མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཛ་དྲག་གི་འགོག་སྲུང་རྣམ་པ།
ཟླ9བའི་ཚེས19ཉིན། མཚོ་སྔོན་ཞིང་ཆེན་རོང་འབྲོག་མང་ཚོགས་ཀྱི་སྐྱེས་པའི་སླེ་གྲུག་འགྲན་སྡུར་སྐབས་ཉེར་གཉིས་པ་ཟི་ལིང་གྲོང་ཁྱེར་མཁར་ནུབ་ཁུལ་དམངས་ཡོངས་ལུས་སྦྱོང་ལྟེ་གནས་སུ་སྤེལ་འགོ་བརྩམས། མཚོ་ལྷོ་བོད་རིགས་རང་སྐྱོང་ཁུལ་དང་མགོ་ལོག་བོད་རིགས་རང་སྐྱོང་ཁུལ་གཉིས་ཀྱིས་འགོ་རྩོམ་འགྲན་སྡུར་བྱས།
ཐེངས་འདིའི་འགྲན་སྡུར་དུ“ཞིང་ཕྱུགས་འཕེལ་བའི་དགའ་སྟོན། ཉམས་དགའི་སླེ་གྲུག་དགྱེས་འཛོམས”ཞེས་པ་བརྗོད་དོན་བྱས་ཏེ། མཚོ་སྔོན་ཞིང་ཆེན་ལུས་རྩལ་ཅུས་དང་མཚོ་སྔོན་ཞིང་ཆེན་ཞིང་ལས་ཞིང་སྡེ་ཐིན་གཉིས་ཀྱིས་གཙོ་སྒྲུབ་བྱས་ཤིང་། ཁྱོན་སྡོམ་ཞིང་ཆེན་ཡོངས་ཀྱི་ཁུལ་དང་རྫོང་སོ་སོ་ནས་འོང་བའི་འཐུས་ཚབ་རུ་ཁག10དང་རོང་འབྲོག་ལུས་རྩལ་པ120ཞུགས་ཡོད་ལ། ཉིན་ལྔའི་རིང་གི་འགྲན་རིམ་ཁྲོད་ཛ་དྲག་གི་འགྲན་སྡུར་ཐེངས31སྤེལ་བ་རེད། ཐེངས་འདིའི་འགྲན་སྡུར་ནི་ཚོ་ཆུང་དགར་བ་དང་སྣོལ་སྡེབ་འགྲན་སྡུར་གྱི་རིམ་པ་གཉིས་བཀོད་སྒྲིག་བྱས་ཏེ། ཚོ་ཆུང་འགྲན་སྡུར་ལས་རུ་ཁག8རིམ་འཕར་བྱེད་པ་དང་། སྣོལ་སྡེབ་འགྲན་སྡུར་ཁྲོད་རུ་ཁག་དྲུག་འདམས་ཐོན་བྱས་པ་རེད། འགྲན་སྡུར་གྱི་དུས་སྐབས་ནི2026ལོའི་ཀྲུང་གོའི་རོང་འབྲོག་མང་ཚོགས་ཀྱི་ལོ་ལེགས་དུས་སྟོན་དང་ཁེལ་ཡོད་པས། ལུས་རྩལ་པ་ཚོས་སླེ་གྲུག་ལ་བརྟེན་ནས་ལོ་ལེགས་བྱུང་བར་རྟེན་འབྲེལ་དང་ངལ་རྩོལ་ལ་གུས་འདུད་ཞུས་ཏེ། དུས་རབས་གསར་བའི་རོང་འབྲོག་མང་ཚོགས་ཀྱི་ཉམས་འགྱུར་གསར་བ་དང་ལུས་རྩལ་ལུས་སྦྱོང་གི་རྣམ་པ་གསར་བ་མངོན་ནས། དགའ་སྤྲོའི་དཔལ་གྱི་ཁེངས་པའི་དུས་ཆེན་གྱི་རྣམ་པ་ལེགས་པོ་ཞིག་བསྐྲུན།
མཚོ་སྔོན་ཞིང་ཆེན་རོང་འབྲོག་མང་ཚོགས་ཀྱི་སྐྱེས་པའི་སླེ་གྲུག་འགྲན་སྡུར་ནི་ཞིང་ཆེན་ཡོངས་ཀྱི་རོང་འབྲོག་མང་ཚོགས་ཀྱིས་དོ་སྣང་ཆེན་པོ་བྱེད་པ་དང་ཞུགས་ཚད་རྒྱ་ཆེ་བའི་མང་ཚོགས་རང་བཞིན་གྱི་ལུས་རྩལ་ཞིག་ཡིན། འགྲན་སྡུར་འདི་ཉིད་ཞིང་ཆེན་ཡོངས་ཀྱི་ཁུལ་དང་གྲོང་ཁྱེར་སོ་སོར་ཁྱབ་ཡོད་ལ། ཁྱོན་སྡོམ་རོང་འབྲོག་མང་ཚོགས་འབུམ་ལྷག་སླེ་གྲུག་འགྲན་སྡུར་དུ་ཞུགས་ཡོད་པ་དང་། རོང་འབྲོག་ས་ཁུལ་གྱི་སླེ་གྲུག་ལུས་རྩལ་པ་སྐོར་ཞིག་གསོ་སྐྱོང་བྱས་ཏེ། མཚོ་སྔོན་གྱི་རོང་འབྲོག་ས་ཁུལ་དུ་ཚད་མཐོ་བའི་སླེ་གྲུག་རིག་གནས་གྲུབ་པར་བྱས།
འགྲན་སྡུར་འདི་ཉིད་བསྟུན་མུར་སྤེལ་བ་ནི་མཚོ་སྔོན་གྱིས་དམངས་ཡོངས་ལུས་སྦྱོང་གི་རྒྱལ་ཁབ་ཐབས་ཇུས་དོན་འཁྱོལ་དང་། མཐོ་སྒང་གི་ལུས་རྩལ་སྟོབས་ལྡན་ཞིང་ཆེན་འཛུགས་སྐྲུན་ལ་སྐུལ་འདེད་གཏོང་བའི་ཞིབ་ཕྲའི་བྱེད་ཐབས་ཤིག་ཡིན་ལ། གྲོང་གསེབ་དར་སྤེལ་གྱི་ཐབས་ཇུས་དོན་འཁྱོལ་བྱེད་པ་དང་། རོང་འབྲོག་མང་ཚོགས་ཀྱི་ལུས་རྩལ་བྱ་གཞག་སྤུས་ཚད་མཐོ་བའི་སྒོ་ནས་འཕེལ་རྒྱས་འགྲོ་བར་སྐུལ་འདེད་གཏོང་བའི་དངོས་ཕན་གྱི་ལས་འགུལ་ཞིག་ཀྱང་ཡིན།
