མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
མཚོ་སྔོན་གསར་འགྱུར་དྲ་བའི་འཕྲིན། ཟླ11པའི་ཚེས27ཉིན། མཚོ་སྔོན་མཚོ་ལྷོའི་དག་གཙང་ནུས་ཁུངས་ཕྱིར་འདྲེན་རྟེན་གཞིའི་གློག་ཁུངས་ལས་གཞིའི་མགོ་རྩོམ་མཛད་སྒོ་ཟི་ལིང་གྲོང་ཁྱེར་དུ་ལས་འགོ་བརྩམས་པ་དེས། མཚོ་སྔོན་གྱི་གློག་ཧི་ནན་ཞིང་ཆེན་དང་ཀོང་ཞི་ཀྲོང་རིགས་རང་སྐྱོང་ལྗོངས་གཉིས་སུ་ཕྱིར་འདྲེན་བྱས་རྗེས། མཚོ་སྔོན་གྱི་ལྗང་མདོག་ནུས་ཁུངས་རྒྱུད་ལམ་གསུམ་པས་མཚོ་སྔོན་གྱི་གློག་ཀོང་ཏུང་ཞིང་ཆེན་དུ་ནང་འདྲེན་བྱེད་འགོ་བརྩམས་པ་མཚོན། ཞིང་ཆེན་ཏང་ཨུའི་ཧྲུའུ་ཅི། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་ཝུའུ་ཞའོ་ཅུན་དང་། ཞིང་ཆེན་ཏང་ཨུའི་ཧྲུའུ་ཅི་གཞོན་པ། ཧྲིན་ཀྲང་ལའོ་ཏུང་ཁྲོན། རྒྱལ་ཁབ་གློག་ཤུགས་དངུལ་གཏོང་ལྷན་ཚོགས་ཀྱི་ཏང་ཙུའུ་ཧྲུའུ་ཅི། རྐང་གཉེར་དབུ་གཙོ་ལིའུ་མིང་ཧྲིན། རྒྱལ་ཁབ་གློག་ཤུགས་དངུལ་གཏོང་སྡེ་ཚོགས་ཀྱི་སྤྱི་གཉེར་བ། ཏང་ཙུའུ་ཧྲུའུ་ཅི་གཞོན་པ་ཞིས་ཧྲུའུ་པེའུ། ཀོང་ཏུང་ཞིང་ཆེན་གྱི་འབྲེལ་ཡོད་བློ་མཐུན་བཅས་ལས་གཞི་འགོ་རྩོམ་མཛད་སྒོར་ཞུགས་པར་མ་ཟད། ལྷན་དུ་གློག་ཁུངས་ལས་གཞི་མགོ་རྩོམ་དུ་བཅུག ལའོ་ཏུང་ཁྲོན་དང་ལིའུ་མིང་ཧྲིན་གྱིས་ཤིས་ཚིག་ཕུལ།
བྱ་འགུལ་གྱི་སྐབས་སུ། ཝུའུ་ཞའོ་ཅུན་དང་ལའོ་ཏུང་ཁྲོན་གྱིས་ལིའུ་མིང་ཧྲིན་དང་ཞིས་ཧྲུའུ་པེའུ་ལ་བཞུགས་མོལ་གནང་བ་དང་། ཞིང་ཆེན་ཏང་ཨུ་དང་ཞིང་ཆེན་སྲིད་གཞུང་གི་ཚབ་བྱས་ཏེ་ལས་གཞིའི་ལས་འགོ་བརྩམས་པར་རྟེན་འབྲེལ་ཞུས་པར་མ་ཟད། རྒྱལ་ཁབ་གློག་ཤུགས་དངུལ་གཏོང་སྡེ་ཚོགས་ཀྱིས་ཡུན་རིང་བོར་མཚོ་སྔོན་གྱི་འཕེལ་རྒྱས་ལ་དོ་སྣང་དང་རྒྱབ་སྐྱོར་བྱས་པར་བཀའ་དྲིན་ཞུས། དུས་རབས་གསར་བར་སླེབས་པ་ནས་བཟུང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་དག་གཙང་ནུས་ཁུངས་སྐོར་ལ་གསུང་བཤད་གལ་ཆེན་རབ་དང་རིམ་པ་གནང་བ་ནི། མཚོ་སྔོན་གྱིས་རྒྱལ་ཁབ་དག་གཙང་ནུས་ཁུངས་ཐོན་ལས་ཀྱི་མཐོ་ས་བསྐྲུན་པའི་རྩ་བའི་གཞི་འཛིན་ས་ཡིན་ཞེས་ནན་གྱིས་བསྟན། མཚོ་ལྷོའི་དག་གཙང་ནུས་ཁུངས་ཕྱིར་འདྲེན་རྟེན་གཞིའི་ལས་གཞི་ལས་འགོ་བརྩམས་པ་ནི། ང་ཚོས་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་བཞི་བའི་དགོངས་དོན་དང་སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་བྱ་བར་བཏོན་པའི་བླང་བྱ་གལ་ཆེན་ལག་ལེན་བྱས་པའི་གྲུབ་འབྲས་གཙོ་བོའང་ཡིན། རེ་བར་ཕྱོགས་གཉིས་ཀྱིས་དེ་གོ་སྐབས་ཤིག་ཏུ་བཟུང་ནས། སྔར་ལས་ལྷག་པའི་སྒོ་ནས་མཉམ་ལས་ཟབ་སྤེལ་དང་། དེ་ལས་མང་བའི་དག་གཙང་ནུས་ཁུངས་ཀྱི་སྤྱི་སྟེགས་མཚོ་སྔོན་དུ་གཞི་ཆགས་པར་སྐུལ་འདེད་གཏོང་བ། དེ་ལས་མང་བའི་ཚན་རྩལ་གྲུབ་འབྲས་ས་གནས་ནས་གཞན་བསྒྱུར་ཐུབ་པ་བཅས་བྱས་ཏེ། རྒྱལ་ཁབ་ཀྱིས་མགྱོགས་མྱུར་ངང་རྣམ་པ་གསར་བའི་ནུས་ཁུངས་མ་ལག་འཛུགས་པར་མཚོ་སྔོན་ཀྱི་བྱས་རྗེས་འཇོག་དགོས། འབྲེལ་ཡོད་སྡེ་ཁག་གིས་རྒྱུ་རྐྱེན་གྱི་འགན་སྲུང་ཤུགས་ཆེར་བཏང་སྟེ། ལས་གཞི་སྔ་མོ་ནས་འཛུགས་གྲུབ་བྱེད་པ་དང་སྔ་མོ་ནས་ཐོན་སྐྱེན་བྱེད་པ། སྔ་མོ་ནས་ནུས་པ་ཐོན་པ་བཅས་ལ་ཆ་རྐྱེན་བཟང་བོ་བསྐྲུན་དགོས།
ལའོ་ཏུང་ཁྲོན་གྱི་ཤིས་ཚིག་ཁྲོད་བསྟན་དོན། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་མཚོ་སྔོན་གྱི་འཕེལ་རྒྱས་ལ་ཐུགས་ཁུར་གནང་བཞིན་ཡོད་ལ། མཚོ་སྔོན་ལ“རྒྱལ་ཁབ་དག་གཙང་ནུས་ཁུངས་ཐོན་ལས་ཀྱི་མཐོ་ས་བསྐྲུན་པའི”ལས་འགན་གལ་ཆེན་བསྩལ་བ་རེད། མཚོ་སྔོན་གྱིས་མངག་བཅོལ་ཡིད་ལ་དམ་པོར་འཛིན་པ་དང་དྲིན་ཚོར་ཡར་བརྩོན་བྱས་ཏེ། རྒྱལ་ཁབ་ཀྱི་འབྲེལ་ཡོད་པུའུ་ཨུ་དང་ཀྲུང་དབྱང་ཁེ་ལས། སྤུན་ཟླའི་ཞིང་ཆེན་དང་གྲོང་ཁྱེར་གྱི་རྒྱབ་སྐྱོར་ཆེན་པོའི་འོག རྒྱལ་ཁབ་དག་གཙང་ནུས་ཁུངས་ཐོན་ལས་ཀྱི་མཐོ་ས་འཛུགས་བསྐྲུན་བྱེད་པའི“འགུལ་སྐྱོད་ཆེན་པོ་དྲུག”ལ་ཏན་ཏིག་གིས་སྐུལ་འདེད་བཏང་སྟེ། དག་གཙང་ནུས་ཁུངས་དེ་མཚོ་སྔོན་གྱི་སྤུས་ཚད་མཐོ་བའི་འཕེལ་རྒྱས་ཀྱི་སྒུལ་ནུས་གསར་བ་དང་ལེགས་ཆ་གསར་བར་གྱུར་ཡོད། མཚོ་ལྷོའི་དག་གཙང་ནུས་ཁུངས་ཕྱིར་འདྲེན་རྟེན་གཞིའི་གློག་ཁུངས་ལས་གཞི་ནི་རྒྱལ་ཡོངས་ཀྱི་གློག་ཁུངས་གཞི་ཁྱོན་ཆེས་ཆེ་བ་དང་། ནུས་ཁུངས་གསར་བའི་ཟིན་ཚད་ཆེས་མཐོ་བའི་ཕྱིར་འདྲེན་རྟེན་གཞི་ཡིན་ལ། རང་ཞིང་གི་རྒྱལ་ཁབ་ལྗང་མདོག་ནུས་ཁུངས་རྒྱུད་ལམ་གསུམ་པ་ཡིན་པས། ངེས་པར་དུ་ས་ཁུལ་མཐུན་སྦྱོར་འཕེལ་རྒྱས་ལ་སྐུལ་འདེད་དང་རྒྱལ་ཁབ་ཀྱི‘ཐཱན་གཉིས’འཐབ་ཇུས་ལ་ཞབས་ཞུ་བྱེད་པའི་དུས་རབས་ཀྱི་འགན་འཁྲི་ཕྲག་ཏུ་ལེན་དགོས། མཚོ་སྔོན་གྱིས་ཞིང་ཆེན་ཡོངས་ཀྱི་ནུས་ཤུགས་ལ་བརྟེན་ནས་རྒྱུ་རྐྱེན་འགན་སྲུང་དང་ཞབས་ཞུ་ལེགས་པོར་བྱས་ནས། མཐོ་ས་ནས་འགོ་རྩོམ་པར་སྐུལ་འདེད་གཏོང་བ་དང་། ཚད་གཞི་མཐོ་བའི་འཛུགས་བསྐྲུན་བྱེད་པ། ནུས་ཚད་མཐོ་བའི་མཐུན་སྦྱོར་བྱེད་པ་བཅས་རྒྱུན་འཁྱོངས་བྱས་ཏེ། ཤུགས་ཆེན་པོས་ཁུངས་དྲ་ཐེག་གསོག་བཅས་མཐུན་སྦྱོར་བྱས་ཏེ་འཕེལ་རྒྱས་ཀྱི་རྣམ་པ་གསར་བ་བསྐྲུན་པ་དང་། མཉམ་དུ་རྒྱལ་ཁབ་དག་གཙང་ནུས་ཁུངས་ཐོན་ལས་ཀྱི་མཐོ་ས་འཛུགས་བསྐྲུན་བྱེད་པའི་རྔམས་བརྗིད་ཀྱི་ལེའུ་གསར་བ་འབྲི་དགོས།
ལིའུ་མིང་ཧྲིན་གྱིས་ཤིས་ཚིག་འབུལ་སྐབས་བསྟན་དོན། རྒྱལ་ཁབ་གློག་ཤུགས་དངུལ་གཏོང་མཐུན་ཚོགས་ཀྱིས་ཐོག་མཐའ་བར་གསུམ་དུ་མཚོ་སྔོན་ནི་འཐབ་ཇུས་འཕེལ་རྒྱས་ཀྱི་དཀྱིལ་སྙིང་ས་ཁུལ་དུ་བྱས་ཏེ། ལས་གཞི་ཚད་གཞི་མཐོའི་ངང་ལས་འགོ་བརྩམས་པ་དེས་རྒྱལ་ཁབ་གློག་ཤུགས་དངུལ་གཏོང་གིས་མཚོ་སྔོན་གྱི་འཕེལ་རྒྱས་རིམ་པ་གསར་བ་ཞིག་ཏུ་སླེབས་པ་མཚོན་ཡོད། རྒྱལ་ཁབ་གློག་ཤུགས་དངུལ་གཏོང་མཐུན་ཚོགས་ཀྱིས“ལྗང་མདོག་གཙོར་འཛིན་དང་བརྟན་བརླིང་ཡིད་རྟོན། ནུས་མང་མཐུན་སྦྱོར། རིག་ནུས་ནུས་མཐོ”བཅས་ཀྱི་དམིགས་འབེན་ལ་དམིགས་པ་དང་། ཁེ་ལས་ཀྱི་ལེགས་ཆ་འདོན་སྤེལ་གང་ལེགས་བྱས་ཏེ། ལག་རྡང་སྦྲེལ་ནས་ཁུངས་ཞུགས་ལས་ཁུངས་སོ་སོའི་བདེ་འཇགས་དང་སྤུས་ལེགས། ནུས་མཐོ་བཅས་ཀྱི་སྒོ་ནས་ལས་གཞི་འཛུགས་བསྐྲུན་ལ་སྐུལ་འདེད་བཏང་ནས། མཚོ་སྔོན་ཞིང་ཆེན་དང་ཀོང་ཏུང་ཞིང་ཆེན་ཀྱི་དཔལ་འབྱོར་སྤྱི་ཚོགས་སྤུས་ཚད་མཐོ་བའི་ངང་འཕེལ་རྒྱས་འགྲོ་བ་དང་ཕྱོགས་ཡོངས་ནས་ལྗང་མདོག་རྣམ་པར་བསྒྱུར་བར་ནུས་ལྡན་གྱི་སྒུལ་ཤུགས་བསྣོན་དགོས།
ཀྲང་ཅིན་ཀང་གིས་འགོ་རྩོམ་མཛད་སྒོར་འགོ་འཛིན་བྱས། རྒྱལ་ཁབ་གློག་ཤུགས་དངུལ་གཏོང་སྡེ་ཚོགས་རྨ་ཆུའི་ཀུང་ཟི་དང་། ཀོང་ཏུང་ཞིང་ཆེན་ནུས་ཁུངས་མཐུན་ཚོགས་ཀྱི་འགན་ཁུར་བློ་མཐུན་སོ་སོས་འབྲེལ་ཡོད་གནས་ཚུལ་སྙན་ཞུ་བྱས།
ཝང་ཝེ་ཏུང་དང་ལོའུ་ཀང་མཛད་སྒོར་ཞུགས།
