ལོ་ངོ་བཞི་བཅུའི་རིང་གི་བོད་ཀྱི་དེང་རབས་རྩོམ་རིག་གི་བགྲོ་གླེང་དང“སྦྲང་ཆར་རྩོམ་རིག་བྱ་དགའ”སྐབས་དགུ་པ་སྤེལ་བའི་་མཛད་སྒོ་ཟི་ལིང་དུ་བསྡུས་པ།

མཚོ་སྔོན་ཞིང་ཆེན་སྲིད་གཞུང་དྲ་བའི་འཕྲིན།  ཟླ9པའི་ཚེས3ཉིན། མཚོ་སྔོན་མི་རིགས་དཔེ་སྐྲུན་ཁང《སྦྲང་ཆར》རྩོམ་སྒྲིག་ཁང་གིས་གཙོ་སྒྲུབ་མཛད་ཅིང་། ལོ་ངོ་བཞི་བཅུ་རིང་གི་བོད་ཀྱི་དེང་རབས་རྩོམ་རིག་བགྲོ་གླེང་ཚོགས་འདུདང་“སྦྲང་ཆར་རྩོམ་རིག་བྱ་དགའ”སྤེལ་པའི་མཛད་སྒོ་ཟི་ལིང་དུ་བསྡུས།

སྐབས་དགུ་པའི་སྦྲང་ཆར་རྩོམ་རིག་བྱ་དགའ་དེ་《སྦྲང་ཆར་རྩོམ་རིག་བྱ་དགའི་དཔྱད་འདེམ་རྩ་དོན》ལྟར། དཔྱད་འདེམ་ཚོགས་པས་ཐོག་མའི་དཔྱད་འདེམ་དང་བར་གྱི་གཤིབ་སྡུར།མཐའ་མའི་ཐག་གཅོད་བཅས་བརྒྱུད་ནསཉིས་སྟོང་བཅོ་ལྔ་ནས་ཉིས་སྟོང་བཅུ་བདུན་ལོའི《སྦྲང་ཆར》དུ་བཀོད་པའི་བརྩམས་ཆོས་ལས་ལྷ་བྱམས་རྒྱལ་གྱི་སྒྲུང་འབྲིང་། 《ང་ནི་ཡར་འབྲོག་གཡུ་མཚོའི་ནང་གི་ཉ་ཞིག་ཡིན》དང་།རང་སྒྲའི་སྒྲུང་འབྲིང་《གོ་ཁྱི》།གཅན་རང་སད་ཀྱི་སྙན་ངག《ཚངས་སྲས་མཆོད་པ》གསུམ་ལ“སྦྲང་ཆར་རྩོམ་རིག་བྱ་དགའ”ཐོབ་པ་དང་།འབྲོང་བུ་རྡོ་རྗེ་རིན་ཆེན་གྱི《སྟག་འབུམ་རྒྱལ་གྱི“ཁྱིའི་སྒྲུང་གཏམ”ཁ་ཤས་བཀླགས་པའི་མྱོང་ཚོར》ལ“སྦྲང་ཆར་དཔྱད་བརྗོད་བྱ་དགའ”ཐོབ།ཚེ་དབང་རྣམ་རྒྱལ་གྱི་སྒྲུང་ཐུང་《གད་སྙིགས》དང་།ལྡེའུ་ཚེ་བརྟན་རྡོ་རྗེ་ཡི་སྒྲུང་ཐུང་《བྱི་བ་གཡུ་ཆུང》གཉིས་ལ“སྦྲང་ཆར་སྨྱུག་གསར་བྱ་དགའ”ཐོབ།