ཟླ11པའི་ཚེས17ཉིན། རྒྱལ་ཡོངས་ནས་པྲོག་གསར་ནད་པ8ཀྱིས་ཇེ་མང་དུ་སོང་།

རང་རེའི་དྲ་བའི་འཕྲིན། ཟླ11པའི་ཚེས17ཉིན། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར31དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ཀྱི་སྙན་ཞུ་ལྟར་ན། ནད་རྟགས་ཐག་བཅད་པའི་པྲོག་གསར་གློ་ཚད་ཀྱི་ནད་པ8ཡོད་པ་དང་། དེའི་ཁྲོད་ཕྱི་རྒྱལ་ནས་འགོས་པའི་ནད་པ7ཡོད(སི་ཁྲོན་ནད་པ4། ཧྲན་ཞིས་ནད་པ1། ལོའུ་ཉིང་ནད་པ1། ཀོང་ཏུང་ནད་པ1།)རང་རྒྱལ་གྱི་ནད་པ1ཡོད་ཅིང་། ཚེ་ལས་འདས་པའི་ནད་པ་མེད། གསར་དུ་འཕར་བའི་དོགས་ཡོད་ནད་པ་མེད།

ཉིན་དེར་ནད་དྲག་སྐྱེད་བྱུང་ནས་སྨན་ཁང་ལས་ཕྱིར་བུད་པའི་ནད་པ37ཡོད་པ་དང་། ནད་འགོས་མེད་པའི་ནད་པ379ལ་སྨན་བཅོས་ལྟ་ཞིབ་བྱེད་མཚམས་བཞག ནད་པ་ལྕི་མོ་ཉིན་སྔོན་མ་དང་བསྡུར་ན་ནད་པ1གིས་ཇེ་ཉུང་དུ་སོང་ཡོད།

ད་ལྟ་ཕྱི་རྒྱལ་ནས་འགོས་པའི་པྲོག་གསར་གློ་ཚད་ནད་པ311(ནད་པ་ལྕི་མོ3ཡོད)ཡོད་པ་དང་དོགས་ཡོད་ནད་པ་མེད། ཕྱི་རྒྱལ་ནས་འགོས་པའི་པྲོག་གསར་གློ་ཚད་ནད་པ་ཁྱོན་བསྡོམས3723དང་སྨན་ཁང་ལས་བུད་པའི་པྲོག་གསར་ནད་པ3412ཡོད་ཅིང་ཚེ་འདས་ནད་པ་མེད།

ཟླ11པའི་ཚེས17ཉིན་གྱི་ཆུ་ཚོད24བར་དུ། ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར31དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ཀྱི་སྙན་ཞུ་བྱས་པ་ལྟར་ན། ད་ལྟ་ནད་པ324ཡོད་ཅིང་། དེའི་ནང་ནད་པ་ལྕི་མོ3། ད་ལྟའི་བར་ཁྱོན་བསྡོམས་པྲོག་གསར་གློ་ཚད་ནད་པ81411སྨན་ཁང་ནས་བུད་ཅིང་། དེའི་ཁྲོད་རྐྱེན་ལམ་དུ་ཤོར་བའི་ནད་པ4634ཡོད། ནད་རྟགས་ཐག་བཅད་པའི་ནད་པ་ཁྱོན་བསྡོམས86369ཡོད་ལ། དོགས་ཡོད་ནད་པ་མེད། ནད་པར་འབྲེལ་འདྲིས་ཟབ་པའི་མི་ཁྱོན་བསྡོམས874466ཡོད་ཅིང་། མི13974ལ་སྨན་བཅོས་ལྟ་ཞིབ་བྱེད་བཞིན་ཡོད།

ཞིང་ཆེན་དང་རང་སྐྱོང་ལྗོངས། ཐད་གཏོགས་གྲོང་ཁྱེར31དང་ཞིན་ཅང་ཐོན་སྐྱེད་འཛུགས་སྐྲུན་དམག་དཔུང་བཅས་ཀྱི་སྙན་ཞུ་བྱས་པ་ལྟར་ན། ནད་རྟགས་མེད་པའི་གསར་བྱུང་པྲོག་གསར་ནད་པ5ཡོད་ཅིང་། དེའི་ཁྲོད་ཕྱི་རྒྱལ་ནས་འགོས་པའི་ནད་རྟགས་མེད་པའི་པྲོག་གསར་ནད4ཡོད། ཉིན་དེར་ནད་རྟགས་ངོས་འཛིན་བྱས་པའི་ནད་པ2ཡོད།(ཕྱི་རྒྱལ་ནས་འགོས་པའི་ནད་པ2ཡོད) མི59(ཕྱི་རྒྱལ་ནས་འགོས་པའི་ནད་པ21)སྨན་བཅོས་ལྟ་ཞིབ་བྱེད་མཚམས་བཞག་པ་དང་ནད་རྟགས་མེད་པའི་པྲོག་གསར་ནད་པ456(ཕྱི་རྒྱལ་ནས་འགོས་པའི་ནད་པ387)ལ་མུ་མཐུད་དུ་སྨན་བཅོས་ལྟ་ཞིབ་བྱེད་བཞིན་ཡོད།

ཞང་ཀང་དང་ཨོ་མིན། ཐེ་ཝན་བཅས་སུ་ཁྱོན་བསྡོམས་ནད་པ6121ཡོད་ཅིང་། དེའི་ནང་ཞང་ཀང་དམིགས་བསལ་སྲིད་འཛིན་ས་ཁུལ་དུ་ནད་པ5470ཡོད། ཨོ་མིན་དམིགས་བསལ་སྲིད་འཛིན་ས་ཁུལ་དུ་ནད་པ46། ཐེ་ཝན་ས་ཁུལ་དུ་ནད་པ605ཡོད་པ་རེད།

ལོ་ཙཱ་བ། ལྷ་ཆེན་རྒྱལ།