འཕྲིན་གསར་དབྱར་གྱི་རྔ་སྒྲ།

སྙིང་ཉེ་བའི་ན་ཆུང་གྲོགས་པོ་རྣམ་པ། 

ཁྱེད་ཅག་གིས་ཡུན་རིང་རེ་སྒུག་བྱས་པའི«གངས་ཅན་བྱིས་གླུ»ད་ལོའི་དྲུག་གཅིག་གི་དུས་ཆེན་དང་འགྲོགས་ནས་ན་ཆུང་བྱིས་པ་དག་གི་རེ་བའི་ཞིང་སར་སྦྲང་ཆར་བཞིན་དབབ་རྒྱུ་ཡིན་ལ། སྒྲ་གཟུགས་གཉིས་ལྡན་གྱི་གླུ་གཞས་བཅོ་ལྔ་ཡི་བདག་ཉིད་ཅན«གངས་ཅན་བྱིས་གླུ»(རོལ་དབྱངས་རིས་དེབ)ནི་གཞོན་སྐྱེས་རོལ་མོ་པ་གླིང་རྒྱལ་འཆི་མེད་ཚེ་རིང་གིས་སྣེ་ཁྲིད་དེ་དམངས་ཁྲོད་གཞས་ཚིག་འཚོལ་སྡུད་དང་དབྱངས་རྟ་གསར་རྩོམ། རོལ་མོ་གསར་བཟོ་དང་སྒྲ་འཇུག འགུལ་རིས་སྣང་བརྙན་གསར་རྩོམ་དང་སྒྲིག་བཟོ།  དེ་མིན་རོལ་དབྱངས་རིས་དེབ་འབྲི་བ་སོགས་ལས་ཀ་ལྷུར་བླངས་ཏེ་ད་ལྟ་དངོས་སུ་པར་སྐྲུན་བགྱིས་ཡོད་པས་འདི་ཡང་རང་ཅག་བྱིས་པ་དག་ལ་མཚོན་ན་ཆེས་རིན་ཐང་བྲལ་བའི་ལེགས་སྐྱེས་ཀྱི་མཆོག་དང་མི་ཚེའི་ཚེ་ནོམ་དུ་འགྱུར་བའི་ཡིད་ཆེས་ཡོད། 

«གངས་ཅན་བྱིས་གླུ»གསར་རྩོམ་གྱི་མི་ལོ་ལྔ་ཡི་རིང་ང་ཚོས་ཡོད་ཚད་བྱིས་པ་དག་གི་ཆེད་དུ་འབུལ་རྒྱུའི་དམ་བཅའ་སྙིང་ལ་བྲིས་ཤིང་བྱིས་པའི་སེམས་ཁམས་དང་མཐུན་པའི་འགུལ་རིས་བྱིས་སྤུས་ལེགས་ཅིག་འཁྱོངས་ཆེད་བོད་ཁུལ་གྱི་བྱིས་སྐྱོང་ཁང་དང་སློབ་ཆུང་བརྒྱ་ལྷག་གི་ནང་དུ་སོང་ནས་བྱིས་པའི་ཁམས་དང་མོས་པར་རྒྱུས་ལོན་དང་མིག་སྔའི་བྱིས་གླུའི་རྣམ་པ་དང་རྒྱུ་སྤུས། གྲངས་ཚད་བཅས་ལ་བརྟག་དཔྱད་དང་ཞིབ་འཇུག་བྱས་པ་དང་། སློབ་གསོ་ཆེད་མཁས་པའི་མདུན་སར་ཐེངས་མང་བཅར་ནས་བློ་དྲིས་ཤིང་གྲོས་ཁ་བསྡུར་ཏེ་ཡང་ནས་བསྐྱར་དུ་བཟོ་བཅོས་དང་ཞུ་དག་ཀྱང་ཐེངས་མང་པོར་བྱས་པ་ཡིན། 

ད་ལྟ«གངས་ཅན་བྱིས་གླུ»དངོས་སུ་པར་སྐྲུན་ལེགས་འགྲུབ་བྱུང་ཡོད་པས་རྒྱ་ཆེའི་ཁྱིམ་བདག་དང་དགེ་རྒན་དག་གི་རེ་བ་སྟོང་ཟད་དུ་མི་གཏོང་བའི་ཡིད་ཆེས་བརྟན་པོ་ཡོད། «གངས་ཅན་བྱིས་གླུ»ནི་ན་ཆུང་བྱིས་པ་དག་གི་མཚར་སྣང་གི་བློ་སྒོ་འབྱེད་པའི་ལྡེ་མིག་དང་བྱིས་པའི་ནང་སེམས་ཀྱི་ལོངས་སྤྱོད་ཅིག་ཀྱང་ཡིན་ངེས་པས་ང་ཚོས་ཀྱང་རང་རེའི་ན་ཆུང་བྱིས་པ་དག་ལུས་སེམས་བདེ་ཐང་ངང་འཚར་ལོངས་ཡོང་བར་མུ་མཐུད་དུ་འབད་པ་ལྷོད་མེད་བྱ་ངེས་སོ། 

སྤྱི་ཟླ་དྲུག་པའི་ཚེས་གཅིག་སྔོན་ལ«གངས་ཅན་བྱིས་གླུ»དངོས་སུ་འགྲེམ་སྤེལ་བྱ་རྒྱུ་ཡིན་པས་བོད་ཁུལ་གྱི་བྱིས་སྐྱོང་ཁང་དང་སློབ་ཆུང་སོ་སོ་ནས་མངགས་ཉོ་བྱས་ཆོག་པས་དུས་ལྟར་ང་ཚོར་འབྲེལ་གཏུགས་བྱས་ཆོག   དེ་ལུགས་ཐུགས་འཇགས་འཚལ། 

«གངས་ཅན་བྱིས་གླུ»ལས་སྒྲུབ་ཚན་ཆུང་ནས།

འབྲེལ་གཏུགས་བྱེད་ས། 

འཆི་མེད་ཚེ་རིང་། ཁ་པར18209714885

ཆོས་འབུམ།  ཁ་པར། 15500585111

“དྲུག་གཅིག”བྱིས་པའི་དུས་ཆེན་ལ་ཕུལ་བའི་ལེགས་སྐྱེས། བོད་ཀྱི་འགུལ་རིས་བྱིས་གླུ་ཐོག་མ《གངས་ཅན་བྱིས་གླུའི》སྔོན་བརྡའི་བརྙན་ཐུང་། https://v.qq.com/x/page/z0868x2tw0q.html 

https://v.qq.com/x/page/r0868xqpm6g.html མི་སྣ་གྲགས་ཅན་དག་གིས་ཕུལ་བའི་ཤིས་ཚིག བརྙན།