[སྟོབས་ལྡན་རྒྱལ་ཁབ་ལམ་བུར་ཧུར་གྱིས་བརྩོན། ལམ་བུ་གསར་པར་རྒྱང་སྐྱོད་བྱེད། མཚོ་སྔོན་གྱི་གཏམ་རྒྱུད།]གྲོང་གསར་དུ་བསྡད་ནས་རྣམ་པ་གསར་པ་བརྗེས་ནས་བདེ་སྐྱིད་ལྡན་པའི་འཚོ་བ“ཧ་ཅང་བརྟན་པོ་འདུག”

སྟོན་དུས་ཀྱི་ནམ་མཁའ་དྭངས་ཤིང་གཙང་ལ་ཉི་འོད་རབ་ཏུ་འཕྲོ་བ་དང་།ཙོང་ཆུ་ཤར་ཕྱོགས་སུ་རྒྱུག་བཞིན་མཚོ་སྔོན་ཞིང་ཆེན་མཚོ་ཤར་གྲོང་ཁྱེར་རྨ་ཆུ་དང་ཙོང་ཆུའི་ཁུལ་གསར་དུ་བརྒྱུད་མྱོང་ཡོད།དེ་སྔ་མཚོ་ཤར་གྲོང་ཁྱེར་ཧོར་གྲོང་ཧོར་རིགས་རང་སྐྱོང་རྫོང་ཀའོ་ཀྲའེ་གྲོང་རྡལ་གྱི་ཞིང་པ་རྣམས་ད་ཆ་དེ་གའི་གྲོང་མིར་གྱུར་ནས་ཐོག་ཁང་མང་པོ་དང་།ཚོང་ལས་འཁྲུག་ཆ་དོད་པ།མེ་ཏོག་དང་མེ་ཏོག་དྲི་ཞིམ་འཐུལ་བའི་གྲོང་གསར་དུ་འཚོ་བ་གསར་པ་སྐྱེལ་བཞིན་ཡོད།

ཉེ་སྔོན། གསར་འགོད་པས་ཁུལ་གསར་གྱི་ཡངས་ཤིང་རྒྱ་ཆེ་བའི་དབྱི་ཁུལ་ལམ་བརྒྱུད་ཀའོ་ཀྲའེ་ཁྲོམ་གཞུང་ཤིས་ཀྲོང་གྲོང་ཚོའི་C1ཁུལ་ཆུང་དུ་བསྐྱོད།ཁུལ་ཆུང་ནང་གི་ཡངས་ཤིང་རྒྱ་ཆེ་བའི་རིག་གནས་ཐང་ཆེན་མིག་ལམ་དུ་འཆར་བ་དང་།དམར་མདངས་བཀྲ་བའི་སྐར་ལྔའི་དར་དམར་མཐོན་པོར་ལྷབ་ལྷུབ་ཏུ་གཡོ་བཞིན་ཡོད་པ་དང་།ཁང་པ་ཡག་པོ་རེ་རེ་བཞིན་གྲལ་སྟར་འགྲིག་པོར་ཡོད།ལོ་57ལ་སླེབས་པའི་ཕེང་ཅུས་ཁྱིམ་ནས་ཐོན་ཏེ་མེ་ཏོག་སྣ་ཚོགས་ལ་ལྟ་བཞིན་ཡོད་པ་དང་ངོ་གདོང་ནས་བདེ་སྐྱིད་ཀྱི་འཛུམ་མདངས་འཕྱུར་བཞིན་ཡོད།

“དེ་སྔ་གྲོང་གསེབ་ཏུ་སྡོད་སྐབས་རྨོ་ཞིང་ཉུང་བས་ང་ཚོའི་ནང་མི་ཚོས་ཐབས་ཤེས་གང་ཡོད་བཏོན་ནས་ཡོང་འབབ་གསོག་ཐབས་བྱས་ཏེ་ཁྱིམ་ཚང་གཅིག་གི་འཚོ་བ་ཧ་ཅང་སྐྱིད་པོ་སྐྱེལ་གྱི་ཡོད།གནས་སྤོ་བྱས་རྗེས་འཚོ་བར་འགྱུར་ལྡོག་ཆེན་པོ་བྱུང་བ་དང་།གློག་སྐས་ནང་སྡོད་ཀྱི་ཡོད།ཁྲོམ་གཞུང་རྒྱ་ཆེ་ལ་གཙང་སྦྲ་དོད་པ།ཆུ་གློག་ཆ་ཚང་བ་བཅས་ཡོད་པས་འཚོ་བ་ཉིན་རེ་ལས་ཉིན་རེར་བརྟན་པོ་ཡོད”ཅེས་ཕེང་ཅུས་ཀྱིས་དགའ་སྤྲོའི་ངང་གསར་འགོད་པར་བཤད།

དེ་སྔའི་ཀའོ་ཀྲའེ་གྲོང་རྡལ་ནི་ཟི་ལིང་ཚའོ་ཅ་པའོ་རྒྱལ་སྤྱིའི་གནམ་ཐང་དང་འབྲེལ་བ་ཡོད་ཀྱང་ཤར་ངོས་ནི་མཚོ་ཤར་གྲོང་ཁྱེར་ཕིང་ཨན་ཆུས་དང་ནུབ་ཕྱོགས་ནི་མཚོ་སྔོན་ཞིང་ཆེན་ཟི་ལིང་གྲོང་ཁྱེར་ཡིན་པས་འགྲིམ་འགྲུལ་སྟབས་བདེ་ཡོད་མོད།འོན་ཀྱང་མི་མང་ལ་ས་ཞིང་ཉུང་བས་གྲོང་མི་མང་ཆེ་བས་ཕྱིར་གླ་པར་བསྐྱོད་རྒྱུ་གདམ་ག་བྱེད་དགོས་པ་དང་ཕྱོགས་གཞན་ཞིག་ནས་ཁྱིམ་གྱི་རྒན་གཞོན་སེམས་ཁྲལ་བྱེད་དགོས་པ་དང་འཚོ་བ་ཡག་པོ་མེད་པས་ལག་རྩལ་སྣ་གཅིག་ཀྱང་མེད་པའི་གྲོང་མི་ཚོའི་ངོས་ནས་བརྗོད་ན་དེ་བས་དཀའ་ཚེགས་ཆེན་པོ་ཡོད།

2011ལོར་ཀའོ་ཀྲའེ་གྲོང་རྡལ་གྱི་ས་ཆ་བསྡུ་སྤྱོད་དང་བཤིག་སྤོ་བྱས་པ་དང་གྲོང་རྡལ་ཡོངས་ཀྱི་གྲོང་ཚོ་8ཚང་མ་རྨ་ཆུ་དང་ཙོང་ཆུའི་ཁུལ་གསར་དུ་སྤོས་པ་དང་།2022ལོར་ཀའོ་ཀྲའེ་ཁྲོམ་གཞུང་དུ་བཙུགས་པ་དང་ཁྱོན་སྲིད་འཛིན་གྲོང་ཚོ་15ལ་དོ་དམ་བྱེད་ཀྱི་ཡོད།

དེ་སྔ་ཤིང་བཤགས་ནས་ཆུ་ལེན་པའི་ལག་པ་གཉིས་ཀྱིས་ད་ཆ་རིག་ནུས་ཁྱིམ་སྤྱོད་གློག་ཆས་བྱང་ཆུབ་པའི་ངང་སྤྱོད་བཞིན་ཡོད།དེ་སྔ་ས་སྐས་ཀྱི་ཁང་པར་སྡོད་ཀྱི་ཡོད་པ་དང་ད་ཆ་ཐོག་བརྩེགས་ཁང་ཆེན་དུ་སྡོད་རྒྱུ་བྱུང་ནས་བདེ་སྡོད་ཀྱི་ཕུགས་འདུན་མངོན་འགྱུར་བྱུང་ཡོད།

འོན་ཀྱང་སྡོད་ཐུབ་པ་ནི་རྨང་གཞི་ཙམ་ཡིན་པ་དང་།བརྟན་པོ་ཡོང་རྒྱུ་ནི་གནད་འགག་ཡིན།ཞིང་པར་ས་ཞིང་མེད་ན་སྒོར་མོ་ཇི་ལྟར་བཙལ་ནས་ཁྱིམ་ཚང་སྐྱོང་རྒྱུ་ནི་གནད་དོན་ཆེན་པོ་ཞིག་རེད།

“མང་ཚོགས་ཀྱི་ལས་ཞུགས་གནད་དོན་ནི་ང་ཚོའི་ཏང་འཛུགས་སྐྱོང་གིས་གྲོང་གསེབ་དར་རྒྱས་ལ་སྣེ་ཁྲིད་བྱེད་པའི་གལ་ཆེའི་ནང་གི་འགངས་ཆེན་ཞིག་ཡིན”ཀའོ་ཀྲའེ་ཁྲོམ་གཞུང་དོན་གཅོད་ཁྲུའུ་ཡི་ཀྲུའུ་རེན་གཞོན་པ་མ་ཚུའེ་དབྱིང་གིས་ལས་ཞུགས་བརྟན་པོ་ཡོང་བ་བྱ་རྒྱུ་ནི་རྨང་གཞི་ཡིན་པ་དང་ཀའོ་ཀྲའེ་ཁྲོམ་གཞུང་གིས་ཁོངས་གཏོགས་ཁུལ་གྱི་ངལ་རྩོལ་ནུས་ཤུགས་ཀྱི་རྨང་གཞིའི་ཆ་འཕྲིན་གསེད་བཀྲོལ་བྱས་པ་དང་ཁྲོམ་རའི་དགོས་མཁོ་དང་ཟུང་འབྲེལ་བྱས་ཏེ་ལོ་འཁོར་མོར་ལས་ཞུགས་རྩལ་ནུས་གསོ་སྦྱོང་བྱས་ནས་མང་ཚོགས་ཀྱི་ལས་ཞུགས་བརྟན་པོའི་རང་བཞིན་དང་ཧུར་སེམས་ཟམ་མི་ཆད་པར་ཆེ་རུ་གཏོང་དགོས།

ཕེང་ཅུས་ལ་ལོ་མང་རིང་ཁྱིམ་ལས་ལག་ལེན་གྱི་ཉམས་མྱོང་ཡོད་པའི་དབང་གིས་བདམས་རྗེས་ཁྱིམ་ལས་ཞབས་ཞུའི་རྩལ་ནུས་གསོ་སྦྱོང་ནང་ཞུགས་ཡོད།

གསོ་སྦྱོང་སྐོར་གླེང་སྐབས།ཕེང་ཅུས་ཧྲེན་ཚའེ་དབྱི་དབྱིས“ངས་ཁྱིམ་ལས་ལོ་10ལྷག་ཙམ་བྱས་ཀྱང་ཆེད་ལས་རང་བཞིན་མི་འདང་བ་དང་ཁྲོམ་གཞུང་རྩ་འཛུགས་ཀྱི་གསོ་སྦྱོང་ཆེད་ལས་རང་བཞིན་ཆེ་བ་དང་།དུས་འཁོར་རིང་བ།རྣམ་གྲངས་ཆ་ཚང་བ་བཅས་ཡོད།ཟླ་གཅིག་རིང་གསོ་སྦྱོང་བྱས་པ་བརྒྱུད་ང་ལ་རྩལ་ནུས་ལག་ཁྱེར་བདེ་བླག་ངང་རག་བྱུང་།སླད་ཕྱིན་ཟླ་བ་རེར་སྲུ་མོ་བྱས་ཚེ་ཟླ་རེར་ཡོང་འབབ་སྒོར་ཁྲི་1ཙམ་ཡོང་གི་ཡོད”ཅེས་བཤད།

ད་དུང་ཏུང་གྲོང་ཚོའི་E3ཁུལ་ཆུང་གི་ཧན་ཙི་ཞང་སློབ་གྲྭ་ཐོན་རྗེས་ཁྱིམ་དུ་ལས་ཀ་བྱེད་བཞིན་ཡོད།ཁྲོམ་གཞུང་གིས་གཡོས་སྦྱོར་གསོ་སྦྱོང་སྒྲིག་འཛུགས་བྱས་པ་ཐོས་རྗེས་ཧན་ཙི་ཞང་གིས་ཚོད་ལྟ་ཞིག་བྱེད་པའི་རྣམ་འགྱུར་བཟུང་ནས་མིང་ཐོ་བཀོད་པ་རེད།ལོ་ཕྱེད་ཙམ་བསླབས་ན་ཇི་ཙམ་བསླབས་ན་དེ་ཙམ་གྱིས་སྤྲོ་བ་ཆེ།ཁོང་གིས་གསོ་སྦྱོང་གི་ནང་དོན་ཚང་མ་བདེ་བླག་ངང་སྦྱངས་ནས་ཁྱིམ་ཚང་གསོ་བའི་ལག་རྩལ་ཞིག་ཁོང་དུ་ཆུད་པ་རེད།

ད་ཆ་ཧན་ཙི་ཞང་གིས་སྒོ་འགྲམ་གྱི་ཇ་ཁང་ཞིག་ཏུ་ཐབ་ཚང་ཆེན་པོ་བྱས་པ་དང་ཟླ་རེར་གླ་ཆ་སྒོར་8000ཡོད་པ་རེད།ཧན་ཙི་ཞང་གིས་ཏན་ཏན་ཏིག་ཏིག་གིས་ཡོང་འབབ་བརྟན་པོར་བརྟེན་ནས་གཉེན་སྒྲིག་བྱས་ནས་ཕྲུ་གུ་སྐྱེས་པ་རེད།ད་ཆ་ཨ་ཕ་དང་བཟའ་ཟླས་ཀྱང་ཁོང་དང་མཉམ་དུ་ཟ་ཁང་དུ་ལས་ཀ་བྱེད་ཀྱི་ཡོད་པས་ནང་མི་ཚང་མར་ཟླ་རེར་ཡོང་འབབ་སྒོར་ཁྲི་གཉིས་ཙམ་ཡོད།

“ལས་ཀ་དེ་ཧ་ཅང་བརྟན་པོ་ཡོད།ད་དུང་སྒོ་རྩར་ཡོད།ད་ཐེངས་ཀྱི་གསོ་སྦྱོང་མ་བྱས་ཚེ་ད་ལྟའི་ང་གང་འདྲ་ཞིག་ཡིན་པ་ད་དུང་ཤེས་ཀྱི་མེད།ད་ཆ་ངས་ནང་མི་དང་མཉམ་དུ་འབད་བརྩོན་བྱས་ཚེ་དངུལ་རག་ཐུབ་པ་མ་ཟད།ཁྱིམ་ལ་ལྟ་རྟོག་ཡག་པོ་བྱེད་ཐུབ་ཀྱི་ཡོད”ཅེས་ཧན་ཙི་ཞང་གིས་སེམས་འགུལ་ཆེན་པོ་ཐེབས་བཞིན་བཤད།

ད་ཆ་གནས་སྤོས་མང་ཚོགས་ལ་ལས་ཞུགས་ཞབས་ཞུ་དེ་བས་ལེགས་པ་བྱ་ཆེད།ཀའོ་ཀྲའེ་ཁྲོམ་གཞུང་གིས“རོགས་རེས་ཁྱིམ་ལས”ཀྱི་སྤུས་རྟགས་ཀྱི་ཕན་འབྲས་ལ་བརྟེན་ནས་“རོགས་རེས་ཁྱིམ་ལས་”ཀྱི་སྤུས་རྟགས་ཀྱི་ཕན་འབྲས་ལ་བརྟེན་ནས་“རོགས་རེས་ཁྱིམ་ལས་གཙང་པོ་དང་ཙོང་ཆུའི་ཁུལ་གསར་གྱི་ལས་ཞུགས་ཞབས་ཞུའི་ས་ཚིགས”བཏོད་དེ་མཁོ་སྤྲོད་ཆ་འཕྲིན་གཅིག་སྡུད་བྱས་ནས་ཚང་མར་དེ་བས་སྲ་ཞིང་བརྟན་པའི་ཞབས་ཞུའི་འདེགས་སྐྱོར་བྱེད་བཞིན་ཡོད།

སྤོ་ཐུབ་པ་དང་།བརྟན་པོ་སྡོད་ཐུབ་པ།ཕྱུག་པོ་ཆགས་ཐུབ་པ་བཅས་ནི་ཀའོ་ཀྲའེ་ཁྲོམ་གཞུང་གི་ལས་བྱེད་པ་ཡོངས་ཀྱི་བྱ་སྤྱོད་ཕྱོགས་སྟོན་ཡིན་ལ་མང་ཚོགས་ཀྱི་ད་ཆའི་བདེ་སྐྱིད་འཚོ་བའི་མཚོན་ཚུལ་ངོ་མ་ཞིག་ཀྱང་རེད།

ལོ་ལྟར་དུས་ངེས་མེད་ངང་གཉེར་བའི་ལས་རིགས་རྩལ་ནུས་གསོ་སྦྱོང་འཛིན་གྲྭ་དང་ཁེ་ལས་ཀྱི་གདན་ཞུས་བརྒྱུད།གནས་སྤོས་མང་ཚོགས་ཀྱི་འབབ་འཕར་ཐབས་ལམ་རྒྱུན་ཆད་མེད་པར་རྒྱ་ཆེར་ཕྱིན་པ་དང་།ད་ཆ་ཀའོ་ཀྲའེ་བའི་ཁྱིམ་ཚང་ཚང་མར་རླངས་འཁོར་ཡོད་པ་དང་མི་ཚང་མས་ཁྱིམ་ཚང་སྐྱོང་བའི་རྩལ་ནུས་ཁོང་དུ་ཆུད་པ་མ་ཟད།གྲོང་ཚོ་ཡང་ཐོན་ལས་དར་རྒྱས་དང་མདུན་ལམ་ཆེན་པོ་ཡོད།

ལོ་7རིང་ཤིས་དབན་གྲོང་ཚོའི་ཏང་ཀྲི་པུའི་ཧྲུའུ་ཅི་ཡིན་པའི་དབྱང་ཅེ་ཡིས“དེ་སྔའི་ཤིས་དབན་གྲོང་ཚོའི་མཉམ་སྡེབ་དཔལ་འབྱོར་དབུལ་ཞིང་ཕོངས་པ་དང་མི་སེར་ཚོས་ལས་ཀ་ཧུར་ཐག་བྱས་ཀྱང་འབབ་འཕར་ཡོང་དཀའ་བ་དང་སེམས་ཁྲལ་ཆེན་པོ་འདུག”ཅེས་བཤད།

ད་ཆ་ཤིས་དབན་གྲོང་ཚོར་ཧོར་གྲོང་རྫོང་དང་རྨ་ཆུ་དང་ཙོང་ཆུའི་ཁུལ་གསར་དུ་རང་ཉིད་ལ་དབང་བའི་ཚོང་ཁང་ཡོད་པ་མ་ཟད།ད་དུང་ས་ཆ་བོགས་གཏོང་གྲོན་དངུལ་སོགས་ཀྱང་ཡོད།ད་ཆ་གྲོང་ཚོའི་མཉམ་སྡེབ་དཔལ་འབྱོར་ཡོང་འབབ་སྒོར་ཁྲི་50ཟིན་གྱི་ཡོད།དུས་ཚོད་བརྗེ་རེས་བྱས་པ་དང་བསྟུན་ནས་ད་དུང་རྒྱུན་ཆད་མེད་པར་མང་དུ་འགྲོ་གི་ཡོད།

དབྱང་ཅེ་ཡིས“ཁྱེད་ཀྱིས་ཚང་མ་བྲེལ་བ་ཆེན་པོ་མེད་ཅེས་བརྗོད་ཀྱི་ཡོད།ཁུལ་ཆུང་ནང་རྒན་རྒོན་དང་ཕྲུ་གུ་ཁ་ཤས་ལས་མེད་ཀྱང་།ན་གཞོན་ཚོས་དངུལ་གསོག་རྒྱུར་བྲེལ་བཞིན་ཡོད་ལ།གྲོང་ཚོའི་ལས་བྱེད་པས་ཀྱང་ངར་ཤུགས་ཆེན་པོ་ལྡན་པས།ས་བབ་ཀྱི་ལེགས་ཆ་སྤྱད་དེ་ཁྱིམ་ཚང་མགྲོན་ཁང་བསྐྲུན་རྒྱུའི་འཆར་འགོད་བྱེད་བཞིན་ཡོད”ཅེས་བཤད།

དབྱང་ཅེ་ཡི་སྐད་ཆ་ལྟར་ན།ལོ་བཅུ་ལྷག་ཙམ་རིང་ཀའོ་ཀྲའེ་གྲོང་ཚོའི་འགྱུར་ལྡོག་ནི་གནམ་ས་བླ་འོག་ཏུ་འགྱུར་བ་ལྟ་བུ་ཞིག་ཡིན་པ་དང་གྲོང་མིའི་བསམ་པའི་ཉམས་འགྱུར་ཡང་ཉིན་རེ་བཞིན་གཅིག་འདྲ་ཡིན་པས་ཚང་མ་འཚོ་བ་དེ་བས་ཡག་པོ་ཞིག་ཏུ་སྐྱོད་བཞིན་ཡོད།

གནམ་སྔོན་སྔོ་ལྗང་དང་།མཁའ་རླུང་གཙང་བ།བདེ་སྡོད་ལས་བརྩོན་བཅས་ཀྱི་ཐོག་ནས་གནས་སྤོས་མང་ཚོགས་ཚོ་རྨ་ཆུ་དང་ཙོང་ཆུའི་ཁུལ་གསར་དུ་རྩ་བ་ཚུགས་པ་དང་།ལུས་པོ་བརྟན་པོ་ཡོང་བ།སེམས་བདེ་ལ་འཁོད་པ་བཅས་བྱས་ཏེ་ཉམས་འགྱུར་གྱི“བདེ་སྐྱིད་གྲོང་ཁྱེར”དེ་ཉིན་ལྟར་འཕེལ་རྒྱས་བྱུང་ཡོད།