ཟླ3པའི་ཚེས31ཉིན། རྒྱལ་ཡོངས་ནས་པྲོག་གསར་ནད་པ16གིས་ཇེ་མང་དུ་སོང་།

རང་རེའི་དྲ་བའི་འཕྲིན། ཟླ3པའི་ཚེས31ཉིན། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར31དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ཀྱི་སྙན་ཞུ་ལྟར་ན། ནད་རྟགས་ཐག་བཅད་པའི་པྲོག་གསར་གློ་ཚད་ཀྱི་ནད་པ16ཡོད་པ་དང་། དེའི་ཁྲོད་ཕྱི་རྒྱལ་ནས་འགོས་པའི་ནད་པ10ཡོད།(ཧྲང་ཧེ་ནད་པ3། ཀོང་ཏུང་ནད་པ3། ཅིང་སུའུ་ནད་པ2། ནང་སོག་ནད་པ1། ཧྲན་ཏུང་ནད་པ1།) རང་ས་གནས་ཀྱི་ནད་པ6(ཡོན་ནན)ཡོད། གསར་དུ་འཕར་བའི་ཚེ་ལས་འདས་པའི་ནད་པ་མེད་ཅིང་། གསར་དུ་འཕར་བའི་དོགས་ཡོད་ནད་པ་མེད།

ཉིན་དེར་ནད་དྲག་སྐྱེད་བྱུང་ནས་སྨན་ཁང་ལས་ཕྱིར་བུད་པའི་ནད་པ9ཡོད་པ་དང་། ནད་འགོས་མེད་པའི་ནད་པ99ལ་སྨན་བཅོས་ལྟ་ཞིབ་བྱེད་མཚམས་བཞག ནད་པ་ལྕི་མོ་ཉིན་སྔོན་མ་དང་འདྲ་མཚུངས་རེད།

ད་ལྟ་ཕྱི་རྒྱལ་ནས་འགོས་པའི་པྲོག་གསར་གློ་ཚད་ནད་པ172(ནད་པ་ལྕི་མོ2ཡོད)ཡོད་པ་དང་དོགས་ཡོད་ནད་པ3ཡོད། ཕྱི་རྒྱལ་ནས་འགོས་པའི་པྲོག་གསར་གློ་ཚད་ནད་པ་ཁྱོན་བསྡོམས5300དང་སྨན་ཁང་ལས་བུད་པའི་པྲོག་གསར་ནད་པ5128ཡོད་ཅིང་ཚེ་འདས་ནད་པ་མེད།

ཟླ3པའི་ཚེས31ཉིན་གྱི་ཆུ་ཚོད24བར་དུ། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར31དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ཀྱི་སྙན་ཞུ་བྱས་པ་ལྟར་ན། ད་ལྟ་ནད་པ187ཡོད་ཅིང་། དེའི་ནང་ནད་པ་ལྕི་མོ2ཡོད། ད་ལྟའི་བར་ཁྱོན་བསྡོམས་པྲོག་གསར་གློ་ཚད་ནད་པ85394སྨན་ཁང་ནས་བུད་ཅིང་། དེའི་ཁྲོད་རྐྱེན་ལམ་དུ་ཤོར་བའི་ནད་པ4636ཡོད། ནད་རྟགས་ཐག་བཅད་པའི་ནད་པ་ཁྱོན་བསྡོམས90217ཡོད་ལ། དོགས་ཡོད་ནད་པ3ཡོད། ནད་པར་འབྲེལ་འདྲིས་ཟབ་པའི་མི་ཁྱོན་བསྡོམས989820ཡོད་ཅིང་། མི5042ལ་སྨན་བཅོས་ལྟ་ཞིབ་བྱེད་བཞིན་ཡོད།

ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར31དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ཀྱི་སྙན་ཞུ་བྱས་པ་ལྟར་ན། ནད་རྟགས་མེད་པའི་གསར་བྱུང་པྲོག་གསར་ནད་པ42ཡོད་ཅིང་། དེའི་ཁྲོད་ཕྱི་རྒྱལ་ནས་འགོས་པའི་ནད་རྟགས་མེད་པའི་པྲོག་གསར་ནད་པ19དང་ཡོན་ནན་ནད་པ23ཡོད། ཉིན་དེར་ནད་རྟགས་ངོས་འཛིན་བྱས་པའི་ནད་པ3ཡོད།(ཕྱི་རྒྱལ་ནས་འགོས་པའི་ནད་པ3)མི6(ཕྱི་རྒྱལ་ནས་འགོས་པའི་ནད་པ6)སྨན་བཅོས་ལྟ་ཞིབ་བྱེད་མཚམས་བཞག་པ་དང་ནད་རྟགས་མེད་པའི་པྲོག་གསར་ནད་པ288(ཕྱི་རྒྱལ་ནས་འགོས་པའི་ནད་པ262)ལ་མུ་མཐུད་དུ་སྨན་བཅོས་ལྟ་ཞིབ་བྱེད་བཞིན་ཡོད།

ཞང་ཀང་དང་ཨོ་མིན། ཐེ་ཝན་བཅས་སུ་ཁྱོན་བསྡོམས་ནད་པ12545ཡོད་ཅིང་། དེའི་ནང་ཞང་ཀང་དམིགས་བསལ་སྲིད་འཛིན་ས་ཁུལ་དུ་ནད་པ11467(སྨན་ཁང་ལས་བུད་པའི་ནད་པ11095དང་ཚེ་འདས་ནད་པ205)ཡོད། ཨོ་མིན་དམིགས་བསལ་སྲིད་འཛིན་ས་ཁུལ་དུ་ནད་པ48(སྨན་ཁང་ལས་བུད་པའི་ནད་པ48)། ཐེ་ཝན་ས་ཁུལ་དུ་ནད་པ1030(སྨན་ཁང་ལས་བུད་པའི་ནད་པ981དང་ཚེ་འདས་ནད་པ10)ཡོད་པ་རེད།

ལོ་ཙཱ་བ། ལྷ་ཆེན་རྒྱལ།