[ཆུ་གསུམ་མགོ་ཁུངས། ང་ཚོའི་རྒྱལ་ཁབ་སྤྱི་གླིང་། ]ཟླ་གཅིག་ལ་ཁ་བྲལ་ཡང་། “ཕ་མ”ཡི་ངོ་ཟིན།

མཚོ་སྔོན་གསར་འགྱུར་དྲ་བའི་འཕྲིན། ཆུ་ཆེན་གྱི་མགོ་ཁུངས།  སེམས་ཅན་གྱི་དག་ཞིང་།  2021ལོའི་ཟླ10ཚེས12ཉིན། ཀྲུང་གོས་རྨ་འབྲི་རྫ་གསུམ་འབྱུང་ཡུལ་དང་། དོམ་ཁྲ།  ཤར་བྱང་གི་སྟག་གཟིག  ཧའེ་ནན་གྱི་ཚ་ཁུལ་ནགས་ཚལ།  ཝུའུ་དབྱི་རི་བོ་སོགས་རྒྱལ་ཁབ་སྤྱི་གླིང་སྐོར་ཁག་དང་པོ་དངོས་སུ་བཙུགས།  དེ་ལས་རྨ་འབྲི་རྫ་གསུམ་འབྱུང་ཡུལ་རྒྱལ་ཁབ་སྤྱི་གླིང་ནི་སྐོར་ཁག་དང་པོ།  ཨང་རིམ་དང་པོ་ན་ཡོད་པའི་ས་རྒྱ་ཧ་ཅང་ཆེ་ཞིང་། མཚོ་འཕགས་ཆེས་མཐོ་བའི་རྒྱལ་ཁབ་སྤྱི་གླིང་ཡིན་ཞིང་།  འབྲི་ཆུ་དང་རྨ་ཆུ། རྫ་ཆུ་གསུམ་གྱི་མགོ་ཁུངས་ཧྲིལ་བོ་སྟེ་སྲུང་སྐྱོབ་རྒྱ་ཁྱོན་སྤྱི་ལེ་གྲུ་བཞི་མ་ཁྲི19.07ལ་བསླེབས།  རྨ་འབྲི་རྫ་གསུམ་འབྱུང་ཡུལ་རྒྱལ་ཁབ་སྤྱི་གླིང་དངོས་སུ་བཙུགས་ནས་ལོ་ལྔ་འཁོར་བའི་དུས་འདིར།  མཚོ་སྔོན་ཉིན་རེའི་ཚགས་པར་ཁང་གིས“ཆུ་མགོའི་སྐྱེ་ཁམས”མཉམ་འདྲེས་སྨྱན་སྦྱོར་ཁང་གི་གསར་འགོད་པ་རྩྭ་ཐང་གི་ཟབ་ས་དང་ལྟ་སྐྱོང་ས་ཚིགས། འབྲོག་པའི་ཁྱིམ་ཚང་བཅས་སུ་བསྐྱོད་དེ།  རི་སྐྱེས་སྲོག་ཆགས་ལོག་ཕེབས་དང་། ཆུ་དང་མཚོ་མོ་རྩི་ཤིང་སོགས་སྐྱེ་དངོས་སླར་གསོ་ཡི་ལྗོངས་རིས་ཟིན་ཐོར་བཀོད་ཅིང་།  ལྟ་སྐྱོང་བ་དང་འབྲོག་པ་མང་ཚོགས་ཀྱིས་ཁྱིམ་གཞིས་སྲུང་སྐྱོབ་བྱས་པའི་གཏམ་རྒྱུད་བརྗོད་དེ།  མི་བུ་དཀྱུས་མ་ཞིག་ལས་དུས་རབས་ཆེན་པོ་ཞིག་སྟོན་པ་དང་། གཏམ་རྒྱུད་ཆུང་ཆུང་ཞིག་ལས་འཕོ་འགྱུར་ཆེན་པོ་ཞིག་མངོན་ཆེད། 《ཆུ་གསུམ་མགོ་ཁུངས། ང་ཚོའི་རྒྱལ་ཁབ་སྤྱི་གླིང་། 》ཞེས་པའི་ཆེད་སྒྲིག་ཅིག་འདོན་འཆར་ཡོད་པས།  ཀུན་གྱིས་དོ་སྣང་བྱེད་རོགས།

ཟླ་བ་གཅིག་རིང་ལ་ངལ་གསོས་པའི་ལོ་ན23ལ་སོན་པའི་ལྟ་སྐྱོང་བ་པདྨ་མ་དབང་གྲགས་ཨ་ཆེན་གངས་རྒྱབ་བསོད་ནམས་དར་རྒྱས་སྲུང་སྐྱོབ་ས་ཚིགས་སུ་ལོག་རྗེས། ཤེལ་གྱི་འཇིབ་རུ་དཀྲུ་བ་དང་། འོ་མ་སྲོ་བ། གཙོད་ཕྲུག་ལ་འོ་མ་ལྡུད་པ་སོགས་ཟླ་ཕྱེད་རིང་གི་ལྟ་སྐྱོང་ལས་ཀའི་མགོ་བརྩམས།  ཁོས་སེམས་ཁུར་བྱེད་ས་དེ་ནི་སྔར་བཞིན་ད་ལོར་གཙོད་གནས་མཚོར་བསྐྱབས་པའི་གཙོད་ཕྲུག་དྲུག་པོ་དེ་ཡིན།

ཟླ9ཚེས8ཉིན།  པདྨ་དབང་གྲགས་ཀྱིས་སེམས་ལ་གང་འདྲ་ཅི་འདྲ་དྲན་ཞོར་དུ་འཇིབ་རུར་འོ་མ་བཀང་བླུགས་ཏེ་སྲུང་སྐྱོབ་ས་ཚིགས་ལྟག་རྒྱབ་ན་ཡོད་པའི་རོགས་སྐྱོབ་ས་ཚིགས་སུ་བསྐྱོད།  ཁོས་ལྕགས་རའི་སྒོ་ཕྱེས་མ་ཐག ཟླ་གསུམ་ཡང་འགོར་མེད་པའི་གཙོད་ཕྲུག་དྲུག་པོ་ཁོས་ཕྱོགས་སུ་རྒྱུགས་འོང་ཞིང་མཐའ་བསྐོར་ནས་སྙིང་ཉེ་བའི་ཉམས་འགྱུར་སྣ་ཚོགས་སྟོན་བྱུང་།

ཟླ་བ་གཅིག་རིང་ལ་ཁ་བྲལ་བའི་གཙོད་ཕྲུག་དེ་དག་གིས་ཁོ་ཚོར་གཉོར་སྐྱོང་བྱེད་མཁན་གྱི“ཕ་མ”འདི་བརྗེད་མི་འདུག 

པདྨ་དབང་གྲགས་ཀྱིས“ཁོ་ཚོ་ལག་ཡག་པོ་ཆགས་འདུག”ཟེར་ཞོར་དེ་ཚོ་གནམ་ལྡིང་ས་ལྡིང་བྱེད་བཞིན་མཐོང་འཕྲལ་སེམས་ལ་དྲོད་ཀྱིས་ཁེངས། ཁོ་མར་བཙོག་ཏེ་འཇིབ་རུ་ཕར་ལ་བསྲིངས་ནས་ནུ་མ་ལྡུད་པ་དང་། མཐོ་སྒང་གི་སེམས་ཅན་འདི་དང་མཉམ་དུ་སྡོད་པའི་བདེ་སྐྱིད་ཀྱི་དུས་ཚོད་འདི་ལོངས་སུ་སྤྱད་བྱུང་།

ལོ་རེའི་ཟླ5བ་ནས་ཟླ8པའི་བར་ནི།  གཙོད་མའི་གཙོད་ཕྲུག་བཙའ་བའི་གནད་འགག་གི་དུས་ཤིག་ཡིན།  ཨ་ཆེན་གངས་རྒྱབ་ལྟེ་ཁུལ་གྱི་གནམ་གཤིས་འགྱུར་ལྡོག་ཆེ་ལ།  ཁོར་ཡུག་ཧ་ཅང་རྙོག་འཛིང་ཆེ་བས།  བཙས་མ་ཐག་པའི་གཙོད་ཕྲུག་གི་གཙོ་གནས་ལ་ཉེན་ཁ་སྣ་ཚོགས་འཕྲད་ཀྱི་ཡོད། དེ་བས་རྨ་འབྲི་རྫ་གསུམ་འབྱུང་ཡུལ་རྒྱལ་ཁབ་སྤྱི་གླིང་ཨ་ཆེན་གངས་རྒྱབ་དོ་དམ་ཁྲུའུ་ཡིས་སྲུང་སྐྱོབ་ས་ཚིགས་སོ་སོ་ནས་ལས་ཀ་བ་རེ་འདེམས་ནས་གཙོད་གནས་མཚོ་རུ་བཅའ་སྡོད་བྱས་ཏེ།  གཙོད་ཕྲུག་གི་གནས་ཚུལ་ལ་ལྟ་རྟོག་དང་ཚད་ལེན། ལྗོངས་ཕྱིའི་སྐོར་ཞིབ་དང་གཙོ་ཕྲུག་སྐྱོབ་རོགས་སོགས་ཀྱི་ལས་ཀ་སྤེལ།

ད་ལོར་པདྨ་དབང་གྲགས་དཔུང་སྡེ་དེའི་ཁོངས་མི་ཞིག་ཏུ་གྱུར།

ཟླ5བའི་ཚེས29ཉིན། པདྨ་དབང་གྲགས་དང་ལས་གྲོགས་དྲུག་པོ་གཙོད་གནས་མཚོར་བཅའ་སྡོད་བྱས་ནས་ཟླ་བ་གཉིས་ལྷག་རིང་འགོར་ཞིང་། ཟླ8པའི་ཟླ3པའི་ཉིན་ལ་ཕྱིར་སྲུང་སྐྱོབ་ས་ཚིགས་སུ་ལོག དེའི་རིང་དུ་དཔུང་སྡེ་དེས་ཉིན་རེའི་ཞོགས་པའི་ཆུ་ཚོད8སྟེང་དུ་ལྗོངས་ཕྱིར་སྐོར་ཞིབ་ཏུ་བསྐྱོད་དགོས་པ་དང་། ལམ་ཧྲིལ་བོར་གཙོད་ཕྲུག་བཙའ་བའི་གནས་སྟངས་ལ་ལྟ་རྟོག་དང་།  ལྗོངས་ཕྱིའི་ཉེན་ཁར་ཞིབ་བཤེར་ཞིབ་མོ་བྱས།  གཙོ་བོ་རྗེས་སུ་བསྐྱུར་བ་དང་།  རྨས་ཕོག་པའི་གཙོད་ཕྲུག་འཚོལ་བཤེར་དང་སྲོག་ཉེན་ལས་སྐྱོབ་པའི་ལས་ཀ་བསྒྲུབས་པ་མ་གཏོགས།  གཙོད་མ་དང་གཙོད་ཕྲུག་སྤྱིའི་འགྲོ་འདུག་བར་ཆད་མི་བཟོ་བར་གཙོད་ཀྱི་རང་བྱུང་སྐྱེ་འཕེལ་གྱི་ཆོས་ཉིད་ལ་བརྩི་སྲུང་བྱས།

ད་ལོར་ང་ཚོས་བསྡོམས་པའི་གཙོད་ཕྲུག6བསྐྱབས་ཡོད། གཙོད་ཕྲུག་དང་པོ་དེ་ཟླ6པའི་ཚེས15ཉིན་སྐོར་ཞིབ་བྱེད་སྐབས་རྙེད་པ་ཡིན་ཞེས་ཉེན་སྐྱོབ་ཀྱི་བརྒྱུད་རིམ་རེ་རེ་སེམས་ན་ལྷང་ངེར་གསལ།  ཉེན་ཁ་ལ་བསྐྱབས་པའི་གཙོད་ཕྲུག་ལ་ལ་ཞིག་ནི་གཙོད་མ་སྤྱང་ཀིས་བསད་པ་དང་། ལ་ལ་ཞིག་ནི་གཙོད་མའི་མ་བླངས་པའི་གཙོད་ཕྲུག་རེད། དེ་མིན་ལ་ལ་ཞིག་གཙོ་ཁྱུ་ཕྱིར་ལོག་པའི་ལམ་དུ་གཙོད་ཁྱུ་དང་ཁ་འཁྱམ་པ་དང་། རྨས་ཕོག་ནས་རྗེས་སུ་ལུས་པའི་གཙོད་ཕྲུག་རེད། དེ་དག་ལ་ད་ལྟ་ལྟ་སྐྱོང་བ་བདུན་གྱིས་རེས་མོས་བདག་སྐྱོང་བྱེད་བཞིན་ཡོད།

གཙོད་ཕྲུག་དེ་བཙས་ནས་མི་རིང་བར་ཉིན་རེར་འོ་མ་ཐེངས་བཞི་ལ་ལྡུད་དགོས་པས་རྟག་དུ་ང་ཚོའི་རྗེས་དེད་དེ་འོང་ཞེས་པདྨ་དབང་གྲགས་ཀྱིས་ཟེར། བཙས་མ་ཐག་པའི་གཙོད་ཕྲུག་མི་ལ་ལོབས་སླ་ཞིང་།  ཐེངས་གཅིག་གཉིས་ཞིག་ལ་འོ་མ་བླུད་རྗེས་དྲི་མ་སྣོམ་ནས་ངོ་ཤེས་ཀྱི་ཡོད།

དེ་ལྟ་བུའི་ཉེ་ཞེན་གྱིས་པདྨ་དབང་གྲགས་ཀྱི་སྤྲོ་སྣང་ཡལ་བའི་འཚོ་བ་ལ་དགའ་བ་དང་དུང་བ་ལྷག་མ་ཞིག་སྦྱིན། གཙོད་ཕྲུག6པོའི་ཁྲོད་དུ།  གཙོད་ཕྲུག་ཨང་རྟགས་གསུམ་པ་ཡིས་པདྨ་དབང་གྲགས་ལ་བག་ཆགས་ཟབ་མོ་བཞག་འདུག  གཙོད་ཕྲུག་འདི་ངས་རྙེད་དུས་ལག་སུག་ཆག་ཡོད་ཅིང་རྨས་སྐྱོན་ཧ་ཅང་ཚབས་ཆེན་རེད།  རང་ཉིད་ཆུང་དུས་ནས་འབྲོག་ཁུལ་ནས་མཚར་ལོངས་བྱུང་བའི་དབང་གིས་ནོར་ལུག་གི་རྨས་བཅོས་ཐབས་ཀྱི་ཉམས་མྱོང་ལ་བརྟེན་ནས་གཙོད་ཕྲུག་ལ་སྨན་བཅོས་བྱས་པ་མ་ཟད། ཉིན་རྒྱུན་དེ་ལ་བདག་སྐྱོང་བྱེད་པའི་འགན་འཁུར།

ཁོས་བཤད་རྒྱུར།  ལོ་དུ་མར་ལས་གནས་དང་པོར་སྲུང་སྐྱོབ་ཀྱི་ལས་བསྒྲུབས་པའི་དབང་གིས། ལྟ་སྐྱོང་དཔུང་སྡེས་ཉེན་སྐྱོབ་ཀྱི་ཉམས་མྱོང་ཕུན་སུམ་ཚོགས་པ་ཞིག་བསགས་འདུག  རི་ཁུལ་དུ་བསྐྱོད་ཐེངས་རེར་ཁོ་ཚོས་དངོས་ཟོང་དང་སྨན་རྫས་གྲ་སྒྲིག་བྱེད་སྐབས།  གཙོད་ཕྲུག་གི་ཆམ་སྨན་དང་ཕོ་བའི་སྨན་སོགས་གྲ་སྒྲིག་བྱེད་པར་མ་ཟད།  རྐང་སུག་ལག་སུག་ཆག་སྐྱོན་ཐད་སྤྱད་བྱའི་སྨན་དང་དཀྲི་བྱེད་སོགས་ཀྱང་གྲ་སྒྲིག་བྱེད་དགོས།  དེ་དང་ཆབས་ཅིག  གཙོད་ཕྲུག་གིས་མིའི་རིགས་ལ་བརྟེན་དྲགས་ན་རྗེས་མ་རང་བྱུང་ཁམས་ལ་ལོབས་དཀའ་བར་བསམ་སྟེ། གཙོད་ཕྲུག་ལ་མིང་མི་འདོགས་པར་ཨང་རྟགས་བརྒྱབ་ནས་སོ་སོའི་དབྱེ་བ་འབྱེད་པ་བཅས་ཚན་རིག་དང་མཐུན་པའི་སྒོ་ནས་ལྟ་སྐྱོང་ལས་ཀ་སྤེལ།

གཙོད་གནས་མཚོར་ཟླ་བ་གཉིས་ལྷག་ལ་བསྡད་པའི་རིང་དུ།  པདྨ་དབང་གྲགས་ཀྱིས་གཙོད་ཁྱུའི་སྐྱེ་འཕེལ་གྱི་གོ་རིམ་ཡོངས་མིག་མཐོང་ལག་ཟིན་ཏུ་གྱུར།  ང་རང་སོ་མ་དེར་བསྐྱོད་སྐབས་ལམ་ཧྲིལ་བོར་ཁ་བས་གཡོགས་འདུག  ཡིན་ན་ཡང་དེ་དུས་གཙོད་ཁྱུ་སྐོར་ཞིག་གཙོད་གནས་མཚོར་འབྱོར་ནས་གཙོད་ཕྲུག་བཙའ་བ་སྒུག་ནས་ཡོད།  ད་ལོར་སྔ་རྗེས་སུ་གཙོད་ཁྲི་ལྔ་ནས་དྲུག་གཙོད་གནས་མཚོར་འདུས་ཤིང་།  མཚོ་མཐའ་བསྐོར་བའི་གཙོད་ཁྱུས་ང་ལ་ཧ་ལས་སུ་བཅུག་བྱུང་ཟེར།  ཨ་ཆེན་གངས་རྒྱབ་ཀྱི་གནམ་གཤིས་འགྱུར་ལྡོག་ཧ་ཅང་ཆེ་ལ། ཡ་ང་ན་ཡང་ཚེ་སྲོག་གི་རྒྱུན་སྐྱོང་བའི་སྟོབས་ཤུགས་ཅིས་ཀྱང་འགོག་ཐབས་མི་འདུག   གཙོད་ཕྲུག་རེ་རེ་གཅིག་རྗེས་གཉིས་འཕྲོར་བཙས་ནས་ཅུང་མི་འགོར་བར་གཙོད་ཕྲུག་གྱ་གྱུར་ཡར་ལངས་ཤིང་གོམ་པ་བརྒྱབ་ནས་གཙོད་མའི་རྗེས་སུ་འབྲངས།  ཉིན་བཅུའི་རྗེས་སུ། ལག་ཆགས་པའི་གཙོད་ཕྲུག་ལ་ལ་ཞིག་གཙོད་ཁྱུ་དང་འགྲོགས་ནས་ཕྱིར་ལོག་གི་འགྲུལ་བཞུད་རིང་མོའི་ལམ་དུ་ཞུགས་འགྲོ།

དེ་ལྟར་གཙོད་མ་ཁྲི་ཕྲག་གིས་གཙོད་ཕྲུག་བཙས་རྗེས་ཕྱིར་ལོག་པའི་ཚུལ་འདི་མཐོང་ན། གཙོད་མ་ནི་དངོས་ནས་རླབས་ཆེན་ཞིག་རེད་སྙམ་པའི་སེམས་ཚོར་ཆེན་པོ་ཞིག་སྐྱེས་འོང་།

ད་ལོ་ནི་པདྨ་དབང་གྲགས་གཙོད་སྲུང་སྐྱོབ་ཀྱི་ལས་འདི་གཉེར་བའི་ལོ་ལྔ་བ་རེད། ལོ་ལྔ་ཡི་དུས་ཚོད་ནང་དུ་ཁོས་ལས་གནས་དེ་གཙོད་དང་ཐག་ཇེ་ཉེ་ནས་ཇེ་ཉེར་རེད།

ལས་དེ་མ་གཉེར་གོང་གི་ལོ་གསུམ་གྱི་ནང་དུ། པདྨ་དབང་གྲགས་ཝུའུ་ཏའོ་ལིང་སྲུང་སྐྱོབ་ས་ཚིགས་སུ་གཙོད་གནས་སྤོ་བྱེད་སའི་བགྲོད་ལམ་ལ་ལྟ་རྟོག་སོགས་ཀྱི་ལས་ཀ་བསྒྲུབས། ལོ་རེའི་ཟླ4བའི་ཚེས15ཉིན་གྱི་སྔ་རྗེས་སུ་གཙོད་ཁྱུ་འབོར་ཆེན་གནས་སྤོ་བའི་དུས་ཡིན་པས། ཁོ་དང་ལས་གྲོགས་ཀྱིས་ལས་གནས་བརྟན་སྲུང་དང་སྐྱོད་ལམ་ཤར་བགྲོད་སོགས་ལ་འགན་སྲུང་བྱས་ནས་གཙོད་ཁྱུའི་འགྲོ་སྐྱོད་དང་རླངས་འཁོར་གྱི་འགྲོ་འོང་ལ་ཁྲིད་སྟོན་ཡག་པོ་བྱས།

ན་ནིང་། པདྨ་དབང་གྲགས་བསོད་ནམས་དར་རྒྱས་སྲུང་སྐྱོབ་ས་ཚིགས་སུ་ལས་བགོས་བྱས།  དེ་ནི་ཨ་ཆེན་གངས་རྒྱབ་ཀྱི་རི་སྐྱེས་སྲོག་ཆགས་སྲུང་སྐྱོབ་ལྟེ་གནས་གཅིག་པུ་ཡིན་ལ།  རྨས་སྐྱོན་ཕོག་པ་དང་རང་དུ་བསྐྱུར་བའི་བདག་མེད་གཙོད་ཕྲུག་གི“ཉེན་གཡོལ་བྱེད་ས”ཞིག་ཡིན།   ཉེན་ཁ་ལས་བསྐྱབས་པའི་གཙོད་ཕྲུག་རྣམས་ལ་གནས་འདི་ནས་ཉུང་མཐའ་ཡང་ལོ་གསུམ་ལ་ཆེད་ལས་བདག་སྐྱོང་བྱེད་དགོས་ཤིང་།  རིམ་བཞིན་རི་ཐང་གི་འཚོ་གནས་ལ་ལོབས་སུ་བཅུག་རྗེས་ད་གཟོད་རང་བྱུང་ཁམས་ལ་གཏོང་བ་རེད།

ལས་གནས་སྙོམ་སྒྲིག་གིས་པདྨ་དབང་གྲགས་རྒྱང་ལ་གཟིགས་པའི་ལྟ་སྲུང་བ་ཞིག་ནས་ཉེ་བར་བཅར་བའི་བདག་སྐྱོང་བ་ཞིག་ཏུ་གྱུར། ཉིན་རྒྱུན་གཙོད་ཕྲུག་ལ་འོ་མ་ལྡུད་པ་དང་བདག་སྐྱོང་སོགས་བྱེད་དགོས་པས། ལས་ཀ་དེའི་དོན་སྙིང་དང་དྲོད་ཁོལ་དངོས་ཚོར་ཏུ་བཅུག  

ཝུའུ་ཏའོ་ལིང་སྲུང་སྐྱོབ་ས་ཚིགས་ཀྱི་ལྟ་སྲུང་བ་ནས་བསོད་ནམས་དར་རྒྱས་སྲུང་སྐྱོབ་ས་ཚིགས་ཀྱི་ཉེན་སྐྱོབ་བར་དང་། གཙོད་གནས་མཚོ་སྲུང་སྐྱོབ་ས་ཚིགས་ཀྱི་ཚེ་སྲོག་གསར་བ་འཕེལ་བའི་བརྒྱུད་རིམ་ཧྲིལ་བོར་སྲུང་བའི་པདྨ་དབང་གྲགས་ཀྱིས་གཙོད་སྲུང་སྐྱོབ་ཀྱི་ལས་ཀ་མི་འདྲ་བ་རེ་རེ་ལ་ཉམས་སུ་མྱོང་།  ཁོས་འདི་སྐད། ང་ནི་མི་ལས་ཅན་ཞིག་རེད།  ཡིན་ན་ཡང་ལས་བཟང་བོ་འདི་ཨ་ཆེན་གངས་རྒྱབ་ཀྱི་ལྟ་སྲུང་བ་རེ་རེ་ཡི་དུས་རྟག་ཏུ་བརྟན་སྲུང་བྱེད་པའི་ཆེས་སྤྱིར་བཏང་གི་ལས་ཀ་དེ་ཡིན་ཟེར།

དེ་ལྟར་བཤད་དུས་ལས་གྲོགས་ཀྱིས་འོ་མ་གཙོད་ཕྲུག་གི་གམ་དུ་འཁྱེར་ཞིང་། པདྨ་དབང་གྲགས་ཀྱི་ལག་གི་མཇིབ་རུ་ཚུར་བླངས་ཏེ།  གཙོད་ཕྲུག་ལ་ཉིན་དེའི་ཆེས་མཐའ་མཇུག་གི་འོ་མ་ལྡུད་བྱུང་།