གངས་ལྗོངས་ཀྱི་ལྟེ་བ་བརྒལ་བའི“མཁའ་ལམ” རིང་མོ།

ཡོང་ཁུངས། མཚོ་སྔོན་ཞིང་ཆེན་སྲིད་གཞུང་དྲ་བ། སྤེལ་དུས། 2026-06-12

མཚོ་བོད་ལྕགས་ལམ་བརྒྱུད་དེ“མཁའ་ལམ”གྱི་ངོ་མཚར་གཏམ་རྒྱུད་ལ་གཟིགས་པ།

མཚོ་བོད་ལྕགས་ལམ་ནི་ཟི་ལིང་ནས་མགོ་བརྩམས་ཏེ་ན་གོར་མོ་བརྒྱུད་ཐད་ཀར་ལྷ་སར་ཐོན་ཐུབ།

ལམ་ཐག་ལ་སྤྱི་ལེ1956ཡོད་ཅིང་། ལམ་བར་དུ་ཁུ་ནུ་རི་རྒྱུད་དང་གངས་ལྗོངས་ཀྱི་མཐོ་སྒང་བརྒལ་ནས་བགྲོད་དགོས།

དེ་ནི་འགྲན་སློང་གིས་ཁེངས་པའི་ལམ་བུ་ཞིག་ཡིན་ལ། རང་བྱུང་གི་ངོ་མཚར་བའི་ལམ་བུ་ཞིག སྐྱེ་ཁམས་སྲུང་སྐྱོང་གི་ལམ་བུ་ཞིག འཕེལ་རྒྱས་ཡར་ཐོན་གྱི་ལམ་བུ་ཞིག མཐུན་སྒྲིལ་འཕེལ་རྒྱས་ཀྱི་ལམ་བུ་ཞིག་ཡིན།

དེ་མིན་དུས་རབས་ཀྱི་ལམ་བུ་ཞིག་སྟེ། འཛུགས་སྐྲུན་པས་ཆ་སྙོམས་མཚོ་འཕགས་སྨི4500ལྷག་ཡོད་པའི་མཐོ་སྒང་དུ། གྲང་ངར་དང་བུ་ཡུག་རྒོད་ཅིང་། གསོ་རླུང་མི་འདང་བའི་དཀའ་ཁག་ལ་གདོང་གཏད་དེ། དཀའ་སྤྱད་འབད་བརྩོན་གྱི་རྔུལ་ཆུ་དང་བློ་བརྟན་འགྱུར་མེད་ཀྱི་སྙིང་སྟོབས་ཀྱིས་འཛམ་གླིང་སྟེང་མཚོ་འཕགས་ཆེས་མཐོ་བའི་ལྕགས་ལམ་བཏོད་དེ། ཕུགས་འདུན་དང་དངོས་ཡོད་གཉིས་མཐོ་སྒང་དུ་མངོན་འགྱུར་བྱས།

“ཚད་མཐོའི་འགྲན་སློང་། རྩེ་གྲའི་འཛུགས་སྐྲུན”ཞེས་པའི་མཚོ་བོད་ལྕགས་ལམ་གྱི་སྙིང་སྟོབས་ཀྱིས་དུས་རབས་ཀྱི་འོད་སྣང་ཕྱོགས་བཞིར་བསྩལ།

ད་ལོ་ནི་མཚོ་བོད་ལྕགས་ལམ་གྱི་ལམ་ཐིག་ཡོངས་སུ་མེ་འཁོར་ཤར་གཏོང་བྱས་ནས་ལོ་འཁོར20ལོན་པའི་ལོ་ཡིན། ཟླ5ཚེས28ཉིན་ནས་བཟུང་། ཤིན་ཧྭ་གསར་འགྱུར་ཁང་གི་བཅར་འདྲི་ཚན་ཆུང“མཁའ་ལམ”བརྒྱུད་མཐོ་སྒང་གི་དབུས་ཁུལ་བརྒལ་ཏེ། ལོ་ངོ་ཉི་ཤུའི་འཕོ་འགྱུར་གྱི་བཤུལ་ལམ་རིང་མོ་དང་དུས་རབས་གསར་པའི་མཐོ་སྒང་གི་ངོ་མཚར་གཏམ་རྒྱུད་ཟིན་ཐོར་འགོད་ཞོར། ཀྲུང་གོའི་ལུགས་ཀྱི་དེང་རབས་ཅན་གྱི་འཕེལ་རྒྱས་ཉམས་སུ་མྱོང་བ་དང་ཀྲུང་གོའི“མཁའ་ལམ”གྱི་གཏམ་རྒྱུད་བཤད།