མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
སྒེར་གྱི་གྱོང་གུད་ཁ་གསབ་བྱེད་སྟངས་ལ་ཚད་ཐིག་འགའ་ཡོད་པ་སྟེ།
གཅིག དམིགས་ཡུལ་ལུགས་མཐུན་ཡིན་པ། སྒེར་གྱི་གྱོང་གུད་ཁ་གསབ་བྱེད་སྟངས་དེ་ངེས་པར་རང་ཉིད་ཀྱི་ཁྲིམས་མཐུན་ཁེ་དབང་ལ་སྲུང་སྐྱོབ་བྱེད་ཆེད་ཡིན་དགོས་པ་ལས་ཁྲིམས་འགལ་གྱི་ཁེ་ཕན་བརྩོན་ལེན་བྱ་ཆེད་ཡིན་མི་ཆོག
གཉིས། གནས་ཚུལ་ཛ་དྲག་ཡིན་པ། དཔེར་ན་གནོད་འཚེ་གཏོང་མཁན་བྲོས་བྱོལ་བྱེད་རྩིས་ཡོད་པ་དང་རྒྱུ་ནོར་སྤོ་སྒྱུར་བྱེད་རྩིས་ཡོད་པར་མ་ཟད་ཉེན་རྟོག་པར་གཏུག་ཁོམ་མེད་པ་སོགས་ཀྱི་དབང་གིས་རང་ཉིད་ཀྱི་གྱོང་གུད་ལ་ཁ་གསབ་བྱེད་ཐབས་མེད་པ་ལྟ་བུ། གལ་ཏེ་གནོད་འཚེ་གཏོང་མཁན་བྲོས་བྱོལ་དང་རྒྱུ་ནོར་སྤོ་སྒྱུར་བྱེད་རྩིས་མེད་པའི་གནས་ཚུལ་འོག་ཁྱོད་ཀྱིས་གང་འདོད་དུ་གཞན་གྱི་རྒྱུ་ནོར་བཀག་ཉར་བྱས་ན་གནོད་འཚེ་བཏང་བའི་བྱ་སྤྱོད་དུ་གཏོགས་པ་རེད།
གསུམ། བྱེད་ཐབས་ཡང་དག་ཡིན་པ། བཙན་ཤེད་བཀོལ་ཚད་ཆེས་དམའ་ཤོས་ཡིན་དགོས་པར་མ་ཟད་བསྡུར་ཚད་ཀྱི་རྩ་དོན་དང་མཐུན་དགོས། དཔེར་ན། རྒྱུ་ནོར་བཀག་ཉར་བྱས་པ་ལས་མི་ལུས་རང་དབང་ལ་ཚོད་འཛིན་བྱེད་མི་ཆོག་པ་དང་། བཀག་ཉར་བྱས་པའི་རྒྱུ་ནོར་གྱི་རིན་ཐང་དང་རང་ཉིད་ལ་ཐེབས་པའི་གྱོང་གུད་གཉིས་འདྲ་མཚུངས་ཡིན་དགོས་པ་དང་། རྒྱུ་ནོར་ལ་གཏོར་བརླག་དང་མི་ལུས་ལ་གནོད་འཚེ་བཏང་མི་ཆོག
བཞི། དུས་ཐོག་ཏུ་རོགས་སྐྱོར་ཡོང་རོགས་ཞུ་བ། རང་སྐྱོབ་ཀྱི་བྱེད་ཐབས་བཏོན་རྗེས་ཀྱི་ཆུ་ཚོད24ནང་ཉེན་རྟོག་པར་གཏུགས་པའམ་ཁྲིམས་ཁང་དུ་གཏུགས་ནས་རྒྱུ་ནོར་དོ་དམ་བྱེད་དུ་འཇུག་དགོས། དེ་མིན་རང་སྐྱོབ་ཀྱི་བྱ་སྤྱོད་དེ་གནོད་འཚེ་བཏང་བའི་བྱ་སྤྱོད་དུ་འགྱུར་སྲིད། གོང་གི་ཚད་ཐིག་དེ་དག་ལས་བརྒལ་ན། སྒེར་གྱི་གྱོང་གུད་ཁ་གསབ་བྱེད་པའི་བྱ་སྤྱོད་དེ་ཁྲིམས་འགལ་བྱ་སྤྱོད་དུ་འགྱུར་ངེས་པས། དེར་བསྟུན་གྱི་བཅའ་ཁྲིམས་འགན་འཁྲི་འཁུར་དགོས་སོ། །
