏེ་མཚོ་སྔོན་གྱི་བཟོ་ལས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་སྔར་བས་སྐུལ་འདེད་གཏོང་རྒྱུ་རེད།
སྒོ་འབྱེད་སྐུལ་ཁྲིད།
སྔོན་ཆད་མཚོ་སྔོན་མཐོ་སྒང་གི་གྲང་འཁྱག་སྔོ་ཚལ་ཕྱིར་འཚོང་དཀའ་བས་ཞིང་ཆེན་ནང་ཁུལ་གྱི་ཚོང་རར་ཕལ་ཆེར་མཁོ་སྤྲོད་བྱེད་བཞིན་ཡོད།
ཉེ་བའི་ལོ་ཤས་རིང་མཚོ་ཤར་གྲོང་ཁྱེར་ཧོར་གྲོང་ཧོར་རིགས་རང་སྐྱོང་རྫོང་གིས“ཚོན་མདོག་སྣ་ལྔའི་ཞིང་ལས”ཀྱི་སྤུས་རྟགས་ཧུར་ཐག་བཏོད་དེ་ས་མཐོའི་གྲང་ངར་ཆེ་བའི་གནམ་གཤིས་ཐོན་ཁུངས་ཀྱི་ལེགས་ཆར་གཞི་ཚུགས་པ་དང“ཤང་ཀང་དང་ཨའོ་མོན་ལ་མཁོ་འདོན་བྱེད་པའི”སྔོ་ཚལ་ཐོན་ལས་འཕེལ་རྒྱས་ཤུགས་ཆེན་བཏང་ནས་ཞིང་ལས་ཐོན་འཕར་དང་ཕན་འབྲས་ཆེ་རུ་དང་ཞིང་པའི་ཡོང་འབབ་རྒྱུན་མཐུད་ངང་འཕར་བའི་འཕེལ་རྒྱས་ཀྱི་ལམ་བུ་གསར་པ་ཞིག་བཏོད་ཡོད།
ཧོར་གྲོང་རྫོང་ཤང་ལུང་འདེབས་འཛུགས་ཞིང་པའི་ཆེད་ལས་མཉམ་ལས་ཁང་ནི་ཁས་ལེན་བྱས་པའི་ཤང་ཀང་སྔོ་ཚལ་རྟེན་གཞིའི་གྲས་ཤིག་ཡིན་པ་དང་མཉམ་ལས་ཁང་གིས་བཏབ་པའི་ཕྲུ་གུ་དང་།སྔོ་ཚལ།ཁུའུ་ཅུས་སོགས་ཀྱི་ལོའི་ཐོན་འབོར་སྤྱི་རྒྱ་ཁྲི་200ལས་བརྒལ་བ་དང་།དེའི་ནང་ཤང་ཀང་གི་སྔོ་ཚལ་མཁོ་འདོན་བྱེད་ཚད་བཞི་ཆ་གཅིག་ཟིན་པ་དང་།ཐོན་ཚད་ལྷག་མའི་ཁྲོད་ནས་མངགས་ཐོ་ཡིས་ཕྱེད་ཀ་ཟིན་ཡོད།
མཉམ་ལས་ཁང་གི་ལས་འཛིན་དཔོན་ཤང་ཁྲེང་ཀུའེ་ཡིས་རང་ཉིད་ཀྱིས་བཏབ་པ་མ་ཟད།ད་དུང་ཉེ་འགྲམ་ཞིང་དུད་ཀྱི་སྔོ་ཚལ་ཉོ་སྒྲུབ་བྱས་པ་དང“མཉམ་ལས་ཁང་དང་།རྟེན་གཞི།ཞིང་དུད་བཅས་ཟུང་དུ་འབྲེལ་བའི”འདེབས་འཛུགས་བྱེད་སྟངས་ལ་བརྟེན་ནས“སྔོ་ཚལ་ཆུང་ཆུང”དེ་ཞིང་དུད་ཀྱི་འབབ་འཕར་ཕྱུག་འགྱུར་གྱི་ཐོན་ལས་ཆེན་པོ་ཞིག་ཏུ་གྱུར་ཡོད།
མཚོ་སྔོན་གྱི་ཁྱད་ལྡན་ཐོན་ལས་དང་ལེགས་ཆ་ལྡན་པའི་ལས་རིགས་དེ་འཕེལ་རྒྱས་གཏོང་རྒྱུར་བརྩིས་ནས་ལེགས་ཆ་ལྡན་པའི་ཐོན་ལས་ཀྱི་ཕྱི་ཕྱོགས་ཚོང་དོན་སྐས་རིམ་གསར་པ་ཞིག་ཏུ་སླེབས་རྒྱུར་སྐུལ་འདེད་བཏང་བ་རེད།2023ལོར་མཚོ་སྔོན་གྱི་ཞིང་ལས་ཐོན་ཟོག་ཕྱིར་གཏོང་ནང་འདྲེན་གྱི་སྣ་ཁ་81ཡོད་པ་དང་26.6%འཕར་བ་དང་ཕྱིར་གཏོང་ནང་འདྲེན་གྱི་རིན་ཐང་སྒོར་དུང་ཕྱུར་4.9ཟིན་ནས་16.1%འཕར་བ་དེས་དུས་མཚུངས་ཀྱི་ཞིང་ཆེན་ཡོངས་ཀྱི་ཕྱིར་གཏོང་ནང་འདྲེན་གྱི་སྤྱིའི་རིན་ཐང་གི་10.1%བཟུང་བ་དང་།ཉི་ནུས་གློག་རྫས་དང་ལིས་བྲལ་གསོག་གློག་རྫས་གཙོ་བོར་བྱས་པའི་དེ་མིན་འོད་ཤུགས་ལས་རིགས་ཀྱི་སྟོད་རྒྱུད་ཀྱི་མ་བཅོས་རྒྱུ་ཆ་གཙོ་བོ་ཡིན་པའི་ཆ་ནས།མཚོ་སྔོན་ཞིང་ཆེན་གྱིས་བདར་མང་ཀུའེ་ཡི་དགོས་མཁོ་རྒྱུན་ཆད་མེད་པར་ཆེ་རུ་ཕྱིན་ཏེ།2023ལོར་ཤེལ་མང་ཀུའེ་སྒོར་དུང་ཕྱུར་2.3ནང་འདྲེན་བྱས་པ་དེ་ལྡབ་3.4འཕར་ཡོད།
འཕེལ་རྒྱས་ལ་རྩེ་གཅིག་ཏུ་གཞོལ་བའི་གནད་འགག་ནི་ཕྱོགས་གཅིག་ནས་ཐོན་ལས་ཡིན་པ་དང་།ཕྱོགས་གཞན་ཞིག་ནས་ས་ཁོངས་རེད།
2023ལོར་ཟི་ལིང་དཔལ་འབྱོར་ལག་རྩལ་གསར་སྤེལ་ཁུལ་གྱིས་རྒྱལ་ནང་གི་IBCགློག་རྫས་བཟོ་ལས་ཅན་གྱི་ཐོན་ཚད་སྔོན་ལ་མངོན་འགྱུར་བྱུང་བ་དང་།སྒུལ་ཤུགས་ལིས་གློག་རྫས་ཀྱི་ཐོན་ནུས་ཀྱིས་རྒྱལ་ཡོངས་ཀྱི་བཅུ་ཆ་གཅིག་ཟིན་པ་དང་།ལིས་གློག་རྫས་ཕྱིར་གཏོང་བྱེད་ཚད་114%འཕར་བ།འོད་ཤུགས་ཐོན་རྫས་ཕྱིར་གཏོང་ནང་འདྲེན་བྱེད་ཚད་346%འཕར་བ།སུའེ་ཙེར་དང་།ཧྥ་རན་སེ།དབྱི་ཐ་ལི།འཇར་མན།སི་ཕེན།པི་ལི་ཧྲི་སོགས་རྒྱལ་ཁབ་ལ་བྲིན་ཚོང་བྱས་པ།ནུས་ཁུངས་གསར་པའི་ཐོན་རྫས་ཕྱིར་གཏོང་ནང་འདྲེན་བྱེད་ཚད་138%འཕར་བ་བཅས་རེད།
“2023ལོར་ཟི་ལིང་དཔལ་འབྱོར་ལག་རྩལ་གསར་སྤེལ་ཁུལ་གྱི་ཕྱིར་གཏོང་ནང་འདྲེན་བྱེད་ཚད་ཀྱིས་ཞིང་ཆེན་ཡོངས་ཀྱི་46%བཟུང་བ་དང་ཕྱིར་གཏོང་བྱེད་ཚད་50.3%འཕར་ཡོད།རྒྱལ་ཡོངས་ཀྱི་རྒྱལ་ཁབ་རིམ་པའི་དཔལ་འབྱོར་ལག་རྩལ་གསར་སྤེལ་ཁུལ་230ཡི་ཕྱོགས་བསྡུས་འཕེལ་རྒྱས་ཆུ་ཚད་ཀྱི་དཔྱད་ཞིབ་གདེང་འཇོག་ཁྲོད་རྒྱལ་ཡོངས་ཀྱི་ཨང་115པ་དང་ནུབ་རྒྱུད་ས་ཁུལ་གྱི་ཨང་17པ”ཞིང་ཆེན་མི་དམངས་འཐུས་ཚོགས་ཀྱི་འཐུས་མིའཆར་ངོས་གསར་པ་སོགས་གསར་དར་ཐོན་ལས་སྟོབས་ཆེར་འཕེལ་རྒྱས་བཏང་ནས་ཟི་ལིང་གི་ཁྱད་ཆོས་དང་ལེགས་ཆ་ལྡན་པའི་ཐོན་སྐྱེད་ནུས་ཤུགས་གསར་པ་ཆགས་རྒྱུར་སྐུལ་འདེད་གཏོང་རྒྱུ་དང་།ཡོ་རོབ་ཀྱི་ནུས་རྒྱུ་གསར་པའི་ཐོན་རྫས་ཕྱིར་གཏོང་བྱེད་པའི་སྐམ་སའི་བགྲོད་ལམ་འཛུགས་རྒྱུར་རྒྱབ་སྐྱོར་བྱ་རྒྱུ།ཁེ་ལས་ཀྱིས་ཡོ་རོབ་ཀྱི་རྒྱལ་ཁབ་ཏུ་གཉེར་ཚོང་དང་།ཞབས་ཞུ།ལག་རྩལ་ལྟེ་གནས་བཅས་འཛུགས་རྒྱུར་སྐུལ་ལྕག་བཏང་ནས་ཡོ་རོབ་ཀྱི་ཁྲོམ་ར་སྔར་བས་བཏོད་དེ“རྒྱུད་གཅིག་ལམ་གཅིག”གི་རྒྱལ་ཁབ་ཀྱི་ཐོན་ལས་མཉམ་ལས་ཟབ་ཏུ་གཏོང་རྒྱུ་བཅས་རེད།
“རྒྱུད་གཅིག་ལམ་གཅིག”གི་སྤུས་ཚད་མཐོ་བའི་སྒོ་ནས་མཉམ་སྐྲུན་ལ་རྒྱབ་སྐྱོར་བྱེད་པའི་བྱ་སྤྱོད་ཁག་བརྒྱད་དོན་འཁྱོལ་བྱས་ཏེ“ལྷོ་རུ་སྐྱོད་པ་དང་ནུབ་ཏུ་ཕྱིར་སྐྱོད་པའི”སྒོ་དབྱེའི་བགྲོད་ལམ་ཆེན་པོ་མགྱོགས་མྱུར་བསྐྲུན་ནས་ཀྲུང་ནེའི་ཚོང་དོན་སྐམ་སའི་བགྲོད་ལམ་མཉམ་ལས་སྲ་བརྟན་དུ་གཏོང་བ་དང་།ཕྱོགས་བསྡུས་ཁྲལ་སྲུང་ཁུལ་དང་རྒྱལ་མཚམས་སྒྲོལ་བའི་དྲ་ཐོག་ཚོང་དོན་ཕྱོགས་བསྡུས་ཚོད་ལྟའི་ཁུལ་གྱི་ནུས་པ་ཆེ་རུ་གཏོང་བ།ན་གོར་མོ་རྒྱལ་སྤྱིའི་སྐམ་སའི་ལྟེ་བའི་ལས་གྲྭར་སྐུལ་འདེད་མགྱོགས་པོ་བཏང་ནས་རྒྱལ་སྤྱིའི་ཟོག་འདྲེན་དུས་གཏན་མེ་འཁོར་དང་ལྕགས་ལམ་དང་མཚོ་ཐོག་མཉམ་འདྲེན་གྱི་དུས་གཏན་མེ་འཁོར་སྤུས་ཚད་མཐོར་གཏོང་དང་རྒྱ་བསྐྱེད་གཏོང་བ། ཕྱི་ཕྱོགས་ཚོང་དོན་གཞི་གཅིག་ཅན་གྱི་འཕེལ་རྒྱས་མངོན་གསལ་དོད་པོ་ཡོང་བ་བྱེད་པ། “ཀྲུང་གོར་མ་འཇོག་བྱེད་པའི”མཚོ་སྔོན་གྱི་བྱ་སྤྱོད་དང“མཚོ་སྔོན་རྟགས་ཅན་གྱི་ཐོན་རྫས་ཕྱི་རུ་སྐྱོད་པའི་བྱ་སྤྱོད་སྤེལ་བ། བར་གནས་ཉོ་ཚོང་དང་ལྗང་མདོག་ཉོ་ཚོང་འཕེལ་རྒྱས་ཧུར་ཐག་གཏོང་བ། ཕྱིར་གཏོང་ནང་འདྲེན་གྱི་གྲུབ་འབྲས་དངོས་ལྡན་པའི་ཕྱི་ཕྱོགས་ཚོང་དོན་ཁེ་ལས་20གསར་དུ་སྐྱེད་སྲིང་བཅས་བྱེད་དགོས།
གསར་གཏོད་སྐུལ་འདེད།
རྨ་ཆུ་ཀུང་སིའི་ཟི་ལིང་ཡན་ལག་ཀུང་སིའི་IBCགློག་རྫས་ཐོན་སྐྱེད་འཁོར་ཁང་དུ་སྐྱོད་སྐབས།རང་འགུལ་རྡུལ་མེད་ཐོན་སྐྱེད་སྒྲུབ་རིམ་ཧྲིལ་པོ་འཁོར་སྐྱོད་བྱེད་བཞིན་ཡོད་པ་དང་།རིག་ནུས་འཕྲུལ་མིའི་འཕྲུལ་ཆས་ལག་པ་ཁ་ཤས་སྐད་ཅིག་ཙམ་ཡང་མཚམས་མི་ཆད་པར་འཁོར་སྐྱོད་བྱེད་བཞིན་ཡོད།ཀུའེ་ལེབ་སྐྱ་བོ་ཞིག་ཁུ་ལུ་བཟོ་བ་དང་།བརྐོས་ནས་རུལ་བ།བྱུགས་པ་སོགས་ཀྱི་ལས་རིམ་བརྒྱུད་དེ་སྔོ་ཞིང་དྭངས་པའི་གློག་རྫིང་ལེབ་མོ་ཞིག་ཏུ་གྱུར་ཡོད།
“རྨ་ཆུས་བཟོས་པའི”ནུས་ཆེའི་IBCལྷུ་ལག་ཐོན་རྫས་ལ་རྒྱལ་སྤྱིའི་ཁོར་ཡུག་ཐོན་རྫས་གསལ་བསྒྲགས་EPDབདེན་དཔང་ར་སྤྲོད་ལག་ཁྱེར་ཐོབ་པ་དང་།ཐོན་རྫས་ཀྱི་ཚེ་སྲོག་དུས་འཁོར་ཧྲིལ་པོའི་ཁོར་ཡུག་སྲུང་སྐྱོང་ནུས་པ་དེ་རྒྱལ་སྤྱིའི་ཐོག་ཁས་ལེན་པའི་ཁོར་ཡུག་སྲུང་སྐྱོང་གི་དཔྱད་དཔོག་མ་ལག་དང་མཐུན་པའི་གཏན་འཁེལ་བྱས་པ་དེའང་མཚོ་སྔོན་ཞིང་ཆེན་ལ་ཐོབ་པའི་རྒྱལ་སྤྱིའི་EPDཁས་ལེན་དཔང་འདོན་ལག་ཁྱེར་ཐོག་མ་དེ་ཡིན་པ་རེད།
གཟི་བརྗིད་མཚན་སྙན་གྱི་རྒྱབ་ཏུ་རྒྱལ་ཁབ་གློག་ཤུགས་མ་འཇོག་ཚོགས་པ་རྨ་ཆུའི་སྟོད་རྒྱུད་ཆུ་གློག་གསར་སྤེལ་ཚད་ཡོད་འགན་འཁྲི་ཀུང་སིས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་བཀའ་མངགས་ནན་པོ་བློ་ལ་བརྟན་པོར་ངེས་ནས་འོད་ཤུགས་ཐོན་ལས་ཀྱི་མདུན་གྲལ་ལྟེ་བའི་ལག་རྩལ་གསར་གཏོད་ལ་དམིགས་ནས་འོད་ཤུགས་ཞིབ་འཇུག་གསར་སྤེལ་ཐད་མ་དངུལ་གཏོང་ཤུགས་ཆེ་རུ་གཏོང་བ་དང་ཞིབ་འཇུག་གསར་སྤེལ་ལས་སྟེགས་འཛུགས་སྐྲུན་ལ་ཤུགས་སྣོན་བརྒྱབ་སྟེ་འོད་ཤུགས་ཐོན་ལས་འཁོར་འབྲེལ་ཧྲིལ་པོ་མཐུན་སྦྱོར་ངང་འཕེལ་རྒྱས་འགྲོ་བར་སྐུལ་འདེད་བྱ་དགོས།
“སླད་ཕྱིན་ཞིང་ཆེན་ཡོངས་ཀྱི་ནུས་རྒྱུ་མཁོ་འདོན་འགན་ལེན་དང་རྒྱལ་ཁབ་ཀྱི་ནུས་རྒྱུ་གཙང་མའི་ཐོན་ལས་མཐོ་ས་འཛུགས་སྐྲུན་བྱེད་པའི་གཙོ་ཤུགས་དམག་དང་སྣོད་བཅུད་ཤེས་དཔལ་མཐོ་ས་འཛུགས་སྐྲུན་བྱེད་པའི་སྣེ་ཁྲིད་མཁན་དང་།འཛམ་གླིང་ཐོག་གི་འོད་ཤུགས་ཐོན་ལས་རྩེ་གྲ་ལག་ལེན་བསྟར་མཁན།ཀྲུང་དབྱང་ཁེ་ལས་ཀྱི་འགན་འཁྲི་སྒྲུབ་མཁན་དཔེ་སྟོན་པ་བཅས་བྱས་ཏེ་རྒྱལ་ཁབ་ཀྱི་ནུས་རྒྱུ་གཙང་མའི་ཐོན་ལས་ཀྱི་མཐོ་ས་འཛུགས་སྐྲུན་ལ་རམ་འདེགས་བྱ་རྒྱུ་ཡིན”ཞེས་ཞིང་ཆེན་མི་དམངས་འཐུས་ཚོགས་ཀྱི་འཐུས་མི་རྒྱལ་ཁབ་གློག་ཤུགས་མ་འཇོག་ཚོགས་པའི་རྨ་ཆུའི་སྟོད་རྒྱུད་ཆུ་གློག་གསར་སྤེལ་འགན་འཁྲི་ཚད་ཡོད་ཀུང་སིའི་ཏང་ཨུད་ཀྱི་ཧྲུའུ་ཅི་ཡའོ་ཞའོ་ཡན་གྱིས་བཤད།
ཚད་བརྒལ་ནས་གསར་གཏོད་བར་གྱི་རྨ་ཆུ་ཀུང་སིའི་འོད་ཤུགས་ཐོན་ལས་ཁྱབ་ཁོངས་ཀྱི་འཕེལ་རྒྱས་ཐབས་ལམ་ལ་འཕོ་འགྱུར་བྱུང་བ་མཚོན་ཡོད།ཕྱོགས་གཞན་ཞིག་ནས་རྨ་ཆུའི་ཀུང་སི་ནི་མཚོ་སྔོན་གྱི་འདས་ཟིན་པའི་ལོ་ཤས་རིང་འཕེལ་རྒྱས་བྱུང་བའི་བསྡུས་རིས་ཤིག་རེད།
གཏན་འཁེལ་བྱས་པའི་ནང་གསར་པ་དོན་གཉེར་བྱས་ནས་བཅོས་སྒྱུར་གསར་གཏོད་བྱ་རྒྱུ་མཐའ་འཁྱོངས་སྔར་ལས་ལྷག་པར་བྱ་དགོས།
2023ལོར་ལེགས་ཆ་གསར་པ་དེ་ལྟར་ཆེ་རུ་ཕྱིན་པ་སྟེ།རྒྱལ་ཡོངས་ཀྱི་ཞིང་ཆེན་རིམ་པའི་གློག་ཤུགས་མ་ལག་གསར་པའི་ལག་རྩལ་གསར་གཏོད་ལྟེ་གནས་ཐོག་མ་མཚོ་སྔོན་དུ་བཙུགས་པ་དང་།རྒྱལ་ཁབ་རིམ་པའི་མཐོ་གསར་ལག་རྩལ་ཁེ་ལས་99དང་ཞིང་ཆེན་རིམ་པའི་ཚན་རྩལ་ཅན་གྱི་ཁེ་ལས་188གསར་དུ་གཏན་འཁེལ་བྱས་པ་རེད།
2023ལོར། གསོན་ཤུགས་གསར་པ་དེ་ལྟར་འཕེལ་བ་སྟེ།ཞིང་ཆེན་དང་།གྲོང་ཁྱེར།རང་སྐྱོང་ལྗོངས་བཅས་9དང་འབྲེལ་ཡོད་ཀྲུང་དབྱང་ཁེ་ལས་དང་འཐབ་ཇུས་མཉམ་ལས་ཀྱི་གྲོས་མཐུན་བཞག་པ་དང་།གཞུང་ཁོངས་མ་རྩ་བཏང་བའི་ཀྲུང་དབྱང་ཁེ་ལས་ཀྱིས་མཚོ་སྔོན་གྱི་སྤུས་ཚད་མཐོ་བའི་འཕེལ་རྒྱས་ལ་རོགས་སྐྱོར་དང་རྒྱལ་ཁོངས་ལས་བརྒལ་བའི་གྲགས་ཅན་ཁེ་ལས་མཚོ་སྔོན་དུ་སྐྱོད་པ་སོགས་ཀྱི་བྱེད་སྒོ་སྤེལ་བ།“གྲངས་གཞིའི་མཚོ་སྐྱོར”ཕྱོགས་ཡོངས་ནས་སྤེལ་འགོ་ཚུགས་པ།རོགས་སྐྱོར་མཉམ་ལས་རོགས་སྐྱོར་རྣམ་གྲངས་900ཙམ་ལག་བསྟར་བྱས།
གཉེར་སྐྱོང་བྱེད་པོ་གཙོ་བོ་ནི་དཔལ་འབྱོར་གྱི་སྟོབས་ཤུགས་གཞི་རྟེན་ཡིན་པ་དང་།གཉེར་སྐྱོང་བྱེད་མཁན་གཙོ་བོ་ནི་སྤྱི་ཚོགས་ཀྱི་ཐོན་སྐྱེད་ནུས་ཤུགས་འགན་སྲུང་བྱེད་པ་རང་རེད།
གྲངས་གཞི་ལས་མངོན་པར།2023ལོར་མཚོ་སྔོན་གྱིས་གཉེར་སྐྱོང་བྱེད་པོ་ཁྲི་7.5གསར་དུ་བཙུགས་པ་དེ་དུས་མཚུངས་ལས་26.9%འཕར་བའི་ནང་གསར་དུ་བཙུགས་པའི་ཁེ་ལས་དུད་ཚང་ཁྲི་2.1ཟིན་པ་དེ་དུས་མཚུངས་ལས་31.3%འཕར་བ་དང་།སྒེར་གཉེར་བཟོ་ཚོང་དུད་ཚང་ཁྲི་5.3ཟིན་ནས་26.1%འཕར་བ།ཁེར་རྐྱང་བཟོ་ཚོང་དུད་ཚང་བསྡོམས་འབོར་འདི་ལོའི་ནང་དུད་ཚང་ཁྲི་40ཡི་འགག་སྒོ་ཆེན་པོ་ལས་བརྒལ་ནས་བསྡུར་ཚད་70.2%བཟུང་སྟེ་ཞིང་ཆེན་དེ་ཡོངས་ཀྱི་དཔལ་འབྱོར་དར་རྒྱས་དང་།ལས་ཞུགས་མང་དུ་གཏོང་བ།གསར་གཏོད་ལ་སྐུལ་འདེད།མང་ཚོགས་ལ་སྟབས་བདེ་སྐྲུན་པ་རེད།
སྲིད་གཞུང་གི་བྱ་བའི་སྙན་ཞུ་ནང་།ཀྲུང་དབྱང་གིས་དམངས་གཉེར་དཔལ་འབྱོར་འཕེལ་རྒྱས་དང་སྟོབས་ཆེར་འགྲོ་རྒྱུར་སྐུལ་འདེད་གཏོང་བའི་སྲིད་ཇུས་དོན་ཚན་31དང་མཚོ་སྔོན་གྱི་ཞིབ་ཕྲའི་བྱེད་ཐབས་33ཕྱོགས་ཡོངས་ནས་དོན་འཁྱོལ་བྱེད་པ་དང་།ཚོང་གཉེར་ཁོར་ཡུག་ལེགས་སུ་གཏོང་བའི་བྱ་སྤྱོད་ལག་བསྟར་བྱེད་པ།རྒྱུན་རྣམ་གྱི་ཕུགས་ཕན་ཁེ་ལས་ལ་རོགས་སྐྱོར་བྱེད་པ།“ལས་ཆོད་ཆེ་བའི་དོན་དག་གཅིག་སྒྲུབ་པའི”རྒྱུན་རྣམ་ཅན་གྱི་སྐུལ་འདེད་ལམ་སྲོལ་འཛུགས་པ། ཁེ་ལས་འབྲིང་ཆུང་དང་ཆེས་ཆུང་གྲས་དང་ཁེར་རྐྱང་བཟོ་ཚོང་དུད་ཚང་གི་སྤྱི་པའི་ཞབས་ཞུའི་མ་ལག་འཐུས་ཚང་དུ་བཏང་ནས་ཁེ་ལས་ལ་ཕན་པ་དང་དམངས་ལ་ཕན་པའི་སྲིད་ཇུས་དང་ཞབས་ཞུ་ཞུ་མི་དགོས་པར་ཐུན་མོང་ཐོག་ལོངས་སྤྱོད་དང་ཐད་ཀར་ལོངས་སྤྱོད་ཐུབ་རྒྱུར་སྐུལ་འདེད་བཏང་སྟེ་དམངས་གཉེར་ཁེ་ལས་འཕེལ་རྒྱས་ཐད་དཀའ་ངལ་སེལ་བ་དང་། ཁོར་ཡུག་ཐད་དཀའ་ངལ་ཆུང་དུ་གཏོང་བ། རོགས་སྐྱོར་ཐད་དཀའ་ངལ་སེལ་བ་བཅས་བྱེད་དགོས།
དེས་ཞིང་ཆེན་སྲིད་གྲོས་ཀྱི་ཨུ་ཡོན་ཨ་ལན་ལ་སེམས་འགུལ་ཆེན་པོ་ཐེབས་བྱུང་།ཁོང་གིས་དངུལ་རྩའི་ལས་ཁུངས་ཀྱིས་ལས་སྒོ་གཉེར་སྐྱོང་འཐབ་ཇུས་རིགས་སྒྱུར་ལ་སྐུལ་འདེད་བཏང་ནས་དངུལ་རྩའི་ཞབས་ཞུའི་སྒུལ་ནུས་ཆེ་རུ་གཏོང་དགོས།ཚོང་ལས་དངུལ་ཁང་ཁག་གིས་གོང་རིམ་དངུལ་ཁང་ལ་ལས་སྒོའི་དབང་ཚད་སྔར་ལས་ཆེ་བ་བརྩོན་ལེན་ཧུར་ཐག་བྱས་ཏེ་ཁེ་ལས་ཆེ་གྲས་དང་སྤུས་ལེགས་ཁེ་ལས་ཀྱི་ཡིད་རྟོན་དངུལ་བུན་ཚོང་ར་འདང་ངེས་ཀྱི་གནས་ཚུལ་འོག་དམངས་གཉེར་ཁེ་ལས་འབྲིང་ཆུང་འཕེལ་རྒྱས་གཏོང་རྒྱུ་དེ་དངུལ་ཁང་གི་མ་འོངས་པའི་ཡིད་རྟོན་དངུལ་བུན་ཁ་ཕྱོགས་དང་འཕར་སྣོན་གྱི་བར་སྟོང་གསར་པར་བརྩི་དགོས་པའི་གྲོས་འགོ་བཏོན་པ་རེད།
ཞིང་ཆེན་མི་དམངས་འཐུས་ཚོགས་ཀྱི་འཐུས་མི་འཇིགས་མེད་ཚེ་རིང་ནི་མཚོ་བྱང་བྱ་དཀར་བོད་སྨན་གསར་སྤེལ་ཚད་ཡོད་ཀུང་སིའི་དོ་དམ་སྤྱི་དཔོན་ཡིནར། 2008ལོར་ཐོ་འགོད་བྱས་ནས་མཚོ་བྱང་བོད་རིགས་རང་སྐྱོང་ཀྲོའུ་ཡི་སློབ་ཆེན་སློབ་མའི་རང་བརྟེན་ལས་གཏོད་ཁེ་ལས་ཐོག་མ་དེ་བཙུགས་པ་དང་། ལོ་བཅུ་ལྷག་ཙམ་རྗེས་ཀྱི་དེ་རིང་ཁེ་ལས་དེ་གཞི་ཁྱོན་ཆེན་པོ་ལྡན་པའི་ཚན་རྩལ་རྣམ་པའི་ཁེ་ལས་ཤིག་ཏུ་གྱུར་ཡོད།
“བོད་ལུགས་གསོ་རིག་དང་བོད་སྨན་གྱི་ལས་དོན་པ་ཞིག་ཡིན་པའི་ངོས་ནས་ང་ཚོས་རང་འགུལ་ངང་སྤྱི་ཡོངས་ནང་ཞུགས་ཏེ་ནད་གཞི་སྔོན་འགོག་དང་།བདེ་ཐང་རྒན་གསོ།ལུས་གསོ་འཕྲོད་སྦྱོར།དྲག་སྐྱེད་སྨན་བཅོས་སོགས་ཐད་ཀྱི་བོད་ལུགས་གསོ་རིག་དང་བོད་སྨན་གྱི་ཐུན་མོང་མ་ཡིན་པའི་ལེགས་ཆ་འདོན་སྤེལ་ཡག་པོ་བྱས་ནས་སྤྱི་པའི་འཕྲོད་བསྟེན་དོན་རྐྱེན་གལ་ཆེན་ཁྲོད་ཀྱི་ནུས་པ་དེ་བས་ལེགས་པའི་སྒོ་ནས་འདོན་སྤེལ་བྱ་རྒྱུར་སྐུལ་འདེད་བཏང་སྟེ་མི་རིགས་ཁག་གི་མི་དམངས་མང་ཚོགས་ཀྱི་བདེ་ཐང་ལ་ཕྱོགས་ཡོངས་དང་དུས་འཁོར་ཧྲིལ་པོའི་བདེ་ཐང་ཞབས་ཞུ་མཁོ་འདོན་བྱས་ཏེ་མཚོ་སྔོན་གྱི་བོད་ལུགས་གསོ་རིག་དང་བོད་སྨན་བྱ་གཞག་སྤུས་ཚད་མཐོ་བའི་འཕེལ་རྒྱས་འགྲོ་རྒྱུར་རོགས་འདེགས་བྱ་དགོས།
རྩོམ་སྒྲིག་པ། ལྷ་ཆེན་རྒྱལ།
