རིམ་པ་དགུ་པའི་ལས་རྨས་སུ་ངོས་འཛིན་བྱས་ན་ཁེ་ཕན་གང་དག་ལོངས་སུ་སྤྱད་ཆོག

རང་རྒྱལ་གྱི《ལས་རྨས་ཉེན་སྲུང་སྲོལ་ཡིག》གི་དོན་ཚན37པའི་གཏན་འཁེལ་ལྟར་ན། “ལས་བཟོ་པ་ལས་རྨས་དབང་གིས་དབང་པོ་སྐྱོན་ཅན་དུ་གྱུར་ནས་རིམ་པ་དགུ་པའི་ལས་རྨས་སུ་ངོས་འཛིན་བྱས་ན་གཤམ་གསལ་གྱི་ཐོབ་ཐང་ལོངས་སུ་སྤྱད་རྒྱུ་སྟེ།

(1) ལས་རྨས་ཉེན་སྲུང་ཐེབས་རྩ་ནས་དབང་པོ་སྐྱོན་ཅན་གྱི་རིམ་པ་ལྟར་སྟེར་ཐེངས་གཅིག་གིས་དབང་པོ་སྐྱོན་ཅན་གྱི་ཁ་གསབ་དངུལ་སྤྲད་རྒྱུ་དང་། རིམ་པ་དགུ་པའི་ལས་རྨས་སུ་ངོས་བཟུང་སྟེ་དབང་པོ་སྐྱོན་ཅན་དུ་གྱུར་ན་ཟླ9ཡི་གླ་ཕོགས་སྤྲད་དགོས།

(2)ངལ་རྩོལ་དང་གདན་ཞུའི་གན་རྒྱའི་དུས་ཡུན་ལོངས་ནས་མཚམས་འཇོག་པའམ་ལས་བཟོ་པ་རང་ཉིད་ཀྱིས་ངལ་རྩོལ་དང་གདན་ཞུའི་གན་རྒྱ་ཕྱིར་འཐེན་བྱེད་པར་རེ་བ་བཏོན་ཚེ། ལས་རྨས་ཉེན་སྲུང་ཐེབས་རྩས་སྟེར་ཐེངས་གཅིག་གིས་ལས་རྨས་སྨན་བཅོས་ཁ་གསབ་རོགས་དངུལ་སྤྲད་དགོས་པ་དང་། མི་ཤུགས་བཀོལ་སྤྱོད་ལས་ཁུངས་ཀྱིས་སྟེར་ཐེངས་གཅིག་གིས་ལས་རྨས་ལས་ཞུགས་ཁ་གསབ་རོགས་དངུལ་སྤྲད་དགོས། སྟེར་ཐེངས་གཅིག་གིས་ལས་རྨས་སྨན་བཅོས་ཁ་གསབ་རོགས་དངུལ་དང་དབང་པོ་སྐྱོན་ཅན་ལས་ཞུགས་ཁ་གསབ་རོགས་དངུལ་གྱི་ཚད་གཞི་ཞིབ་ཕྲ་ནི་ཞིང་ཆེན་དང་། རང་སྐྱོང་ལྗོངས། ཐད་གཏོགས་གྲོང་ཁྱེར་བཅས་ཀྱི་མི་དམངས་སྲིད་གཞུང་གིས་གཏན་འཁེལ་བྱ་དགོས”ཞེས་བཀོད་ཡོད།