ལོ་གཅིག་གི་གུང་གསེང་དང་། གཉེན་སྒྲིག་གནང་བ་སོགས་ཀྱི་དུས་ཡུན་གཏན་འཁེལ་སྐོར།

དེ་རིང་ང་ཚོས་ལོ་གཅིག་ནང་གི་ལས་ཀའི་གུང་གསེང་དང་། གཉེན་སྒྲིག་གནང་བ། བུ་བཙའི་གནང་བ་ལ་སོགས་པའི་དུས་ཡུན་གཏན་འཁེལ་ག་འདྲ་ཡིན་པ་དང་ཡིད་འཇོག་བྱེད་དགོས་གང་དག་ཡོད་པའི་ཐད་ནས་གསལ་བོ་ཞིག་ཞུ་བར་བྱ། 
  ལོ་གཅིག་གི་གུང་གསེང་།  ལས་ཀ་བ་སོ་སོ་ལ་ཡོད་པའི་ལོ་གཅིག་གི་ངལ་གསོ་གནང་བ་དེ་ནི་བཅའ་ཁྲིམས་ཀྱིས་ངལ་རྩོལ་པར་གནང་བའི་གླ་ཕོགས་ལེན་བཞིན་ངལ་གསོ་བྱ་ཆོག་པའི་དབང་ཆ་ཞིག་ཡིན་པས། ངལ་གསོའི་དུས་ཚོད་ལ་གཏན་འཁེལ་གསལ་བོ་བྱས་ཡོད།
   རྩ་དོན་སྟེང་ལོ་གཅིག་གི་གུང་གསེང་དེ་སྤྱིར་བཏང་ལོ་གཅིག་གི་ནང་དུ་གཏང་ཚར་དགོས་ན་ཡང་། ལས་ཁུངས་ཀྱི་ཐོན་སྐྱེད་དང་ལས་ཀའི་ཁྱད་ཆོས་ཀྱི་དགོས་དབང་གིས་ཕྱི་ལོར་བསྣུར་ཆོག་ཀྱང་། ཕྱི་ལོའི་ཕན་ཆད་ལ་བརྒལ་མི་ཆོག  གལ་ཏེ་ལས་ཁུངས་ཀྱི་ལས་ཀའི་རྐྱེན་དབང་གིས་ལས་བཟོ་པས་ཚད་བཀག་གི་དུས་ཡུན་ནང་གུང་གསེང་གཏང་ཐུབ་མེད་ཚེ། ལས་ཁུངས་ཀྱིས་ལས་བཟོ་བའི་ཉིན་རེའི་ཟླ་ཕོགས་ཀྱི་བརྒྱ་ཆའི300གུང་གསེང་གི་ཕོགས་ཐོབ་ཏུ་སྟེར་དགོས། 

གཉེན་སྒྲིག་གནང་བ།   དེ་ནི་ངལ་རྩོལ་པ་མི་སྒེར་གཉེན་སྒྲིག་པའི་སྐབས་སུ་ཁྲིམས་བཞིན་ལོངས་སུ་སྤྱད་ཆོག་པའི་གནང་པ་ཞིག་རེད། དེའི་དུས་ཚོད་ལ་བཅའ་ཁྲིམས་ཀྱི་ནང་དུ་རྒྱལ་ཡོངས་སུ་ཉིན་འདི་ལ་གཉེན་སྒྲིག་གནང་བ་ཡིན་ཞེས་གཅིག་གྱུར་གྱིས་གཏན་འཁེལ་བྱས་མེད་པ་དང་། དུས་རྒྱུན་མི་བཀོལ་ལས་ཁུངས་ཀྱི་སྒྲིག་སྲོལ་ལམ་ལུགས་ཀྱིས་གཏན་འཁེལ་བྱེད་པ་ཞིག་སྟེ། སྤྱིར་བཏང་མི་བཀོལ་ལས་ཁུངས་ཀྱིས་ལས་བཟོ་པས་གཉེན་སྒྲིག་དཔང་ཡིག་བླངས་པ་ནས་ལོ་གཅིག་ནང་དུ་གཉེན་སྒྲིག་གི་གནང་བ་དེ་གཏང་དགོས་ལ། ཆེས་རང་ན་སྤྱིར་བཏང་ལོ་གཅིག་གི་ཕན་ཆད་བརྒལ་མི་རུང་ན་ཡང་། ལས་ཁུངས་ལ་ལས་ལོ་ཕྱེད་ཙམ་ཡང་ན་དུས་དེ་ལས་ཐུང་བའི་ནང་གནང་བ་བཀོད་སྒྲིག་བྱེད་ཀྱི་ཡོད།

བུ་བཙའི་གནང་བ་དང་གཉོར་སྐྱོང་གནང་བ།   བུ་བཙའི་གནང་བ་དང་གཉོར་སྐྱོང་གནང་བ་གཉིས་ཕྲུ་གུ་བཙའ་བའི་སྔ་ཕྱི་ལ་འབྲེལ་ཡོད་དམ་པོ་ཡོད་པས། དེ་ལ་གཟབ་ནན་གྱིས་དུས་ཚོད་གཏན་འཁེལ་བྱས་ཡོད།   བུ་བཙའི་གནང་བ་ནི་དུས་རྒྱུན་བུ་མ་བཙས་གོང་ནས་གནང་བ་ཞུ་ཆོག་ཀྱང་། སྤྱིར་བཏང་བུ་བཙས་རྗེས་ཀྱི་དུས་ཚོད་ངེས་ཅན་ཞིག་གི་ནང་ལ་གཏན་འཁེལ་བྱས་ཡོད། དཔེར་ན་ཕྲུ་གུ་ལོ་གཅིག་མ་སོན་སྔོན་ལ་གནང་བ་དེ་གཏང་ཚར་དགོས།   གཉོར་སྐྱོང་གནང་བ་ནི་དུས་རྒྱུན་བུ་བཙའ་སྐབས་ཁྱོ་གས་ཞུ་ཆོག་པའི་གནང་བ་ཞིག་སྟེ། སྤྱིར་བཏང་ཕྲུ་གུ་བཙས་རྗེས་ཀྱི་དུས་ཐུང་ཐུང་ཤིག་ལ་གཏང་ཆོག་པའི་གནང་བ་ཞིག་རེད།

  ནད་བཅོས་གནང་བ།   ནད་བཅོས་གནང་བའི་དུས་ཡུན་དེ་ནད་ཀྱི་ལྕི་ཡང་དང་སྨན་པས་བཏོན་པའི་ནད་བཅོས་གནང་བ་གཞིར་བཟུང་ནས་ཐག་གཅོད་དགོས། དེར་ཡིད་འཇོག་བྱ་དགོས་པ་ཞིག་ནི། ནད་བཅོས་གནང་བ་དེ་གཅིག་འཕྲོ་གཅིག་མཐུད་ནས་ཁྲིམས་བཀོད་དུས་བཅད་ལས་བརྒལ་ན། ནད་བཅོས་དུས་ཡུན་རྩིས་རྒྱག་དང་ཕོགས་ཐོབ་ལ་འགྱུར་ལྡོག་འབྱུང་བའི་གནད་དོན་འབྱུང་ངེས།

  འདས་འཇུག་གནང་བ།  འདས་འཇུག་གནང་བ་ནི། དུས་རྒྱུན་མི་འདས་རྗེས་སུ་ལམ་སེང་དུས་ཐུང་ཐུང་ནང་ལུགས་མཐུན་གྱིས་ཞུས་ཆོག་པའི་གནང་བ་ཞིག་ཡིན་ཡང་། དུས་ཡུན་བསྲིང་མི་རུང་།