མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱ་རྒྱུ་མཐའ་འཁྱོངས་བྱ་རྒྱུ་ནི་དུས་རབས་གསར་པར་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་མཐའ་འཁྱོངས་དང་འཕེལ་རྒྱས་གཏོང་བའི་གཞི་རྩའི་ཐབས་ཇུས་ཡིན་ལ།ལོ་བརྒྱ་གཉིས་པའི་འབད་འཐབ་དམིགས་འབེན་མངོན་འགྱུར་བྱེད་པའི་གནད་འགག་གི་ཐབས་ཤེས་ཤིག་ཀྱང་ཡིན།
ཏང་གི་ཚོགས་ཆེན་ཉི་ཤུ་པའི་སྙན་ཞུ་ལས་བསྟན་དོན།བསྒྱུར་བཅོས་གསར་གཏོད་ལ་སྐུལ་འདེད་གཏིང་ཟབ་གཏོང་བ་དང་།བློ་བརྟན་འགྱུར་མེད་ཀྱིས་སྒོ་འབྱེད་རྒྱ་ཆེ་རུ་གཏོང་བ།གཏིང་རིམ་གྱི་སྒྲིག་སྲོལ་དང་ལམ་སྲོལ་གྱི་འགོག་རྐྱེན་སེལ་བར་ཤུགས་རྒྱག་པ།ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ལམ་ལུགས་ཀྱི་དགེ་མཚན་རྒྱུན་ཆད་མེད་པར་མངོན་པ།སྤྱི་ཚོགས་རིང་ལུགས་ཀྱི་དེང་རབས་ཅན་འཛུགས་སྐྲུན་གྱི་སྒུལ་ཤུགས་དང་གསོན་ཤུགས་རྒྱུན་ཆད་མེད་པར་ཆེ་རུ་གཏོང་བ་བཅས་བྱས་ཏེ།
2023ལོ་ནི་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ཕྱོགས་ཡོངས་ནས་ལག་ལེན་མཐར་ཕྱིན་བསྟར་འགོ་ཚུགས་པའི་ལོ་ཡིན་ལ།བསྒྱུར་བཅོས་སྒོ་འབྱེད་བྱས་ནས་ལོ་ངོ་45འཁོར་བའི་ལོ་ཡང་ཡིན།
ལོ་གཅིག་རིང་མཚོ་སྔོན་གྱིས་ཏང་ཀྲུང་དབྱང་གི་ཐབས་ཇུས་བཀོད་སྒྲིག་ལག་བསྟར་དོན་འཁྱོལ་མཐའ་གཅིག་ཏུ་བྱས་ནས་སྒྱུར་བཅོས་ཀྱི་ཚད་བརྒལ་དང་སྣེ་ཁྲིད་ནུས་པ་འདོན་སྤེལ་གང་ལེགས་བྱས་ཏེ་གཙོ་གནད་དང་དཀའ་གནད་ལ་དམིགས་པ་དང་།གནད་དོན་འགག་སྒྲོལ་གཏིང་ཟབ་ཏུ་གཏོང་བ།ཁྱབ་ཁོངས་གལ་ཆེན་དང་འགག་རྩའི་ལྷུ་ཚིགས་ཀྱི་སྒྱུར་བཅོས་ལ་སྐུལ་འདེད་ཏན་ཏིག་གཏོང་བ་བཅས་བྱས་ནས་ཞིང་ཆེན་ཡོངས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྒྱུར་བཅོས་མཚམས་མི་འཇོག་པ་དང་སྒོ་དབྱེ་མཚམས་མི་འཇོག་པའི་བརྡ་རྟགས་གསལ་པོ་བཀོད་ཡོད།
འགག་རྩའི་བྱེད་ཐབས་ཤིག་ནི།འགག་སྒྲོལ་ཤུགས་ཆེན་བྱས་ནས་གཙོ་གནད་ཁྱབ་ཁོངས་ཀྱི་སྒྱུར་བཅོས་ཚད་བརྒལ་ཡོང་བ་བྱེད་དགོས་པ།
མདོ་ལ་རིང་མོའི་རྒྱལ་ཁབ་སྤྱི་གླིང(མཚོ་སྔོན་ས་ཁུལ)དུ་ཐོན་པའི་རྣམ་པ་གཉིས་ཀྱིས་མི་རྣམས་ལ་བག་ཆགས་ཟབ་མོ་བཞག་ཡོད་པ་སྟེ།
མཚོ་བྱང་བོད་རིགས་རང་སྐྱོང་ཁུལ་མོན་ཡོན་ཧུའེ་རིགས་རང་སྐྱོང་རྫོང་མུ་ཟི་ཧོང་ཀོའུ་དོ་དམ་སྲུང་སྐྱོང་ས་ཚིགས་སུ་གནས་པ་དང་ཀྲན་ཀྲང་ཀྲེང་ཝུའེ་གོ་ཡི་བཀོལ་སྤྱོད་འོག་མི་མེད་གནམ་གྲུ་དལ་བུར་བསྒྲེངས་པ་དང་།གཏན་འཁེལ་ལམ་ཐིག་བརྒྱུད་ཐག་རིང་གི་རི་མགོ་ནས་འཕུར།
མུན་ཡོན་ནུབ་ཕྱོགས་སུ་མདོ་ལ་རིང་མོའི་རྒྱལ་ཁབ་སྤྱི་གླིང་གི་བདག་ཏུ་མ་བཟུང་བའི་སྲོག་ཆགས་སྐྱོབ་གསོ་ས་ཚིགས།རོགས་སྐྱོབ་བྱས་པའི་ཤྭ་བ་རི་འགྱུར་སྦྱོང་བརྡར་བྱ་ཡུལ་དུ་དགའ་སྤྲོའི་ངང་རྒྱུག་བཞིན་ཡོད།
དོ་དམ་ནས་སྲུང་སྐྱོང་བྱེད་པའི་བར་འཚོལ་ཞིབ་མི་འདྲ་བའི་རྒྱབ་ཏུ་སྒུལ་ཤུགས་གཅིག་འདྲ་ཡོད་པ་སྟེ།བསྒྱུར་བཅོས་བྱེད་དགོས།
མདོ་ལ་རིང་མོའི་རྒྱལ་ཁབ་སྤྱི་གླིང་གི་སྒྲིག་སྲོལ་ཚོད་ལྟ་བྱེད་འགོ་ཚུགས་ཚུན།དུས་ཐུང་ལོ་ཤས་རིང་སྒྱུར་བཅོས་ཀྱི་གསོན་ཤུགས་རབ་ཏུ་འཕེལ་བ་དང་།ཞི་ཅིན་ཕིང་གི་སྣོད་བཅུད་ཤེས་དཔལ་གྱི་དགོངས་པ་མཛུབ་ཁྲིད་དུ་བྱས་ཏེ།“སྣོད་བཅུད་སྲུང་སྐྱོང་མཐོ་ས་དང་།སྣོད་བཅུད་ཚན་ཞིབ་མཐོ་ས།སྣོད་བཅུད་རིག་གནས་མཐོ་ས”བཅས་ཀྱི་ལག་ལེན་ཐབས་ལམ་འཚོལ་ཞིབ་གཏིང་ཟབ་བྱས་ཏེ།འདྲ་བཟོ་བྱེད་ཆོག་པ་དང་ཁྱབ་གདལ་གཏོང་ཆོག་པའི་མདོ་ལ་རིང་མོའི་ཉམས་མྱོང”ཆ་ཚང་ཞིག་མཚོ་སྔོན་གྱི་ས་གཞི་ཆེ་མོར་འཚོལ་ཞིབ་དང་གྲུབ་པ་རེད།
“ལོ་ལྔ་པོ་དེ་ནི་སྒྱུར་བཅོས་སྒོ་དབྱེ་དང་གསར་གཏོད་ཀྱི་གསོན་ཤུགས་འཕེལ་བའི་ལོ་ལྔ་ཡིན་པས་ང་ཚོས་སྤུས་ཚད་མཐོ་བའི་འཕེལ་རྒྱས་ལ་གནོད་པའི་སྒྲིག་སྲོལ་དང་ལམ་སྲོལ་གྱི་འགོག་རྐྱེན་མཐའ་གཅིག་ཏུ་བསལ་ནས་གཙོ་གནད་ཁྱབ་ཁོངས་ཀྱི་སྒྱུར་བཅོས་ལ་ཚད་བརྒལ་རང་བཞིན་གྱི་འཕེལ་རྒྱས་བྱུང་བ་དང་།རྨང་གཞིའི་རང་བཞིན་གྱི་ལམ་ལུགས་ཀྱི་སྒྲོམ་གཞི་གཞི་རྩའི་ཆ་ནས་བཙུགས་པ།ཁྱབ་ཁོངས་མང་པོར་ལོ་རྒྱུས་རང་བཞིན་གྱི་འཕོ་འགྱུར་དང་།མ་ལག་རང་བཞིན་གྱི་བསྐྱར་སྐྲུན།སྤྱི་ཡོངས་རང་བཞིན་གྱི་བསྐྱར་སྒྲིག་བཅས་མངོན་འགྱུར་བྱུང་ཡོད”2023ལོའི་མཚོ་སྔོན་ཞིང་ཆེན་སྲིད་གཞུང་གི་ལས་དོན་སྙན་སྒྲོན་ནང་འདས་ཟིན་པའི་ལོ་ལྔའི་སྒྱུར་བཅོས་ཀྱི་ཕན་འབྲས་ལ་གདེང་འཇོག་དེ་ལྟར་བྱས་ཡོད།
2023ལོའི་ཟླ་3ཚེས་29ཉིན་འཚོགས་པའི་ཞིང་ཨུད་ཀྱི་ཕྱོགས་ཡོངས་ནས་སྒྱུར་བཅོས་ཟབ་སྤེལ་ཨུ་ལྷན་གྱི་ཚོགས་འདུ་ཐེངས་ཉི་ཤུ་པའི་ཐོག་ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ལག་བསྟར་དོན་འཁྱོལ་གཏིང་ཟབ་བྱས་པ་དང་།ཀྲུང་དབྱང་ཟབ་སྤེལ་ཨུ་ལྷན་གྱི《ཏང་གི་ཚོགས་ཆེན་ཐེངས་ཉི་ཤུ་པའི་དགོངས་དོན་ལག་བསྟར་དོན་འཁྱོལ་བྱས་ནས་བློ་བརྟན་འགྱུར་མེད་ངང་སྒྱུར་བཅོས་མདུན་ཕྱོགས་སུ་སྐུལ་འདེད་གཏོང་རྒྱུའི་སྐོར་གྱི་ལས་ཀའི་བསམ་འཆར》བརྒྱུད་བསྒྲགས་དང་སློབ་སྦྱོང་བྱས་པ་དང་།
“གཏོར་བའི་”སྤོབས་པ་ཡོད་ལ།“འཛུགས་”ཀྱི་འགན་འཁྲི་དེ་བས་ཀྱང་ཡོད།
2023ལོའི་ཟླ་7ཚེས་5ཉིན་ཞིང་ཨུད་ཀྱི་ཕྱོགས་ཡོངས་ནས་སྒྱུར་བཅོས་ཟབ་གཏོང་ཨུ་ལྷན་གྱི་ཚོགས་འདུ་ཐེངས་ཉེར་གཅིག་པའི་ཐོག་སྐབས་ཉི་ཤུ་པའི་ཀྲུང་དབྱང་གཏིང་ཟབ་སྒྱུར་ཨུ་ལྷན་གྱི་ཚོགས་འདུ་ཐེངས་དང་པོའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་།སྤྱི་ཁྱབ་ཧྲུའུ་ཅི་ཞིས་ཅིན་ཕིང་གིས་མཚོ་སྔོན་ལ་རྟོག་ཞིབ་གནང་བའི་གསུང་བཤད་གལ་ཆེན་གྱི་དགོངས་དོན་སློབ་སྦྱོང་དང་ལག་བསྟར་གཏིང་ཟབ་བྱས་ཏེ་བརྗོད་དོན་གཙོ་བོའི་སློབ་གསོ་དང་ཟུང་འབྲེལ་བྱས་ཏེ་དྲང་སྲུང་གསར་གཏོད
2023ལོའི་ཟླ་10ཚེས་11ཉིན་ཞིང་ཨུད་ཀྱི་ཕྱོགས་ཡོངས་ནས་སྒྱུར་བཅོས་ཟབ་གཏོང་ཨུ་ལྷན་གྱི་ཚོགས་འདུ་ཐེངས་ཉེར་གཉིས་པའི་ཐོག་ཀྲུང་དབྱང་གི་ཕྱོགས་ཡོངས་ནས་སྒྱུར་བཅོས་ཟབ་གཏོང་ཨུ་ལྷན་གྱི་ཚོགས་འདུ་ཐེངས་གཉིས་པའི་དགོངས་དོན་བརྒྱུད་བསྒྲགས་དང་སློབ་སྦྱོང་བྱས་པ་དང་།སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་བཏོན་གནང་བའི་“གསར་བརྗེ་བཞི་དང་མཉམ་ལས་གཅིག”གི་ནུས་རྒྱུའི་བདེ་འཇགས་ཀྱི་འཐབ་ཇུས་གསར་པ་དང་མཚོ་སྔོན་གྱི་གསུང་བཤད་གལ་ཆེན་གྱི་དགོངས་དོན་ལག་བསྟར་དོན་འཁྱོལ་བྱས་ནས་འཕེལ་རྒྱས་ཀྱི་གོ་སྐབས་གལ་ཆེན་དམ་འཛིན་ནན་པོ་བྱས་ཏེ་ནུས་རྒྱུ་གཙང་མའི་ཐོན་ལས་འཕེལ་རྒྱས་ཀྱི་ལེའུ་གསར་པ་རྩོམ་དགོས་པའི་ནན་བཤད་གནང་བ་རེད།
དུས་རབས་གསར་པའི་སྒྱུར་བཅོས་སྒོ་དབྱེའི་རླབས་རྒྱུན་ཆེན་པོའི་ཁྲོད་མཚོ་སྔོན་གྱིས“མཐོ་ས”གཏོད་པ་དང་“ས་ཁུལ་བཞི”བསྐྲུན་རྒྱུར་དམིགས་ནས་དཔལ་འབྱོར་སྤྱི་ཡོངས་ནས་ལེགས་སུ་འགྲོ་རྒྱུར་སྐུལ་འདེད་གཏོང་རྒྱུར་དམིགས་ནས་འབེན་གནད་སྨིན་དང་བྱེད་ཐབས་ནུས་ལྡན་གྱི་སྒྱུར་བཅོས་རྣམ་གྲངས་གལ་ཆེན་ཁག་གཅིག་ཇུས་འགོད་ལག་བསྟར་བྱས་པས་ཏང་དང་རྒྱལ་ཁབ་ཀྱི་བྱ་གཞག་ལ་སྐྱེ་སྟོབས་དང་གསོན་ཤུགས་གསར་པ་འཕེལ་ཡོད།
གསར་གཏོད་ཀྱིས་སྒྱུར་བཅོས་ལ་སྣེ་ཁྲིད་བྱེད་པའི་ཚོད་ལྟ་དོན་འཁྱོལ་དང་ཕན་འབྲས་ཐོན་པ།
བསྒྱུར་བཅོས་ནི་སྤྱི་ཚོགས་ཀྱི་ཐོན་སྐྱེད་ནུས་ཤུགས་བཅིངས་འགྲོལ་དང་འཕེལ་རྒྱས་གཏོང་བའི་གནད་འགག་ཡིན་ལ།རྒྱལ་ཁབ་གོང་དུ་འཕེལ་བར་སྐུལ་འདེད་གཏོང་བའི་རྩ་བའི་སྒུལ་ཤུགས་ཀྱང་ཡིན།
“ཚད་གཞི་དང་རེའུ་མིག་ལ་ཁ་གཏད་རྒྱུ་མཐའ་འཁྱོངས་ཀྱིས་གནད་དོན་ཕྱོགས་སྟོན་དུ་འཛིན་རྒྱུ་མངོན་གསལ་དོད་པོ་ཡོང་བ་བྱེད་པ་དང་།ཞིང་ཆེན་ཡོངས་ཀྱི་གཙོ་གནད་ལས་དོན་ལ་དམིགས་ནས་སྒྱུར་བཅོས་ཀྱི་འཇུག་སྒོ་དང་།ཤུགས་རྒྱག་ས།ཟུང་འབྲེལ་བྱེད་གནས་བཅས་ཡང་དག་འཚོལ་དགོས་པ།རང་ཉིད་ཀྱིས་དམ་འཛིན་དང་སྣེ་ཁྲིད་དེ་སྒྲུབ་པ་དང་།བློ་ཁོག་ཆེན་པོས་གསར་གཏོད་བྱེད་པར་སྐུལ་ལྕག་གཏོང་བ།སྒྱུར་བཅོས་ཀྱི་ནོར་འཛོལ་ལ་གུ་ཡངས་གཏོང་བ་བཅས་བྱས་ཏེ་སྒྱུར་བཅོས་གཏིང་ཟབ་ཏུ་གཏོང་བར་བརྟེན་ནས་སྒུལ་ཤུགས་དང་གསོན་ཤུགས་འཕེལ་བ་བྱེད་དགོས”ཞིང་ཆེན་ཨུ་ལྷན་གྱི་ཕྱོགས་ཡོངས་ནས་སྒྱུར་བཅོས་ཟབ་སྤེལ་ཨུ་ཡོན་ལྷན་ཁང་གི་ཚོགས་འདུ་ཐེངས་ཉི་ཤུ་པའི་ཐོག་ནན་བཤད་བྱས་དོན།
དུས་རབས་ཀྱི་ཞིབ་འཇུག་བྱ་གཞིར་ཐད་ཀར་ཕྱོགས་ནས་འཕེལ་རྒྱས་ཀྱི་འཇུར་མིག་སེལ་དགོས།
མཚོ་ནུབ་སོག་རིགས་བོད་རིགས་རང་སྐྱོང་ཁུལ་ཡིས་གཙོ་གནད་ཁྱབ་ཁོངས་ཀྱི་སྒྱུར་བཅོས་ལ་མུ་མཐུད་སྐུལ་འདེད་བཏང་ནས་ཁྲོམ་རར་ཞུགས་འཐུས་ཀྱི“རྒྱལ་ཡོངས་ཀྱི་གསལ་ཐོ་གཅིག”གི་དོ་དམ་བྱེད་སྟངས་དོན་འཁྱོལ་ནན་པོ་བྱས་ཏེ་རྒྱལ་ཡོངས་གཅིག་གྱུར་གྱི་ཁྲོམ་ར་ཆེན་པོའི་ནང་གཏིང་ཟབ་ཞུགས་ཡོད་པ་རེད།ཕྱོགས་བསྡུས་སྨན་བཅོས་བསྒྱུར་བཅོས་གཏིང་ཟབ་ཏུ་སྤེལ་བ་དང་།ནད་ཡམས་སྔོན་འགོག་ཚོད་འཛིན་མ་ལག་བསྒྱུར་བཅོས་བྱེད་ཤུགས་ཆེ་རུ་གཏོང་བ།སྤྱི་པའི་འཕྲོད་བསྟེན་མ་ལག་འཛུགས་སྐྱོང་གཏིང་ཟབ་ཏུ་འགྲོ་བར་སྐུལ་འདེད་གཏོང་བ་བཅས་བྱ་དགོས།ནོར་སྲིད་སྒྲིག་སྲོལ་བསྒྱུར་བཅོས་ཟབ་སྤེལ་བྱས་ཏེ།ནོར་ཤུགས་གཤམ་དུ་སྤྲོད་པར་སྐུལ་འདེད་དང་།དུས་རིམ་རང་བཞིན་གྱི་ནོར་ཤུགས་ཁ་གསབ་ལམ་སྲོལ་འཐུས་ཚང་དུ་གཏོང་བ།གཞི་རིམ་གྱི་“འགན་ལེན་གསུམ་”གྱི་མཐའ་ཚད་བརྟན་པོར་སྲུང་བ་བཅས་བྱས་ཏེ།གཞི་རིམ་འཕེལ་རྒྱས་གཏོང་བར་རྨང་གཞི་བརྟན་པོ་བཏིང་ཡོད།
འགག་རྩའི་ཕྱོགས་སུ་མདུན་སྐྱོད་བྱས་ཏེ་སྒྱུར་བཅོས་སྒོ་དབྱེར་བརྟེན་ནས་འཕེལ་རྒྱས་ཀྱི་གསོན་ཤུགས་འཕེལ་བར་བྱ་དགོས།
“རྒྱུད་གཅིག་ལམ་གཅིག”དང་མཉམ་འདྲེས་ཐུབ་པ་བྱས་ནས་མཚོ་ནུབ་ཁུལ་ཡིས་གོར་མོའི་སྐམ་ས་དང་གྲུ་ཁ་རྣམ་པའི་ལྟེ་བའི་ཐེག་ནུས་གྲོང་ཁྱེར་འཛུགས་སྐྲུན་བྱེད་མགྱོགས་སུ་གཏོང་བ་དང་ཕྱི་ཕྱོགས་ཚོང་དོན་ཕྱོགས་སྒྱུར་རིམ་སྤོར་རྟེན་གཞི་སྐྱེད་སྲིང་བྱས་ཏེ་ཕྱིར་གཏོང་ནང་འདྲེན་གྱི་སྤྱི་འབོར་20%ཡན་འཕར་ཡོད།“ཕྱིར་སྐྱོད་པའི་”འཐབ་ཇུས་ལག་བསྟར་བྱས་ཏེ་ནུབ་རྒྱུད་ཀྱི་སྐམ་ས་དང་མཚོ་ཐོག་བགྲོད་ལམ་གསར་པ་དང་ཀྲུང་ནེ་ཉོ་ཚོང་གི་སྐམ་སའི་བགྲོད་ལམ་འཛུགས་སྐྲུན་ནང་ཧུར་ཐག་ཞུགས་པ་དང་།ཀྲུང་གོ་དང་ཡོ་རོབ་དང་ཨེ་ཤེ་ཡ་ལྷོ་མའི་དུས་གཏན་མེ་འཁོར་གྱི་ཚོང་ཟོག་ཡོང་ཁུངས་དང་ལམ་ཐིག་རྩ་འཛུགས་ལ་ཤུགས་སྣོན་རྒྱག་པ།ཁེ་ལས་ཀྱིས་གཞུང་ལམ་དང་ལྕགས་ལམ་མཉམ་འདྲེན་དང་ལྕགས་ལམ་དང་མཚོ་ཐོག་སྐྱེལ་འདྲེན་ལ་བརྟེན་ནས་ཕྱིར་གཏོང་ནང་འདྲེན་བྱེད་པར་རྒྱབ་སྐྱོར་བཅས་བྱེད་དགོས།སྤྱིར་བཏང་གི་འཛད་སྤྱོད་དངོས་རྫས་ནང་འདྲེན་བྱེད་པར་སྐུལ་མ་གཏོང་བ་དང་།ནང་འདྲེན་ཚོང་ཟོག་ཐད་འཚོང་ལས་སྟེགས་འཛུགས་སྐྲུན་བྱེད་པ་མ་ཟད།ཕྱི་རྒྱལ་གྱི་མ་དངུལ་བེད་སྤྱོད་བྱེད་པའི་ཁོར་ཡུག་བཟང་པོ་བསྐྲུན་པ་བརྒྱུད་ཕྱི་རྒྱལ་གྱི་མ་དངུལ་འགུགས་ཐབས་དང་བེད་སྤྱོད་བྱེད་ཤུགས་སྔར་ལས་ཆེ་བ་བྱ་དགོས།
འཐབ་ཇུས་ཀྱི་ངེས་ཤུགས་རྒྱུན་འཁྱོངས་བྱས་ནས་འཕེལ་རྒྱས་ཀྱི་ལེགས་ཆ་བསྐྱར་དུ་གཏོད་དགོས།
མཚོ་སྔོན་ཞིང་ཆེན་གྱིས་བཏོན་པའི་ཚོང་གཉེར་ཁོར་ཡུག་ལེགས་སུ་གཏོང་བའི་དཔེ་མཚོན་ཉམས་མྱོང་ཁག་གཉིས་པ་ཡིན་པའི་ངོས་ནས་ཟི་ལིང་གྲོང་ཁྱེར་གྲོང་དབུས་ཆུས་ཀྱིས་ལས་ཞུགས་ཞབས་ཞུའི“ཉིན་གླ་ས་ཚིགས”ཐོག་མར་བཏོད་པ་དང་།ཟི་ལིང་གྲོང་ཁྱེར་གྲོང་ནུབ་ཁུལ་གྱིས“ཀན་ལིན་འདུ་འགོད”2.0རིམ་སྤོར་པར་གཞི་ལག་བསྟར་བྱས་པ།ཏ་ཐུང་ཧུའེ་རིགས་ཧོར་རིགས་རང་སྐྱོང་རྫོང་གིས་གྲོང་གསེབ་ཀྱི་དྲ་ཐོག་ཚོང་དོན་འཕེལ་རྒྱས་གཏོང་སྟངས་གསར་པ་འཚོལ་ཞིབ་ཧུར་ཐག་བྱས་པ།མཚོ་ནུབ་ཁུལ་ཡིས་ཁྲལ་འཇལ་ཞབས་ཞུའི་སྤུས་རྟགས“ཚྭ་འདམ་ཁྲལ་དོན་ཞབས་ཞུའི་ལས་དོན་ཁང”བཏོད་པ།གོར་མོ་གྲོང་ཁྱེར་གྱིས“མཚོ་སྔོན་གྱི་ཟོག་འགྲེམས་དངུལ་བུན”
འཐབ་ཇུས་ཐོག་གི་བཀོད་སྒྲིག་ནི་གནད་འགག་གི་གནས་སུ་ལྷུང་ཡོད།
“རྒྱལ་ཁབ་ཀྱི་ནུས་རྒྱུ་གཙང་མའི་ཐོན་ལས་ཀྱི་མཐོ་ས་གཏོད་རྒྱུའི”དམིགས་ཚད་ཁ་གསལ་དེར་དམིགས་ནས་མཚོ་སྔོན་གྱིས་རླུང་གློག་དང་འོད་ཤུགས་མཚོན་བྱེད་དུ་བྱས་པའི་ནུས་རྒྱུ་གསར་པ་མེད་པ་ནས་ཡོད་པའི་བར་དང་རྒྱུན་ཆད་མེད་པར་རྒྱ་ཆེར་བཏང་སྟེ་སྲོལ་རྒྱུན་གྱི“ཆུ་མེ་རོགས་རེས”ནས“ཆུ་མེའི་མཛེས་ལྗོངས”ཀྱི་ནུས་མང་གསབ་རེས་ཀྱི་གློག་ཁུངས་གྲུབ་ཆར་འགྱུར་ལྡོག་བྱུང་ཡོད།ན་ནིང་ལོ་མཇུག་བར་མཚོ་སྔོན་ཞིང་ཆེན་ཡོངས་ཀྱི་གློག་ཁུངས་ཀྱི་སྒྲིག་སྦྱོར་བྱས་པའི་འཕྲུལ་འཁོར་ནས་གློག་འདོན་ཚད་ཆན་ཝ་ཁྲི་5497.08ཟིན་པའི་ནང་ནུས་རྒྱུ་གཙང་མའི་གློག་འདོན་འཕྲུལ་འཁོར་ནས་གློག་འདོན་ཚད་ཆན་ཝ་ཁྲི་5107.94ཟིན་པ་དེས་སྒྲིག་སྦྱོར་བྱས་པའི་འཕྲུལ་འཁོར་གྱི་93.3%བཟུང་བ་དང་ལོ་དེར་ནུས་རྒྱུ་གཙང་མའི་གློག་འདོན་འཕྲུལ་འཁོར་ནས་གློག་འདོན་ཚད་ཆན་ཝ་ཁྲི་980.88མང་དུ་ཕྱིན་པ་དེ་2022ལོའི་ལོ་མཇུག་ལས་23.77%འཕར་བ་དང་།ནུས་རྒྱུ་གསར་པའི་གློག་འདོན་འཕྲུལ་འཁོར་ནས་གློག་འདོན་ཚད་ཆན་ཝ་ཁྲི་3745.64ཟིན་པ་དེས་སྒྲིག་སྦྱོར་བྱས་པའི་འཕྲུལ་འཁོར་གྱི་68%བཟུང་བ་དང་ནུས་རྒྱུ་གསར་པའི་གློག་གཏོང་ཚད་ཆུ་གློག་ལས་བརྒལ་ནས་ཞིང་ཆེན་ནང་གི་གློག་ཁུངས་ཆེ་གྲས་དང་པོར་གྱུར་ཡོད་པ་རེད།
མི་དམངས་གོང་དུ་བཀུར་བ།སྒྱུར་བཅོས་འཕེལ་རྒྱས་ཀྱི་གྲུབ་འབྲས་ཀྱིས་མི་དམངས་མང་ཚོགས་ལ་ཕན་པ་ཐོབ་པ།
ང་ཚོའི་ཏང་གིས་ཕྱོགས་ཡོངས་ནས་བསྒྱུར་བཅོས་ཟབ་སྤེལ་བྱེད་པའི་རྩ་བའི་དམིགས་ཡུལ་ནི་སྤྱི་ཚོགས་དྲང་སྙོམས་དྲང་བདེན་ཡོང་བར་སྐུལ་འདེད་བཏང་སྟེ།བསྒྱུར་བཅོས་དང་འཕེལ་རྒྱས་ཀྱི་གྲུབ་འབྲས་མི་དམངས་ཡོངས་ལ་སྔར་ལས་མང་བ་དང་སྔར་ལས་དྲང་སྙོམས་ཀྱི་སྒོ་ནས་ཕན་པ་ཐོབ་པར་བྱ་དགོས།
ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གིས་མི་དམངས་ལྟེ་བར་འཛིན་པའི་འཕེལ་རྒྱས་ཀྱི་དགོངས་པ་མཐའ་འཁྱོངས་བྱས་ཏེ་སྒྱུར་བཅོས་འཕེལ་རྒྱས་ཀྱི་གྲུབ་འབྲས་དེ་བས་མང་བ་དང་དེ་བས་དྲང་སྙོམས་ཀྱི་སྒོ་ནས་མི་དམངས་ཡོངས་ལ་ཕན་པ་ཐོབ་རྒྱུར་སྐུལ་འདེད་བཏང་ནས་དུས་རབས་གསར་པར་ཕྱོགས་ཡོངས་ནས་སྒྱུར་བཅོས་སྒོ་དབྱེ་གཏིང་ཟབ་ཏུ་གཏོང་བའི་སྟོབས་ཤུགས་ཆེན་པོ་གཅིག་ཏུ་སྒྲིལ་ཡོད།
མང་ཚོགས་ཀྱིས་རེ་སྒུག་ཆེ་ཤོས་བྱེད་པའི་ཁྱབ་ཁོངས་ནས་ལེགས་བཅོས་བྱས་ཏེ་མི་དམངས་མང་ཚོགས་ཀྱི་སེམས་ཁྲལ་དང་དཀའ་ངལ་དང་རེ་སྒུག་གི་གནད་དོན་ཐག་གཅོད་བྱེད་དགོས།དམངས་འཚོའི་“དོན་ཆུང་”རེ་རེ་བཞིན་སྒྱུར་བཅོས་ཀྱི་ཤུགས་རྒྱག་སར་གྱུར་ནས་དམངས་འཚོའི་དྲོད་ཚད་རིམ་བཞིན་མཐོ་རུ་བཏང་ཡོད།
ཉེ་བའི་ལོ་ཤས་རིང་།མཚོ་ཤར་གྲོང་ཁྱེར་གྲོ་ཚང་ཆུས་ཀྱིས་སྨན་བཅོས་འཕྲོད་བསྟེན་གྱི་སྒྲིག་གཞི་སྒྱུར་བཅོས་མུ་མཐུད་གཏིང་ཟབ་ཏུ་བཏང་བ་དང་།གྲོང་ཁྱེར་དང་གྲོང་གསེབ་ཀྱི་སྨན་བཅོས་འཕྲོད་བསྟེན་ཐོན་ཁུངས་བསྡུ་སྒྲིལ་བྱས་པ།ལྗོངས་ཀྲུང་ལུགས་སྨན་ཁང་གཙོ་བོར་བྱས་པའི་སྨན་ཁང་བཙུགས་པ།གྲོ་ཚང་ཆུས་མི་དམངས་སྨན་ཁང་གཉིས་པ་དང་ཤང་གྲོང་འཕྲོད་བསྟེན་ཁང་21ཁོངས་མིར་བྱས་པའི་ཚགས་དམ་རྣམ་པའི་སྨན་བཅོས་ཀྱི་ཐུན་མོང་སྒྲིག་གཞི་བཙུགས་ནས་ས་ཁོངས་ཀྱི་སྨན་བཅོས་འཕྲོད་བསྟེན་ཞབས་ཞུ་གོང་འོག་འབྲེལ་མཐུད་ཐུབ་པ་བྱས་ཡོད།རིམ་དབྱེའི་ནད་བརྟག་སྨན་བཅོས་ལམ་ལུགས་ལག་བསྟར་ནན་པོ་བྱས་པ་བརྒྱུད་ནད་གཞི་ཡང་བ་དང་།ལྕི་བ།དལ་བ།དོས་དྲག་བཅས་དང་དེ་བཞིན་སྨན་བཅོས་བྱེད་དཀའ་བའི་ཚད་གཞི་གཞིར་བཟུང་རིམ་དབྱེའི་ནད་བརྟག་སྨན་བཅོས་བྱས་ཏེ་རྫོང་ཁོངས་སུ་སྨན་བཅོས་བྱེད་ཚད་དེ་སྨན་བཅོས་བསྒྱུར་བཅོས་མ་བྱས་གོང་གི་75.4%ནས་89.25%བར་འཕར་བ་དང་སྨན་བཅོས་སུ་འགྱུར་ཚད་ལོ་རེ་བཞིན་ཆག་ཡོད་པ་རེད།
མི་དམངས་ཀྱིས་མཛེས་སྡུག་ལྡན་པའི་འཚོ་བར་བཅངས་པའི་རེ་སྨོན་དང་བསྟུན་ནས་མི་དམངས་མང་ཚོགས་ཀྱི་གསར་གཏོད་ཀྱི་སྟོབས་ཤུགས་རླབས་པོ་ཆེ་སྐུལ་སློང་གང་ལེགས་བྱ་དགོས།
མང་ཚོགས་ཀྱིས་གཉེན་སྒྲིག་དང་།བུ་བཙའ།གཞིས་ཆགས་སོགས་ཀྱི་འབྲེལ་ཡོད་ལས་སྒོ་སྒྲུབ་རིང་།“སྣེ་མང་རྒྱུག་དང་ཡང་ཡང་རྒྱུག་པའི”གནད་དོན་ཐག་གཅོད་ནུས་ལྡན་བྱ་ཆེད།ཞིང་ཆེན་དམངས་སྲིད་ཐིང་གིས་ཞིང་ཆེན་སྤྱི་བདེ་ཐིང་དང་ཞིང་ཆེན་འཕྲོད་བསྟེན་བདེ་ཐང་ཨུ་ལྷན་དང་མཉམ་འབྲེལ་བྱས་ནས་སྤྱི་དམངས་ཀྱི་གཉེན་སྒྲིག་བུ་བཙའི་ལས་དོན་ཁྱབ་གདལ་བེད་སྤྱོད་ཇུས་གཞི་བཟོས་པ་རེད།མང་ཚོགས་ཀྱིས“མཚོ་སྔོན་ཞིང་ཆེན་སྲིད་དོན་ཞབས་ཞུའི་དྲ་བའི”ཐོག《མཚོ་སྔོན་ཞིང་ཆེན་གྱི་སྤྱི་དམངས་ཀྱི་གཉེན་སྒྲིག་བུ་བཙའི་“དོན་དག་གཅིག་ཐེངས་གཅིག་ལ་སྒྲུབ་པའི”རེ་ཞུའི་རེའུ་མིག》དང་འབྲེལ་ཡོད་དཔྱད་གཞིའི་གློག་རྡུལ་པར་གཞི་སྤྲད་དེ་གཉེན་སྒྲིག་ཐོ་འགོད་རེ་ཞུ་བྱེད་པ་དང་ཆབས་ཅིག་བུ་བཙའི་ཐོ་འགོད་དང་།ཐེམ་ཐོའི་གཉེན་སྒྲིག་གནས་ཚུལ་བསྒྱུར་བ།བཟའ་ཚང་གི་ཐེམ་ཐོ་ལ་བརྟེན་ནས་སྤོ་སྒྱུར་བཅས་ཀྱི་ལས་སྒོ་དུས་གཅིག་ཏུ་གཉེར་རྒྱུའི་རེ་ཞུ་བྱེད་པ་དང་།གཉེན་སྒྲིག་ཐོ་འགོད་ལས་ཁུངས་ཀྱིས་ས་གནས་ས་ཐོག་ཏུ་གཉེན་སྒྲིག་ཐོ་འགོད་བྱས་རྗེས་གཉེན་སྒྲིག་ཐོ་འགོད་ལས་ཁུངས་ཀྱིས་འབྲེལ་ཡོད་གྲངས་གཞི་དེ་སྤྱི་བདེ་སྡེ་ཚན་དང་འཕྲོད་བསྟེན་བདེ་ཐང་སྡེ་ཚན་ལ་བསྐུར་ནས་དོ་བདག་ལ་བུ་བཙའི་ཐོ་འགོད་དང་།ཐེམ་ཐོའི་གཉེན་སྒྲིག་གནས་ཚུལ་བསྒྱུར་བ།ཁྱོ་ཤུག་གིས་ཐེམ་ཐོ་བཏང་ནས་གནས་སྤོ་བྱེད་པ་བཅས་ཀྱི་ཐོག་ནས་དོ་བདག་གིས་སྡེ་ཚན་མང་པོར་ཐོབ་ཐང་ཆ་འཕྲིན་དང་གཉེན་སྒྲིག་ཐོ་འགོད་ཆ་འཕྲིན་སོགས་ཀྱི་དཔང་ཡིག་མཁོ་འདོན་བྱེད་དགོས་ཀྱི་མེད།
བསྒྱུར་བཅོས་དང་འཕེལ་རྒྱས་ཀྱི་གྲུབ་འབྲས་ཀྱིས་མི་དམངས་ཡོངས་ལ་ཕན་པ་ཐོབ་པ་དང་།བསྒྱུར་བཅོས་ཀྱི་རླབས་ཆེན་ལོ་རྒྱུས་ཀྱི་ལམ་བུ་ཡང་མི་རེ་རེ་ཞུགས་པ་དང་བདེན་དཔང་བྱེད་དགོས།
བཀའ་མ་ལོག་རྫོང་གི་ཁེ་ལས་འབྲིང་ཆུང་གི་ལས་གཏོད་གླིང་ནི་ཁེ་ལས་འབྲིང་ཆུང་གསོ་སྐྱོང་དང་།ཁྱད་ལྡན་ཐོན་ལས་སྐྱེད་སྲིང་།བཀའ་མ་ལོག་དང་རྫོང་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ལས་སྟེགས་གལ་ཆེན་ཞིག་རེད།ལས་གཏོད་གླིང་འབྲིང་ཆུང་དུ་བཅའ་སྡོད་བྱེད་སྔ་ཤོས་ཀྱི་ཁེ་ལས་ཁག་གཅིག་ཡིན་པའི་ངོས་ནས་མཚོ་སྔོན་ཞུའེ་ཀྲི་ལུང་སྐྱེ་དངོས་ཚན་རྩལ་ཚད་ཡོད་ཀུང་སི་ལོ་གསུམ་རིང་འཕེལ་རྒྱས་བཏང་བ་བརྒྱུད་གླིང་ཁུལ་གྱི་འཕེལ་རྒྱས་ཀྱི་མི་མངོན་པའི་སྟོབས་ཤུགས་ཆེན་པོ་ལྡན་པའི་ཁེ་ལས་ཀྱི་གྲས་ཤིག་ཏུ་གྱུར་ཡོད།
“ཀུང་སི་གླིང་ཁུལ་དུ་བཅའ་སྡོད་བྱེད་སྐབས་ལོ་གསུམ་རིང་བོགས་མར་གཏོང་མི་དགོས་པ་དང་ཐོན་སྐྱེད་བྱེད་འགོ་ཚུགས་རྗེས་ཐེངས་གཅིག་ལ་ཁ་གསབ་མ་དངུལ་སྒོར་ཁྲི་5སྤྲོད་པ་སོགས་ཀྱི་གཟིགས་སྐྱོང་སྲིད་ཇུས་ལོངས་སྤྱོད་བྱ་རྒྱུ་ཡོད་པ་དང་།སྲིད་གཞུང་གི་རོགས་སྐྱོར་ལ་བརྟེན་ནས་ཀུང་སིས་ད་བར་སླེབས་ཚེ་གྲུབ་འབྲས་ཆུང་ངུ་ཐོབ་ཡོད”ཅེས་ལས་སྒོའི་གཙོ་གཉེར་བ་ཆི་ཅེ་ལན་གྱིས་བཤད།
སྲིད་གཞུང་གི་རོགས་སྐྱོར་ལོངས་སུ་སྤྱོད་མཁན་ཁེ་ལས་མཚོ་སྔོན་ཞུའེ་ཀྲི་ལུང་སྐྱེ་དངོས་ཚན་རྩལ་ཚད་ཡོད་ཀུང་སི་གཅིག་པུ་མིན།གླིང་ཁུལ་བསྐྲུན་ཚུན་རིམ་རྩིས་བྱས་ན་བཅའ་སྡོད་བྱེད་མཁན་ཁེ་ལས་20ལྷག་ཙམ་ལ་ཚད་ལྡན་ཅན་གྱི་བཟོ་ཁང་གི་བོགས་དངུལ་སྒོར་ཁྲི་700ཆག་ཡང་བཏང་ཡོད།
རྒྱང་སྐྱོད་ཀྱི་ལམ་བུ་གསར་པར་བསྐྱོད་དེ་བློ་མཐུན་ཞི་ཅིན་ཕིང་གིས་སྲོག་ཤིང་གནང་བའི་ཏང་ཀྲུང་དབྱང་གི་འགྱུར་མེད་སྟོབས་ལྡན་གྱི་འགོ་ཁྲིད་འོག་སྒྱུར་བཅོས་སྒོ་དབྱེ་མཐར་ཕྱིན་པ་བྱས་ནས་མི་དམངས་ཀྱིས་མཛེས་སྡུག་ལྡན་པའི་འཚོ་བར་བཅངས་པའི་རེ་སྨོན་རྒྱུན་ཆད་མེད་པར་མངོན་འགྱུར་བྱས་ཏེ་ཀྲུང་གོའི་རྣམ་པའི་དེང་རབས་ཅན་གྱི་མཚོ་སྔོན་གྱི་ལེའུ་གསར་པ་ཧུར་ཐག་རྩོམ་ཆེད་ལེགས་སྐྱེས་གསར་པ་དེ་བས་ཆེ་བ་འབུལ་རྒྱུའི་ཡིད་ཆེས་ཡོད།
རྩོམ་སྒྲིག་པ། ལྷ་ཆེན་རྒྱལ།
