རྩྭ་ཐང་མེ་འགོག་སྐོར་གྱི་སྲོལ་ཡིག (2)

དོན་ཚན་བཅུ་གཅིག ཁྱབ་ཁང་གི་རྩྭ་ཐང་སྲིད་འཛིན་གཙོ་གཉེར་སྡེ་ཁག་གིས་རྩྭ་ཐང་ལ་མེ་སྐྱོན་འབྱུང་བའི་ཉེན་ཚད་དང་གནོད་ཚད་སོགས་ལ་གཞིགས་ནས།རྒྱལ་ཡོངས་ཀྱི་རྩྭ་ཐང་དེ་ཆེས་མཐོ་བ་དང་མཐོ་བ།འབྲིང་བ་དང་དམའ་བ་བཅས་རིམ་པ་བཞི་ཅན་གྱི་རྩྭ་ཐང་གི་མེ་སྐྱོན་ཉེན་ཁ་ཆེ་བའི་ཁུལ་དུ་དབྱེ་དགོས།

དོན་ཚན་བཅུ་གཉིས། ཁྱབ་ཁང་གི་རྩྭ་ཐང་སྲིད་འཛིན་གཙོ་གཉེར་སྡེ་ཁག་གིས་རྩྭ་ཐང་གི་མེ་སྐྱོན་ཉེན་ཁ་ཁུལ་དང་རྩྭ་ཐང་མེ་འགོག་བྱ་བའི་དགོས་མཁོ་དངོས་ལ་གཞིགས་ནས།རྒྱལ་ཡོངས་ཀྱི་རྩྭ་ཐང་མེ་འགོག་ཐད་ཀྱི་འཆར་གཞི་བཀོད་དེ།རྒྱལ་སྲིད་སྤྱི་ཁྱབ་ཁང་དང་ཡང་ན་རྒྱལ་སྲིད་སྤྱི་ཁྱབ་ཁང་གིས་དབང་ཆ་གནང་བའི་སྡེ་ཁག་ལ་ཡར་ཞུ་བྱས་ཏེ་ཆོག་མཆན་བཀོད་རྗེས་རྩ་འཛུགས་ལག་བསྟར་བྱེད་དགོས།རིམ་པ་ཡན་གྱི་ས་གནས་མི་དམངས་རྫོང་སྲིད་གཞུང་གི་རྩྭ་ཐང་མེ་འགོག་གཙོ་གཉེར་སྡེ་ཁག་གིས་རྒྱལ་ཡོངས་ཀྱི་རྩྭ་ཐང་མེ་འགོག་འཆར་འགོད་ལྟར།རང་ས་གནས་ཀྱི་དོན་དངོས་དང་ཟུང་དུ་སྦྲེལ་ཏེ།རང་སྲིད་འཛིན་མངའ་ཁོངས་ཀྱི་རྩྭ་ཐང་མེ་འགོག་འཆར་གཞི་བཀོད་ནས་རང་རིམ་པའི་མི་དམངས་སྲིད་གཞུང་ལ་ཞུས་ཏེ་ཆོག་མཆན་བཀོད་རྗེས་རྩ་འཛུགས་ལག་བསྟར་བྱེད་དགོས།

དོན་ཚན་བཅུ་གསུམ། འགོག་སྐོར་གྱི་འཆར་འགོད་ལ་གཤམ་གྱི་ནང་དོན་གཙོ་བོ་འདུས་དགོས་པ་སྟེ།

(གཅིག)རྩྭ་ཐང་མེ་འགོག་སྐོར་གྱི་འཆར་འགོད་གཏན་ཁེལ་བྱས་པའི་གཞི་འཛིན་ས།

(གཉིས)རྩྭ་ཐང་མེ་འགོག་སྐོར་གྱི་རྩ་འཛུགས་མ་ལག་འཛུགས་སྐྲུན།

(གསུམ)རྩྭ་ཐང་མེ་འགོག་སྐོར་གྱི་རྨང་གཞིའི་སྒྲིག་བཀོད་དང་སྒྲིག་ཆས་འཛུགས་སྐྲུན།

(བཞི)རྩྭ་ཐང་མེ་འགོག་སྐོར་གྱི་དངོས་ཟོང་གསོག་འཇོག

(ལྔ)འགན་སྲུང་བྱེད་ཐབས།

དོན་ཚན་བཅུ་བཞི།ཡན་གྱི་མི་དམངས་སྲིད་གཞུང་གིས་འབྲེལ་ཡོད་སྡེ་ཁག་དང་ལས་ཁུངས་རྩ་འཛུགས་བྱས་ཏེ།རྩྭ་ཐང་མེ་འགོག་སྐོར་གྱི་འཆར་འགོད་ལྟར།རྩྭ་ཐང་གི་མེ་སྐྱོན་གནས་ཚུལ་ལ་རྒྱང་ལྟ་དང་ལྟ་ཞིབ་བྱེད་པའི་སྒྲིག་ཆས་དང་མེ་འགོག་བཀག་དངོས།མེ་འགོག་བགྲོད་ལམ།མེ་འགོག་ཐད་ཀྱི་དངོས་ཟོང་གསོག་འཇོག་མཛོད་ཁང(ས་ཚིགས)སོགས་རྨང་གཞིའི་སྒྲིག་བཀོད་འཛུགས་སྐྲུན་ལ་ཤུགས་སྣོན་པ་དང་།རྩྭ་ཐང་མེ་འགོག་ཐད་ཀྱི་འགྲིམ་འགྲུལ་ཡོ་བྱད་དང་མེ་གསོད་འཕྲུལ་ཆས།ལྟ་ཞིབ་དང་འཕྲིན་སྐྱེལ་རྒྱུ་ཆས་སོགས་སྒྲིག་སྦྱོར་བྱེད་པ།དགོས་ངེས་ཀྱི་མེ་འགོག་དངོས་ཟོང་གསོག་འཇོག་བྱེད་པ་བཅས་བྱས་ནས།རྩྭ་ཐང་མེ་འགོག་ཐད་ཀྱི་བཀོད་འདོམས་དང་ཆ་འཕྲིན་མ་ལག་གསར་འཛུགས་དང་འཐུས་ཚང་དུ་གཏོང་དགོས།

དོན་ཚན་བཅོ་ལྔ།ཁྱབ་ཁང་གི་རྩྭ་ཐང་སྲིད་འཛིན་གཙོ་གཉེར་སྡེ་ཁག་གིས་རྒྱལ་ཡོངས་ཀྱི་རྩྭ་ཐང་མེ་སྐྱོན་བབ་བསྟུན་ཐག་གཅོད་འཆར་གཞི་གཏན་ཁེལ་བྱས་ཏེ།རྒྱལ་སྲིད་སྤྱི་ཁྱབ་ཁང་ལ་ཡར་ཞུ་བྱས་ནས་ཆོག་མཆན་བཀོད་རྗེས་རྩ་འཛུགས་ལག་བསྟར་བྱེད་པའི་འགན་འཁུར་དགོས།

རིམ་པ་ཡན་གྱི་ས་གནས་མི་དམངས་རྫོང་སྲིད་གཞུང་གི་རྩྭ་ཐང་མེ་འགོག་གཙོ་གཉེར་སྡེ་ཁག་གིས་རང་སྲིད་འཛིན་མངའ་ཁོངས་ཀྱི་རྩྭ་ཐང་མེ་སྐྱོན་བབ་བསྟུན་ཐག་གཅོད་འཆར་གཞི་གཏན་ཁེལ་བྱས་ཏེ།རང་རིམ་པའི་མི་དམངས་སྲིད་གཞུང་ལ་ཡར་ཞུ་བྱས་ནས་ཆོག་མཆན་བཀོད་རྗེས་རྩ་འཛུགས་ལག་བསྟར་བྱེད་པའི་འགན་འཁུར་དགོས།

དོན་ཚན་བཅུ་དྲུག སྐྱོན་སྐོར་གྱི་བབ་བསྟུན་ཐག་གཅོད་འཆར་གཞི་ལ་གཤམ་གྱི་ནང་དོན་གཙོ་བོ་འདུས་དགོས་པ་སྟེ།

(གཅིག)རྩྭ་ཐང་མེ་སྐྱོན་བབ་བསྟུན་ཐག་གཅོད་རྩ་འཛུགས་ལས་ཁུངས་དང་དེའི་འགན་འཁྲི།

(གཉིས)རྩྭ་ཐང་མེ་སྐྱོན་གྱི་སྔོན་བརྡ་དང་སྔོན་འགོག་ནང་རྐྱེན།

(གསུམ)རྩྭ་ཐང་མེ་སྐྱོན་སྐོར་གྱི་སྙན་ཞུ་བརྒྱུད་རིམ།

(བཞི)རིམ་པ་མི་འདྲ་བའི་རྩྭ་ཐང་མེ་སྐྱོན་བབ་བསྟུན་ཐག་གཅོད་བྱེད་ཐབས།

(ལྔ)རྩྭ་ཐང་མེ་སྐྱོན་གསོད་པ་དང་མི་དང་རྒྱུ་དངོས་སྐྱོབ་པར་མཁོ་བའི་དངོས་ཟོང་དང་མ་དངུལ།དཔུང་སྡེ་བཅས་ཀྱི་བབ་བསྟུན་འགན་སྲུང་།

(དྲུག)མི་སྣ་དང་རྒྱུ་ནོར་ཕྱིར་འཐེན་དང་སྨན་བཅོས་རོགས་སྐྱོབ།

ནད་གཞི་ཚོད་འཛིན་སོགས་བབ་བསྟུན་ཐག་གཅོད་འཆར་གཞི།གནོད་སྐྱོན་ཐེབས་པའི་རྩྭ་ཐང་གི་རྒྱ་ཁྱོན་དང་རྨས་སྐྱོན་དང་ཤི་རྨས་བྱུང་བའི་མི་གྲངས།གནོད་ཐེབས་ཕྱུགས་གྲངས་དང་དེ་མིན་མཁར་གྲོང་སྡོད་དམངས་ཀྱི་སྡོད་གནས།སྒྲིག་བཀོད་གལ་ཆེན།གནའ་ཤུལ་གྲགས་ཅན།རང་བྱུང་སྲུང་སྐྱོང་ཁུལ་བཅས་ལ་འཇིགས་སྐུལ་ཐེབས་པའི་ཚད་ལྟར།རྩྭ་ཐང་མེ་སྐྱོན་དེ་ཆེས་ཆེ་བ་དང་ཆེ་བ།ཅུང་ཆེ་བ།སྤྱིར་བཏང་བ་བཅས་རིམ་པ་བཞི་རུ་དབྱེ་དགོས།བྱེ་བྲག་གི་དབྱེ་བགོ་ཚད་གཞི་དེ་རྒྱལ་སྲིད་སྤྱི་ཁྱབ་ཁང་གི་རྩྭ་ཐང་སྲིད་འཛིན་གཙོ་གཉེར་སྡེ་ཁག་གིས་གཏན་འཁེལ་བྱེད་རྒྱུ།

དོན་ཚན་བཅུ་བདུན།ཡན་གྱི་ས་གནས་མི་དམངས་སྲིད་གཞུང་གིས་རྩྭ་ཐང་ལ་མེ་སྐྱོན་འབྱུང་བའི་ཆོས་ཉིད་ལྟར་རང་སྲིད་གཞུང་གིས་རྩྭ་ཐང་མེ་འགོག་དུས་ཡུན་གཏན་ཁེལ་བྱེད་དགོས་པ་མ་ཟད།སྤྱི་ཚོགས་ལ་ཁྱབ་བསྒྲགས་བྱེད་དགོས།