སྤྱི་བསྒྲགས་ལས་འབྲི་ཆུའི་ཆུ་སྐྱེས་སྐྱེ་དངོས་ཐོན་ཁུངས་དང་སྣ་མང་རང་བཞིན་སྔར་བས་སླར་གསོ་བྱས་ཡོད་པར་མངོན་པ།

ཞིན་ཧྭ་གསར་འགྱུར་ཁང་གི་གློག་འཕྲིན་ལྟར། ཞིང་ལས་དང་གྲོང་གསེབ་པུའུ་ཡི་འབྲི་ཆུའི་འབབ་རྒྱུད་ཉ་སྲིད་ལྟ་སྐུལ་དོ་དམ་གཞུང་ལས་ཁང་སོགས་ཀྱིས་ཉེ་ཆར་ཁྱབ་བསྒྲགས་བྱས་པའི《འབྲི་ཆུའི་འབབ་རྒྱུད་ཀྱི་ཆུ་སྐྱེས་སྐྱེ་དངོས་ཐོན་ཁུངས་དང་འཚོ་ཡུལ་གནས་ཚུལ་སྤྱི་བསྒྲགས(2025ལོ)》ལས་མངོན་པ་ལྟར་ན། འབྲི་ཆུའི་ཉ་འཛིན་བཀག་སྡོམ་ལོ་བཅུའི་ལམ་ལུགས་ལག་བསྟར་བྱས་པའི་ལོ་ལྔའི་རིང་ལ། ཆུ་སྐྱེས་སྐྱེ་དངོས་ཐོན་ཁུངས་དང་སྣ་མང་རང་བཞིན་སྔར་ལས་སླར་གསོ་བྱུང་ཡོད།

སྤྱི་བསྒྲགས་ལྟར་ན། 2021ལོ་ནས2025ལོའི་བར། འབྲི་ཆུའི་འབབ་རྒྱུད་ཀྱིས་བསྡོམས་པས་ཡུལ་དེ་རང་གི་ཉ་རིགས351ལ་ལྟ་ཞིབ་ཚད་ལེན་བྱས་པ་དང་། རིགས་ཀྱི་གྲངས་འབོར་ཉ་འཛིན་བཀག་སྡོམ་སྔོན(2017ལོ་ནས2020ལོ་བར)དང་བསྡུར་ན་རྒྱུད་རིགས43ཇེ་མང་དུ་ཕྱིན་ཡོད། 2025ལོར་འབྲི་ཆུའི་གཞུང་རྒྱུན་རྩིས་གཞི་རེའི་ཐོན་ཁུངས་གྲངས་འབོར་སྟོང་ཁེ2.4ལ་སླེབས་པ་དང་། 2024ལོ་ལས4.3%འཕར་བ་དང་། 2020ལོའི་ལྡབ2ཡིན། གཙང་བོར་འདྲེས་པའི་མཚེའུ་ཡི་ཚན་པའི་ཐོན་ཁུངས་གྲངས་འབོར་གྱི་ཆ་སྙོམས་རིན་ཐང་སྟོང་ཁེ4.3ལ་སླེབས་པ་དང་། 2024ལོ་ལས30.3%འཕར་ཡོད། ཆུ་ལག་ཚན་པའི་ཐོན་ཁུངས་གྲངས་འབོར་གལ་ཆེན་གྱི་ཆ་སྙོམས་རིན་ཐང་སྟོང་ཁེ2.5ལ་སླེབས་པ་དང་། 2024ལོ་དང་བསྡུར་ན་གཅིག་མཚུངས་ཡིན།

2025ལོར་དཔལ་འབྱོར་ཉ་རིགས་གྱི་རྒྱུད་རིགས47ལ་ལྟ་ཞིབ་ཚད་ལེན་བྱས་ཡོད། འབྲི་ཆུའི་བར་རྒྱུད་ཅན་ལི་བཅད་ངོས་ཀྱི་ཉ་སྒོང་དང་མྱུ་གུའི་ཐོན་ཁུངས་དུང་ཕྱུར94.8ལ་སླེབས་པ་དང་། དེ2024ལོ་ལས13.9%འཕར་བ་དང་། 2020ལོའི་ལྡབ7.1ཡིན་པ་རེད། ཉ་འཛིན་བཀག་སྡོམ་བྱས་ཚུན་འབྲི་ཆུའི་སྟོད་རྒྱུད་དང་། འབྲི་ཆུའི་འགག་གསུམ་ཆུ་མཛོད་ཁུལ། འབྲི་ཆུའི་དབུས་སྨད་རྒྱུད། དེ་བཞིན་གཙང་པོའི་མཚོ་མཚེའུ་བཅས་སུ་ཡང་ཡང་ཐོན་པ་དང་། གྲངས་འབོར་རྒྱུན་མཐུད་ངང་ཇེ་མང་དུ་ཕྱིན་པ་དང་ཁྱབ་ཚུལ་ཁྱབ་ཁོངས་མུ་མཐུད་ཆེ་རུ་ཕྱིན་ཡོད།

སྤྱི་བསྒྲགས་ལས་བསྟན་དོན། གཙོ་གནད་དངོས་རིགས་སྲུང་སྐྱོབ་ཀྱི་ཕན་འབྲས་དང་འགྲན་སློང་མཉམ་དུ་གནས་ཡོད། འབྲི་ཆུའི་ཆུ་ཕག་གི་རིགས་ཁྱུ་གྲངས་འབོར་བརྟན་པོའི་ངང་འཕར་བ་དང་། ཁྲ་ཐིག་ཅན་གྱི་ཁྱབ་ཚུལ་སྔར་ལས་ཞི་ལྷོད་དུ་གྱུར་ཡོད།  །