མཚོ་སྔོན་དུ་སྡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་གྱིས་གྲོས་གཞི་དང་ཚོགས་ཆེན་གྱི་གཏམ་བཤད་གྲ་སྒྲིག་ཞིབ་ཚགས་བྱས།

རྒྱལ་ཡོངས་སྲིད་གྲོས་སྐབས་བཅུ་བཞི་པའི་གྲོས་ཚོགས་ཐེངས་བཞི་པ་འཚོགས་ལ་ཉེ་བའི་སྐབས་ཏེ། ཟླ3པའི་ཚེས3ཉིན། མཚོ་སྔོན་དུ་སྡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་པེ་ཅིང་དུ་འབྱོར་རྗེས། རང་སོ་སོའི་སྡོད་གནས་སུ་གྲོས་གཞི་འཐུས་ཚང་དུ་གཏོང་བ་དང་ཚོགས་ཆེན་སྟེང་གི་གཏམ་བཤད་ལེགས་སྒྲིག་བྱས་ནས་ཚོགས་ཆེན་ཡག་པོར་འཚོག་རྒྱུར་གྲ་སྒྲིག་བྱས། 

ད་ལོའི་རྒྱལ་ཡོངས་ཚོགས་ཆེན་གཉིས་ནི“ལོ་ལྔའི་འཆར་འགོད་བཅོ་ལྔ་པའི”འཆར་འགོད་གཏན་འབེབས་ལག་བསྟར་བྱེད་འགོ་རྩོམ་པ་དང་། ཕྱོགས་ཡོངས་ནས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་འཛུགས་སྐྲུན་བྱེད་པའི་འཐབ་ལམ་གསར་པ་འབྱེད་པའི་གནད་འགག་གི་དུས་སུ་འཚོག་པའི་ཚོགས་འདུ་གལ་ཆེན་ཞིག་ཡིན་ཞིང་དོན་སྙིང་ཆེན་པོ་ལྡན། ཞིང་ཆེན་སྲིད་གྲོས་ཀྱིས་མཚོ་སྔོན་དུ་སྡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་རྒྱལ་ཡོངས་ཚོགས་ཆེན་གཉིས་ཀྱི་བྱ་བར་ཞུགས་པར་ཚད་མཐོའི་མཐོང་ཆེན་བྱས་ནས། མཚོ་སྔོན་དུ་སྡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་གྱིས་འགན་འཁྲི་སྒྲུབ་པའི་བྱ་བའི་བཞུགས་མོལ་ཚོགས་འདུ་དང་ཚོགས་འདུར་མ་ཞུགས་སྔོན་གྱི་བཞུགས་མོལ་ཚོགས་འདུ་བསྡུས་པ་དང་། འབྲེལ་ཡོད་བྱ་བར་དམིགས་ནས་ཨུ་ཡོན་ཚོའི་གྲ་སྒྲིག་གནས་ཚུལ་ལ་ཉན་ཞིང་། ཚོགས་འདུར་ཞུགས་པའི་ཨུ་ཡོན་རྣམས་ཀྱིས་བསམ་བློ་སྔར་ལས་གཅིག་གྱུར་དང་ངོས་འཛིན་གཅིག་མཐུན་བྱེད་པར་སྐུལ་སློང་བྱས་ཏེ། ཡག་ཐོག་ཡག་བརྩེགས་ཀྱིས་གྲོས་གཞི་དང་ཚོགས་ཆེན་གྱི་གཏམ་བཤད་གྲ་སྒྲིག་བྱ་བ་ལེགས་པོར་བསྒྲུབས།  དེ་དང་མཉམ་དུ་ཞབས་ཞུའི་འགན་སྲུང་སྣ་ཚོགས་ཡག་པོར་བསྒྲུབས་ནས། ཨུ་ཡོན་བློ་རྩེ་གཅིག་སྒྲིམ་གྱིས་ཚོགས་འདུར་ཞུགས་པར་ཆ་རྐྱེན་བཟང་པོ་བསྐྲུན།

མཚོ་སྔོན་དུ་སྡོད་པའི་རྒྱལ་ཡོངས་སྲིད་གྲོས་ཀྱི་ཨུ་ཡོན་ཚང་མས་ཐོག་མཐའ་བར་གསུམ་དུ“ལྟེ་བར་དམིགས་པ་དང་ཁྱོན་ཡོངས་ལ་ཞབས་འདེགས་ཞུ་བའི”འགན་འཁྲི་སྒྲུབ་པའི་རྩ་དོན་དམ་འཛིན་ནན་མོ་བྱས་ཏེ། “མཚོ་སྔོན་ལ་རྒྱུས་ལོན་བྱེད་པ་དང་མཚོ་སྔོན་ལ་དགའ་བ། མཚོ་སྔོན་དར་རྒྱས་གཏོང་བ་བཅས་ཀྱི་འགན་འཁྲི་ལ་བརྟེན་ནས། ལས་སྒྲུབ་གསར་གཏོད་བྱེད་སྟངས་དང་འགན་འཁྲི་སྒྲུབ་པའི་སྤུས་ཚད་དང་ཕན་ནུས་ཆེ་རུ་བཏང་ལ། སྐྱེ་ཁམས་སྲུང་སྐྱོབ་དང་། ཐོན་ལས་རིམ་སྤོར། དམངས་འཚོ་འགན་སྲུང་སོགས་འགག་རྩའི་མངའ་ཁོངས་ལ་དམིགས་ནས་བརྟག་དཔྱད་ཞིབ་འཇུག་གཏིང་ཟབ་བྱས་པ་དང་།     ཡོངས་ཁྱབ་ཀྱིས་ཕྱོགས་སོ་སོའི་བསམ་འཆར་ལ་ཉན་པ་དང་། གྲོས་གཞིའི་ནང་དོན་རྒྱལ་ཁབ་ཀྱི་འཐབ་ཇུས་དང་མཚོ་སྔོན་འཕེལ་རྒྱས་ཀྱི་དོན་དངོས་དང་དམ་པོར་སྦྲེལ་ཏེ།  གྲོས་གཞི་དང་གཏམ་བཤད་ལ་སྔར་ལས་དམིགས་སའི་རང་བཞིན་དང་རྒྱང་ལྟ་རང་བཞིན། བཀོལ་སྤྱོད་རང་བཞིན་ལྡན་པར་འབད་བརྩོན་བྱས། ཨུ་ཡོན་རྣམས་ཀྱིས་བསྟན་དོན། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་དགོངས་པ་མཛུབ་སྟོན་དུ་འཛིན་པ་རྒྱུན་འཁྱོངས་བྱས་ཏེ། བྱ་སྤྱོད་དངོས་ལ་བརྟེན་ནས་དུས་རབས་གསར་པའི་སྲིད་གྲོས་ཨུ་ཡོན་གྱི་འགན་འཁུར་མཚོན་པ་དང་། བཏོན་པའི་གྲོས་གཞི་ཚང་མས་ཞིབ་བཤེར་ཐེག་ཐུབ་པར་ཁག་ཐེག་བྱེད་རྒྱུ་ཡིན་ལ། གཏམ་བཤད་རེ་རེ་ལས་གཞི་རིམ་གྱི་སྐད་སྒྲ་བརྒྱུད་སྤྲོད་དང་མང་ཚོགས་ཀྱི་རེ་སྒུག་མཚོན་པར་བྱས་ཏེ། རྒྱལ་ཁབ་ཀྱི་འཐབ་ཇུས་མཚོ་སྔོན་དུ་ལག་བསྟར་བྱས་ནས་ཕན་འབྲས་ཐོན་པ་དང་།  མཚོ་སྔོན་གྱི་དཔལ་འབྱོར་སྤྱི་ཚོགས་རྒྱུན་མཐུད་དང་སྐྱོན་བྲལ་ངང་འཕེལ་རྒྱས་སུ་འགྲོ་བར་སྐུལ་འདེད་གཏོང་བར་བློ་གྲོས་དང་སྟོབས་ཤུགས་འབུལ་རྒྱུ་ཡིན་ཟེར།