ཟླ11པའི་ཚེས28ཉིན། མཚོ་སྔོན་ཞིང་ཆེན་གྱི་བདེན་མཐོང་དཔའ་སྐྱེད་ཀྱི་དཔའ་བོའི་མིག་དཔེ་ཡི་བྱམས་བརྩེའི་རོགས་སྐྱོར་ལས་གཞིའི་མ་དངུལ་སྤྲོད་པའི་མཛད་སྒོ་ཟི་ལིང་དུ་བསྡུས། མཚོ་སྔོན་ཞིང་ཆེན་གྱི་བདེན་མཐོང་དཔའ་སྐྱེད་ཐེབས་རྩ་ཚོགས་པས་བདེན་མཐོང་དཔའ་སྐྱེད་ཀྱི་དཀའ་ཁག་ཡོད་པའི་ཁྱིམ་ཚང་སོ་ལྔ་དང་སློབ་རོགས་བྱ་ཡུལ་བཅོ་ལྔ། དཔའ་བོའི་མིག་དཔེ་གཉིས་བཅས་ལ་ནད་ཚབས་ཆེན་གྱི་སྨན་བཅོས་རོགས་སྐྱོར་མ་དངུལ་ཁྱོན་བསྡོམས་སྒོར་འབུམ་བཞི་དང་ཁྲི་དགུ་སྟོང་གཅིག་གི་རོགས་སྐྱོར་མ་དངུལ་དང་སློབ་རོགས་མ་དངུལ་བྱིན་ནས། དཔའ་བོའི་ཁྱིམ་ཚང་ལ་རྒྱབ་བརྟེན་བརྟན་པོ་བསྐྲུན།
ཚོགས་འདུའི་སྟེང་། ཟི་ལིང་གྲོང་ཁྱེར་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་དང་། མཚོ་ཤར་གྲོང་ཁྱེར་ཏང་ཨུའི་སྲིད་ཁྲིམས་ཨུ་ཡོན་ལྷན་ཁང་། བྱམས་བརྩེའི་རོགས་སྐྱོར་ལས་གཞིའི་རོགས་སྐྱོར་བྱ་ཡུལ་བཅས་ཀྱིས་གཏམ་བཤད།
བྱམས་བརྩེའི་རོགས་སྐྱོར་ལས་གཞི་ནི་སྙིང་རྗེའི་ལས་གཞི་ཞིག་ཡིན་པའི་ཆ་ནས། མཚོ་སྔོན་ཞིང་ཆེན་གྱི་བདེན་མཐོང་དཔའ་སྐྱེད་ཐེབས་རྩ་ཚོགས་པས་རྩ་འཛུགས་བྱས་པ་ཡིན་ལ། 2020ལོ་ལས་གཞི་སྤེལ་བའི་ཚུན་ལ། དཀའ་ཁག་ཡོད་པའི་ཁྱིམ་ཚང་གི་གནད་འཁེལ་རོགས་སྐྱོར་དང་། དཔའ་བོའི་མིག་དཔེ་དང་དེའི་བུ་བུ་མོའི་སློབ་རོགས། དཔའ་བོའི་མིག་དཔེའི་ནད་ཚབས་ཆེན་གྱི་སྨན་བཅོས་རོགས་སྐྱོར་བཅས་བརྒྱུད་དེ། བདེན་མཐོང་དཔའ་སྐྱེད་ཀྱི་དཔའ་བོའི་མིག་དཔེ་མི་ཐེངས་ཉིས་བརྒྱ་བཅུ་གཉིས་ལ་རོགས་སྐྱོར་བྱས་པ་དང་། རོགས་སྐྱོར་མ་དངུལ་ས་ཡ་གཉིས་དང་འབུམ་གཅིག་ཁྲི་གཅིག་དང་སྟོང་གཉིས་བཏང་ནས། སྤྱི་ཚོགས་ཀྱི་ཚུར་སྣང་ལེགས་པོ་ཐོབ།
བདེན་མཐོང་དཔའ་བསྐྱེད་ཐེབས་རྩ་ཚོགས་པའི་འབྲེལ་ཡོད་འགོ་ཁྲིད་ཀྱིས་བསྟན་དོན། མུ་མཐུད་དུ་ཐེབས་རྩ་ཚོགས་པའི་སྤྱི་ཕན་སྙིང་རྗེའི་བྱ་འགུལ་རྒྱ་ཁྱབ་ཏུ་དྲིལ་བསྒྲགས་བྱས་ཏེ། བདེན་མཐོང་དཔའ་བསྐྱེད་ཐེབས་རྩ་ཚོགས་པའི་སྔོན་ཐོན་བྱ་བཞག་དྲིལ་བསྒྲགས་བྱེད་པའི་ཇུས་གཞི་བཟོ་བ་དང་། སྙིང་རྗེའི་ལས་གཞི་ཟད་གྲོན་གཏིང་ཟབ་བྱེད་པ། ཐོག་མཐའ་བར་གསུམ་དུ་དཔེ་ལེགས་མི་སྣ་དང་ཁྱིམ་ཚང་གི་དྲོད་ཁོལ་སེམས་སུ་ཉར་བ། མུ་མཐུད་དུ་ལེགས་འགོག་འགན་སྲུང་བྱ་བ་ལེགས་པོར་སྒྲུབ་པ་རྒྱུན་འཁྱོངས་བྱེད་པ། འབད་བརྩོན་བྱས་ཏེ་ཚང་མའི་སེམས་ཁྲལ་སེལ་ཏེ། དཔེ་ལེགས་མི་སྣས་རེ་རེར་ཏང་དང་སྲིད་གཞུང་གི་དྲོད་ཁོལ་དང་སྤྱི་ཚོགས་ཀྱི་ཕྱོགས་སོ་སོའི་བརྩི་མཐོང་དང་བྱམས་སེམས་ཚོར་དུ་འཇུག་དགོས།