རྒྱལ་ཁབ་ཀྱིས་དཔལ་འབྱོར་ལམ་ལུགས་ལ་འཛིན་པའི་རྩ་ཁྲིམས་གང་ཡིན།

ལན། རྒྱལ་ཁབ་ཀྱིས་ངལ་རྩོལ་པའི་ཧུར་བརྩོན་རང་བཞིན་དང་ལག་རྩལ་གྱི་ཆུ་ཚད་ངེ་མཐོར་གཏོང་བ་དང་། སྔོན་ཐོན་གྱི་ཚན་རིག་ལག་རྩལ་ཁྱབ་སྤེལ་དུ་གཏོང་བ། དཔལ་འབྱོར་དོ་དམ་གྱི་ལམ་ལུགས་དང་ཁེ་ལས་བདག་གཉེར་དོ་དམ་གྱི་ལམ་ལུགས་འཐུས་སྒོ་ཇེ་ཚང་དུ་གཏོང་བ། རྣམ་པ་ཅི་རིགས་ཀྱིས་སྤྱི་ཚོགས་རིང་ལུགས་ཀྱི་འགན་འཁྲིའི་ལམ་ལུགས་ལག་ལེན་དུ་བསྟར་བ། ངལ་རྩོལ་རྩ་འཛུགས་ལེགས་བཅོས་བྱེད་པ་བཅས་ལ་བརྟེན་ཏེ་ངལ་རྩོལ་ཐོན་སྐྱེད་ཀྱི་ལས་ཆོད་དང་དཔལ་འབྱོར་གྱི་ཕན་ནུས་རྒྱུན་ཆད་མེད་པར་ཇེ་ཆེར་བཏང་ནས་སྤྱི་ཚོགས་ཀྱི་ཐོན་སྐྱེད་ནུས་ཤུགས་གོང་དུ་སྤེལ་བ་ཡིན།

རྒྱལ་ཁབ་ཀྱིས་ནན་ཏན་གྱིས་གྲོན་ཆུང་བྱེད་པ་དང་། ཆུད་ཟོས་ལ་ངོ་རྒོལ་བྱེད་པ་ཡིན།

རྒྱལ་ཁབ་ཀྱིས་ལུགས་དང་མཐུན་པའི་སྒོ་ནས་གསོག་འཇོག་དང་འཛད་སྤྱོད་བཀོད་སྒྲིག་བྱེད་ཅིང་། རྒྱལ་ཁབ་དང་། ཐུན་མོང་། མི་སྒེར་བཅས་ཀྱི་ཁེ་ཕན་ཚང་མར་ལྟ་རྟོག་བྱས་ཏེ་ཐོན་སྐྱེད་གོང་དུ་སྤེལ་བའི་རྨང་གཞིའི་ཐོག མི་དམངས་ཀྱི་དངོས་པོའི་འཚོ་བ་དང་རིག་གནས་འཚོ་བ་རིམ་གྱིས་ལེགས་བཅོས་བྱེད་པ་ཡིན།

རྒྱལ་ཁབ་ཀྱིས་དཔལ་འབྱོར་འཕེལ་རྒྱས་ཀྱི་ཆུ་ཚད་དང་མཐུན་པའི་ངང་སྤྱི་ཚོགས་ཁག་ཐེག་ལམ་ལུགས་འཛུགས་སྐྲུན་འཐུས་ཚང་ཡོང་བར་བྱེད་དགོས།