རྩྭ་ཐང་མེ་འགོག་སྐོར་གྱི་སྲོལ་ཡིག (3)

དོན་ཚན་བཅོ་བརྒྱད།མེ་འགོག་གི་དུས་ཡུན་ནང་།ཐོན་སྐྱེད་ཀྱི་བྱ་འགུལ་སྤེལ་བའི་དབང་གིས་དགོས་མཁོའི་ཆེད་དུ་རྩྭ་ཐང་དུ་མེ་བཀོལ་སྤྱོད་བྱེད་དགོས་ན།ངེས་པར་དུ་རྫོང་རིམ་པའི་མི་དམངས་སྲིད་གཞུང་གི་རྩྭ་ཐང་མེ་འགོག་གཙོ་གཉེར་སྡེ་ཁག་གིས་ཆོག་མཆན་འགོད་དགོས།མེ་བཀོལ་ལས་ཁུངས་དང་ཡང་ན་མི་སྒེར་གྱིས་ངེས་པར་དུ་མེ་འགོག་བྱེད་ཐབས་སྤྱད་དེ།མེ་སྐྱོན་མི་འབྱུང་བ་བྱེད་དགོས། རྩྭ་ཐང་མེ་འགོག་གི་དུས་ཡུན་ནང་།རྩྭ་འཚོ་བའི་དབང་གིས་རྩྭ་ཐང་སྟེང་མེ་བཀོལ་སྤྱོད་བྱེད་དགོས་ན།ངེས་པར་དུ་བདེ་འཇགས་ཀྱི་ས་གནས་གདམ་གསེས་བྱེད་པ་དང་།མེ་འགོག་བྱེད་ཐབས་སྤྱད་དེ།མེ་བཀོལ་སྤྱོད་བྱས་རྗེས་མེ་ཤུལ་གསོད་ཡག་བྱེད་དགོས།

ཚན་འདིའི་ཁོད་ཚན་དང་པོ་དང་གཉིས་དོན་པ་ལས་གཏན་ཁེལ་བྱས་པ་ལས་གཞན།རྩྭ་ཐང་མེ་འགོག་གི་དུས་ཡུན་ནང་རྩྭ་ཐང་སྟེང་མེ་བཀོལ་སྤྱོད་བྱེད་མི་ཆོག

དོན་ཚན་བཅུ་དགུ མེ་འགོག་གི་དུས་ཡུན་ནང་རྩྭ་ཐང་སྟེང་མེ་མདའ་བཀོལ་ཏེ་རི་དྭགས་རྔོན་མི་ཆོག

རྩྭ་ཐང་མེ་འགོག་གི་དུས་ཡུན་ནང་།རྩྭ་རྩྭ་ཐང་སྟེང་གས་གཏོར་བྱེད་པ་དང་བརྟག་ཞིབ་བྱེད་པ།ཨར་ལས་བྱེད་པ་སོགས་བྱ་འགུལ་སྤེལ་ན།ངེས་པར་དུ་རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གི་རྩྭ་ཐང་མེ་འགོག་གཙོ་གཉེར་སྡེ་ཁག་གིས་ཆོག་མཆན་འགོད་པ་མ་ཟད།མེ་འགོག་བྱེད་ཐབས་སྤྱད་དེ་མེ་སྐྱོན་མི་འབྱུང་བ་བྱེད་དགོས།

རྩྭ་ཐང་མེ་འགོག་གི་དུས་ཡུན་ནང་།རྩྭ་དམག་དཔུང་གིས་རྩྭ་ཐང་སྟེང་མེ་མདའ་དངོས་སུ་རྒྱག་པའི་འཁྲབ་སྦྱོང་བྱེད་པ་དང་།ཐོལ་བྱུང་དོན་རྐྱེན་ཐག་གཅོད་བྱེད་པ་དང་ལས་འགན་གཞན་པའི་ལག་བསྟར་བྱེད་དགོས་ན།དགོས་ངེས་ཀྱི་མེ་འགོག་བྱེད་ཐབས་སྤྱོད་དགོས།

དོན་ཚན་ཉི་ཤུ།མེ་འགོག་གི་དུས་ཡུན་ནང་།རྩྭ་ཐང་སྟེང་ལས་ཀ་བྱེད་པའམ་རྩྭ་ཐང་བརྒྱུད་པའི་རླངས་འཁོར་ལ་མེ་འགོག་སྒྲིག་ཆས་སྒྲིག་སྦྱོར་བྱས་ཏེ།མེ་ཤོར་བ་དང་མེ་འཕྱུར་བ།མེ་སྒོ་ལྷུང་བ་བཅས་ལས་མེ་སྐྱོན་འབྱུང་བར་ནན་འགོག་བྱེད་དགོས།རྩྭ་ཐང་བརྒྱུད་པའི་སྤྱི་སྤྱོད་འགྲིམ་འགྲུལ་ཡོ་བྱད་སྟེང་གི་ཁ་ལོ་བ་དང་ལས་གཉེར་མི་སྣས་མགྲོན་པོ་རྣམས་ལ་རྩྭ་ཐང་མེ་འགོག་སྐོར་དྲིལ་བསྒྲགས་བྱེད་དགོས།ཁ་ལོ་བ་དང་ལས་གཉེར་མི་སྣ།མགྲོན་པོ་བཅས་ཀྱིས་མེ་སོན་གང་སར་འཕེན་མི་རུང་།

རྩྭ་ཐང་མེ་འགོག་གི་དུས་ཡུན་ནང་།རྩྭ་རྩྭ་ཐང་སྟེང་ལས་ཀ་གཉེར་བའི་འཕྲུལ་ཆས་རིགས་ལ་ངེས་པར་དུ་མེ་འགོག་བྱེད་ཐབས་སྤྱོད་དགོས་པ་དང་།ལས་གཉེར་མི་སྣས་ངེས་པར་དུ་མེ་འགོག་སྐོར་གྱི་བདེ་འཇགས་སྤྱོད་སྟངས་ཀྱི་སྒྲིག་ལམ་བརྩི་སྲུང་བྱས་ཏེ།མེ་སྐྱོན་མི་འབྱུང་བ་བྱེད་དགོས།

དོན་ཚན་ཉེར་གཅིག མེ་འགོག་གི་དུས་ཡུན་ནང་།རང་རིམ་པའི་མི་དམངས་སྲིད་གཞུང་གིས་ཆོག་མཆན་བཀོད་པ་བརྒྱུད་ནས།རྩྭ་ཐང་མེ་འགོག་གཙོ་གཉེར་སྡེ་ཁག་གིས་རྩྭ་ཐང་སྟེང་སྐྱོད་པ་དང་།མེ་སྐྱོན་འབྱུང་བའི་ཉེན་ཁ་ཡོད་པའི་རླངས་འཁོར་དང་དེ་མིན་རྩྭ་ཐང་གི་མེ་སྐྱོན་འབྱུང་སྲིད་པའི་བྱེས་ལས་བྱེས་ལས་བྱ་འགུལ་སྤེལ་བ་བཅས་ལ་རྩྭ་ཐང་མེ་འགོག་སྐོར་གྱི་བདེ་འཇགས་ལ་ཞིབ་བཤེར་བྱེད་དགོས།མེ་སྐྱོན་འབྱུང་བའི་མངོན་མེད་རྐྱེན་ངན་ཡོད་པ་ཤེས་ན།ངེས་པར་དུ་འབྲེལ་ཡོད་འགན་ཁུར་མི་སྣར་བཤད་དེ་མེ་སྐྱོན་འབྱུང་བའི་མངོན་མེད་རྐྱེན་ངན་མེད་པར་བཟོ་དགོས།མེ་སྐྱོན་འབྱུང་བའི་མངོན་མེད་རྐྱེན་ངན་མེད་པར་བཟོ་བའི་བྱེད་ཐབས་གཏན་ནས་མི་སྤྱོད་ན།རྩྭ་ཐང་སྟེང་སྐྱོད་པའམ་རྩྭ་ཐང་བྱེས་ལས་བྱ་འགུལ་སྤེལ་བ་གཏན་འགོག་བྱེད་དགོས།

དོན་ཚན་ཉེར་གཉིས། མེ་འགོག་གི་དུས་ཡུན་ནང་།དྲོད་ཚད་མཐོ་བ་དང་ཐན་པ་བྱུང་བ།རླུང་ཆེན་གཡུགས་པ་སོགས་ཉེན་ཁ་ཆེ་བའི་གནམ་གཤིས་བྱུང་སྐབས།རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གིས་རྩྭ་ཐང་གི་མེ་སྐྱོན་ཉེན་ཁ་ཆེས་ཆེ་བ་དང་རྩྭ་ཐང་གི་མེ་སྐྱོན་ཉེན་ཁ་ཆེ་བའི་ས་ཁུལ་དང་།གལ་ཏེ་རྩྭ་ཐང་ལ་མེ་སྐྱོན་བྱུང་ཚེ་མི་ལུས་ལ་རྨས་སྐྱོན་ཚབས་ཆེན་ཕོག་སྲིད་པ་དང་ཡང་ན་རྒྱུ་ནོར་ཐད་གྱོང་གུན་ཆེན་པོ་ཐེབས་སྲིད་པའི་མངའ་ཁོངས་བཅས་རྩྭ་ཐང་མེ་འགོག་སྐོར་གྱི་རྩིས་སྤྲོད་དོ་དམ་ནང་འཇོག་པ་དང་།རྩིས་སྤྲོད་དོ་དམ་གྱི་དུས་ཡུན་གཏན་ཁེལ་བྱས་ཏེ།དུས་ཐོག་ཏུ་སྤྱི་ཚོགས་ལ་ཁྱབ་བསྒྲགས་བྱེད་པ་མ་ཟད།གོང་རིམ་མི་དམངས་སྲིད་གཞུང་ལ་ཡར་ཞུ་བྱས་ཏེ་ཐོ་འགོད་བྱེད་དགོས།

རྩྭ་ཐང་མེ་འགོག་གི་རྩིས་སྤྲོད་དོ་དམ་རྩྭ་ཁུལ་གྱི་ནང་དུ་མེ་བཀོལ་སྤྱོད་བྱེད་པའི་བྱ་སྤྱོད་ཡོད་ཚད་གཏན་འགོག་བྱེད་དགོས།རྩྭ་ཐང་གི་མེ་སྐྱོན་འབྱུང་སྲིད་པའི་ཐང་སྟོང་མིན་ས་ནས་མེ་བཀོལ་བར།རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་དང་ཡང་ན་རྩྭ་ཐང་མེ་འགོག་གཙོ་གཉེར་སྡེ་ཁག་གིས་ངེས་པར་དུ་རྩིས་སྤྲོད་དོ་དམ་གྱི་བླང་བྱ་ལྟར་དོ་དམ་ནན་མོ་བྱེད་དགོས། ཐང་མེ་འགོག་གི་རྩིས་སྤྲོད་དོ་དམ་རྩྭ་ཁུལ་ལ་སྐྱོད་པའི་རླངས་འཁོར་གྱིས་རྫོང་རིམ་ཡན་གྱི་ས་གནས་མི་དམངས་སྲིད་གཞུང་གི་རྩྭ་ཐང་མེ་འགོག་གཙོ་གཉེར་སྡེ་ཁག་གིས་གནང་བའི་རྩྭ་ཐང་མེ་འགོག་གི་ལམ་ཡིག་ལེན་དགོས་པ་མ་ཟད།མེ་འགོག་ཐད་ཀྱི་རྩིས་སྤྲོད་དོ་དམ་བརྩི་སྲུང་བྱེད་དགོས།

དོན་ཚན་ཉེར་གསུམ། ཞིང(ཕྱུགས)ར་དང་བཟོ་གཏེར་ཁེ་ལས།ཐོན་སྐྱེད་བདག་གཉེར་ལས་ཁུངས་གཞན་པ་དང་དེ་མིན་བཅའ་སྡོད་དམ་དཔུང་ལས་ཁུངས།རང་བྱུང་སྲུང་སྐྱོང་ཁུལ་གྱི་དོ་དམ་ལས་ཁུངས་དང་ཞིང་སྡེའི་ཐུན་མོང་དཔལ་འབྱོར་རྩ་འཛུགས་སོགས་ཀྱིས་ངེས་པར་དུ་རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གི་འགོ་ཁྲིད་དང་རྩྭ་ཐང་མེ་འགོག་གཙོ་གཉེར་སྡེ་ཁག་གི་མཛུབ་སྟོན་འོག་རྩྭ་ཐང་མེ་འགོག་ཐད་ཀྱི་འགན་འཁྲི་ལམ་ལུགས་དངོས་འབེབས་བྱེད་པ་དང་། མེ་ཁུངས་དོ་དམ་ལ་ཤུགས་སྣོན་པ། མེ་སྐྱོན་འབྱུང་བའི་མངོན་མེད་རྐྱེན་ངན་མེད་པར་བཟོ་བ་བཅས་བྱས་ནས།རང་ས་ཁོངས་ཀྱི་རྩྭ་ཐང་མེ་འགོག་བྱ་བ་ལེགས་པར་བསྒྲུབ་དགོས། ལམ་དང་གཞུང་ལམ།གློག་ཤུགས།ལྕགས་གློག་འཕྲིན་སྐུད་ལམ།རྡོ་སྣུམ་དང་རང་བྱུང་སོལ་རླངས་ཀྱི་སྦུ་གུ་སོགས་བདག་གཉེར་ལས་ཁུངས་ཀྱིས་ངེས་པར་དུ་དེའི་རྩྭ་ཐང་མེ་འགོག་གི་འགན་འཁྲི་མངའ་ཁོངས་ནང་མེ་འགོག་བྱེད་ཐབས་དངོས་འབེབས་བྱས་ཏེ།རྩྭ་ཐང་ལ་མེ་སྐྱོན་འབྱུང་བ་སྔོན་འགོག་བྱེད་དགོས།

རྩྭ་ཐང་འགན་གཙང་ལེན་དང་བདག་གཉེར་བྱས་རྩྭ་པའི་མི་སྒེར་གྱིས་འགན་གཙང་ལེན་དང་བདག་གཉེར་བྱས་པའི་རྩྭ་ཐང་སྟེང་མེ་ཁུངས་དོ་དམ་ལ་ངེས་པར་དུ་ཤུགས་སྣོན་པ་དང་མེ་སྐྱོན་འབྱུང་བའི་མངོན་མེད་རྐྱེན་ངན་མེད་པར་བཟོ་བ།རྩྭ་ཐང་མེ་འགོག་གི་འོས་འགན་ལག་བསྟར་བྱེད་དགོས།

དོན་ཚན་ཉེར་བཞི། རང་སྐྱོང་ལྗོངས།ཐད་སྐྱོང་གྲོང་ཁྱེར་བཅས་ཀྱི་མི་དམངས་སྲིད་གཞུང་གིས་རང་ས་གནས་ཀྱི་དོན་དངོས་ལྟར་རྩྭ་ཐང་མེ་འགོག་ཁུལ་གཙོ་བོ་དབྱེ་འབྱེད་གཏན་འབེབས་བྱས་ཏེ།རྒྱལ་སྲིད་སྤྱི་ཁྱབ་ཁང་གི་རྩྭ་ཐང་སྲིད་འཛིན་གཙོ་གཉེར་སྡེ་ཁག་ལ་ཡར་ཞུ་བྱས་ཏེ་ཐོ་འགོད་བྱེད་དགོས།

རྩྭ་ཐང་མེ་འགོག་ཁུལ་གཙོ་བོའི་རྫོང་རིམ་རྩྭ་པ་ཡན་གྱི་ས་གནས་མི་དམངས་སྲིད་གཞུང་དང་རང་བྱུང་སྲུང་སྐྱོང་ཁུལ་གྱི་དོ་དམ་ལས་ཁུངས་ཀྱིས་དགོས་མཁོ་ལྟར་ཆེད་ལས་ཅན་གྱི་མེ་གསོད་རུ་ཁག་འཛུགས་པ་དང་།འབྲེལ་ཡོད་ཞང(གྲོང་རྡལ)དང་སྡེ་བས་མང་ཚོགས་ཅན་གྱི་མེ་གསོད་རུ་ཁག་འཛུགས་དགོས།མེ་གསོད་རུ་ཁག་ལ་ཆེད་ལས་གསོ་སྦྱོང་བྱེད་དགོས་པ་མ་ཟད།རྫོང་རིམ་པ་ཡན་གྱི་ས་གནས་མི་དམངས་སྲིད་གཞུང་གི་བཀོད་འདོམས་དང་བཀོད་སྒྲིག་དང་ལེན་བྱེད་དགོས།

དོན་ཚན་ཉེར་ལྔ། མི་དམངས་སྲིད་གཞུང་གི་རྩྭ་ཐང་མེ་འགོག་གཙོ་གཉེར་སྡེ་ཁག་དང་གནམ་གཤིས་གཙོ་གཉེར་ལས་ཁུངས་ཀྱིས་ངེས་པར་དུ་མཉམ་འབྲེལ་སྒོས་རྩྭ་ཐང་མེ་འགོག་དང་ཉེན་འགོག་ཐད་ནས་སྔོན་བརྡ་དང་ཉེན་བརྡ་སྔོན་ནས་གཏོང་བའི་ལམ་ལུགས་འཛུགས་དགོས།གནམ་གཤིས་གཙོ་གཉེར་ལས་ཁུངས་ཀྱིས་རྩྭ་ཐང་མེ་འགོག་གི་དགོས་མཁོ་དངོས་ལྟར།རྩྭ་ཐང་མེ་སྐྱོན་གནམ་གཤིས་ཀྱི་རིམ་པ་སྔོན་བརྡ་དང་ཁྱབ་བསྒྲགས་བྱེད་པའི་བྱ་བ་ལེགས་པར་བསྒྲུབ་དགོས་པ་དང་།གསར་འགྱུར་སྨྱན་བྱེད་ཀྱིས་ངེས་པར་དུ་རྩྭ་ཐང་མེ་སྐྱོན་གནམ་གཤིས་ཀྱི་རིམ་པ་དུས་ཐོག་ཏུ་བསྒྲག་དགོས།