མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མགོ་ལོག་བོད་རིགས་རང་སྐྱོང་ཁུལ་གཅིག་སྒྲིལ་རྫོང་གིས་ཐོག་མཐའ་བར་གསུམ་དུ་ཏང་ཨུའི(ཏང་ཙུའུ)གཞུང་ལུགས་སློབ་སྦྱོང་ལྟེ་གནས་ཚན་ཆུང་གི་སློབ་སྦྱོང་ལེགས་འཛིན་བྱེད་པ་དེ་འགོ་ཁྲིད་ལས་བྱེད་པས་གཞུང་ལུགས་ཆུ་ཚད་དང་བྱ་བའི་ནུས་པ་ཇེ་མཐོ་དང་། འགོ་ཁྲིད་ཚན་ཆུང་གི་བསམ་བློའི་ཆབ་སྲིད་འཛུགས་སྐྲུན་ལ་ཤུགས་སྣོན་པའི་ཐབས་ལམ་གལ་ཆེན་དུ་བརྩིས་པ་དང་། སློབ་སྦྱོང་གི་ནང་དོན་དང་རྣམ་པ། གྲུབ་འབྲས། ལྟ་སྐུལ་སོགས་གནད་འགག་གི་གོ་རིམ་ལ་དམ་འཛིན་བྱས་ཤིང་། རང་འགུལ་གྱིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པས་བསམ་པའི་སྟོབས་བསྐྱེད་པ་དང་ལག་ལེན་ལ་མཛུབ་སྟོན་དང་བྱ་བར་སྐུལ་འདེད་བཅས་བྱས་ཏེ། སློབ་སྦྱོང་གི་སྤུས་འབྲས་མངོན་གསལ་གྱིས་ཇེ་མཐོར་བཏང་།
ཏང་གི་གསར་སྐྲུན་གཞུང་ལུགས་ཀྱི་ཆེས་གསར་པའི་གྲུབ་འབྲས་ལ་དམ་པོར་དམིགས་པ་དང་། “རྒྱལ་དོན་གྱི་ཆེ་ཕྱོགས”དང་སྦྲེལ་ཏེ། “གྲོས་གཞི་དང་པོ”ཡི་ལམ་ལུགས་གཟབ་ནན་གྱིས་དངོས་འབེབས་བྱས། ཐོག་མཐའ་བར་གསུམ་དུ་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་དང་དོན་འཁྱོལ་བྱེད་པ་དེ་གཞུང་ལུགས་སློབ་སྦྱོང་གི“གྲོས་གཞི་དང་པོ”དང“ནང་དོན་དང་པོར”བརྩིས་པ་དང་། ཏང་གི་འཛུགས་སྐྲུན་དང་གྲོང་གསེབ་དར་སྤེལ་སོགས་ཕྱོགས7ལ་དམིགས་པ། སློབ་སྦྱོང་གི་ནང་དོན་ཚན་རིག་དང་མཐུན་པར་བཀོད་སྒྲིག་བྱས་ཏེ། རྒྱུན་དུ་སློབ་པ་དང་རྒྱུན་དུ་གསར་བསྒྱུར། རྒྱུན་དུ་བསམ་གཞིག་གཏོང་བ་དང་རྒྱུན་དུ་གསལ་རྟོགས་བྱེད་པ། རྒྱུན་དུ་ཞིབ་འཇུག་དང་རྒྱུན་དུ་ཐོབ་བྱ་ཡོད་པ་བཅས་བྱས། རིམ་པ་སོ་སོའི་ཏང་ཨུའི(ཏང་ཙུའུ)མི་སྒེར་གྱི་རང་སྦྱོང་དང་ཐུན་མོང་གི་ཞིབ་འཇུག་སློབ་སྦྱོང་། ཐེག་བྱད་གྱི་རོགས་སློབ། བརྟག་ཞིབ་ཀྱི་སློབ་སྦྱོང་ལ་སྐུལ་འདེད་བྱེད་པ། ཆེད་མཁས་པས་སློབ་ཁྲིད་བྱེད་པ་སོགས་སློབ་སྦྱོང་བྱེད་ཐབས་བརྒྱུད། གཞུང་ལུགས་སློབ་སྦྱོང་མིའི་སེམས་སུ་ཟུག་པར་སྐུལ་འདེད་བྱས།
གཅིག་སྒྲིལ་རྫོང་གིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་དགོངས་པ་དོན་འཁྱོལ་དངོས་འབེབས་བྱེད་པའི་ཐབས་ལམ་དང་བྱེད་སྟངས་གསལ་པོར་བྱས་ཏེ། སྤུས་ཚད་མཐོ་བའི་གཞུང་ལུགས་སློབ་སྦྱོང་གི་གྲུབ་འབྲས་དེ་སྤུས་ཚད་མཐོ་བའི་སྐུལ་འདེད་བྱ་བའི་ཐད་དངོས་འབེབས་བྱས། གཅིག་སྒྲིལ་རྫོང་གི་དོན་དངོས་དང་སྦྲེལ་ཞིང་། འཕེལ་རྒྱས་ཀྱི་འདུ་ཤེས་ཡོ་བསྲང་བྱེད་པ། “འཕེལ་རྒྱས་གཏོང་བར་མི་བྲེལ་བའི”བསམ་ཚུལ་དང“གོ་རིམ་ལས་གྲུབ་འབྲས་མི་གཙོ་བའི”འདུ་ཤེས། “སྨན་ཐོ་མེད་ཚེ་སྨན་སྟེར་མི་ཕོད་པའི”བྱེད་ཐབས། “མིག་མདུན་ལས་ཡུན་རིང་མི་བསམ་པའི”བྱེད་ཕྱོགས།“ཞིབ་ཚགས་ལ་དང་དོད་མི་བྱེད་པའི་རྩིང་རགས་ཆེ་བའི”སེམས་ཁམས། “ལས་གཉེར་སྣང་ཆུང་དང་ཐོན་སྐྱེད་གཙོ་བོར་འཛིན་པའི”འདུ་ཤེས་བཅས་སྤངས་པ་དང་། སྤྱོད་ཚུལ་འཛུགས་སྐྲུན་དང་བྱ་བའི་སྒྲུབ་ཐབས་དོན་དངོས་མིན་པ་སོགས་ཀྱི་གནད་དོན་ཐག་གཅོད་པ། ལས་འགན་འཁུར་བའི་ནུས་པ་དང་ཆུ་ཚད་རྒྱུན་ཆད་མེད་པར་ཇེ་མཐོར་བཏང་སྟེ། གོང་འོག་ཚང་མས་བློ་སེམས་གོང་བུར་བསྒྲིལ་ཏེ་འཕེལ་རྒྱས་ལ་སྐུལ་འདེད་དང་ལྷོད་གཡེང་མེད་པར་དངོས་འབེབས་ལེགས་འཛིན་བྱེད་པའི་རྣམ་པ་ལེགས་པོ་གྲུབ།།
