མཚོ་སྔོན་ཞིང་ཆེན་མི་དམངས་སྲིད་གཞུང་དྲ་བ།
ཟླ11པའི་ཚེས25ཉིན། གསར་འགོད་པས་མཚོ་སྔོན་ཞིང་ཆེན་རྒྱ་གྲམ་དམར་པོ་མཐུན་ཚོགས་པ་རྒྱུས་ལོན་བྱུང་བ་ལྟར་ན། ཀྲུང་གོའི་རྒྱ་གྲམ་དམར་པོ་མཐུན་ཚོགས་ཀྱི་སྤྱིའི་མཐུན་ཚོགས་ལ་གྲོང་ཁྱེར་གྲོང་གསེབ་སྡེ་ཁུལ99དང་། སློབ་གྲྭ99། རྒྱ་གྲམ་དམར་པོའི་དང་བླངས་ཞབས་ཞུའི་རྩ་འཛུགས100། ལས་ཁུངས་དང་ཁེ་ལས་ཀྱི་སྡེ་ཚན52དང་རྒྱ་གྲམ་དམར་པོའི་སྨན་ཁང་དང་པོ19བཅས་ལ“རྒྱལ་ཡོངས་རྒྱ་གྲམ་དམར་པོའི་དཔེ་སྟོན་ལས་ཁུངས”ཀྱི་མཚན་སྙན་ཐོབ། དེའི་ཁྲོད་མཚོ་སྔོན་ཞིང་ཆེན་ཟི་ལིང་གྲོང་ཁྱེར་མཁར་དཀྱིལ་ཁུལ་ཚྭང་མཱིན་སྲང་ལམ་ཀྱི་ཆན་ཡུན་ཅེ་སྡེ་ཁུལ་དང་། མཚོ་སྔོན་སློབ་ཆེན་ནད་ཐོག་གསོ་རིག་སློབ་གླིང་གི་རྒྱ་གྲམ་དམར་པོའི་དང་བླངས་ཞབས་ཞུའི་རུ་ཁག་དང་ཟི་ལིང་གྲོང་ཁྱེར་རྒྱ་གྲམ་དམར་པོའི་སྨན་ཁང(ཟི་ལིང་གྲོང་ཁྱེར་ཀྲུང་ལུགས་སྨན་ཁང)དེའི་ཁྲོད་ཚུད་ཡོད།
རྒྱུས་ལོན་བྱུང་བ་ལྟར་ན། ཐེངས་འདིར་གཟེངས་བསྟོད་ཐོབ་པའི་ཟི་ལིང་གྲོང་ཁྱེར་མཁར་དཀྱིལ་ཁུལ་ཚྭང་མཱིན་ཅེ་སྲང་ལམ་གྱི་ཆན་ཡུན་ཅེ་སྡེ་ཁུལ་ནི། མི་དམངས་ཀྱི་མི་ཆོས་དགོས་མཁོ་ལས་མགོ་བརྩམས་ཏེ། མི་ཆོས་ཞབས་ཞུ་དང་མི་ཆོས་རོགས་སྐྱོར། མི་ཆོས་བརྒྱུད་བསྒྲགས་བཅས་ཀྱིས་ཏན་ཏིག་གིས་སྤེལ་བ་དང་། སྡེ་ཁུལ་གྱི་ཞབས་ཞུའི་འདོན་སྤྲོད་རྒྱ་བསྐྱེད་བྱས་ཏེ། བདེ་ཐང་བདེ་འཇགས་ལ་རོགས་སྐྱོར་དང་། སྡེ་ཁུལ་གྱི་འཕྲལ་རྐྱེན་དོ་དམ་ནུས་པ་མཐོར་འདེགས། སྡེ་ཁུལ་གྱི་འཆམ་མཐུན་བརྟན་བརླིང་ལ་སྲུང་སྐྱོབ། ཧུར་ཐག་གིས་སྡེ་ཁུལ་གྱི་བསམ་པའི་དཔལ་ཡོན་འཛུགས་སྐྲུན་ལ་ཧུར་ཐག་གིས་སྐུལ་འདེད་བཏང་ཡོད། གཟེངས་བསྟོད་ཐོབ་པའི་མཚོ་སྔོན་སློབ་ཆེན་གྱི་ནད་ཐོག་གསོ་རིག་སློབ་གླིང་གི་རྒྱ་གྲམ་དམར་པོའི་དང་བླངས་ཞབས་ཞུ་རུ་ཁག་གིས། དཔའ་ངར་ཆེར་བསྐྱེད་ཀྱིས་མདུན་བསྐྱོད་དང་། གཞི་རིམ་ལ་རྐང་བཙུགས་ཏེ། རྒྱ་གྲམ་དམར་པོའི་ཁྱད་ཆོས་ལྡན་པའི་ཚེ་སྲོག་སློབ་གསོ་དང་། དམངས་ཕན། རོགས་སྐྱོར། རྒན་བཀུར། དབང་སྐྱོན་ལ་རོགས་སྐྱོར། སེམས་ཁམས་རོགས་སྐྱོར་སོགས་དང་བླངས་ཞབས་ཞུ་སྤེལ། ཏང་སྲིད་ཀྱི་སྤྱི་ཡོངས་ལ་ཞབས་ཞུ་དང་མི་ཆོས་ཀྱི་དགོས་མཁོ་བསྐོང་བ། ཚེ་སྲོག་གི་བདེ་ཐང་ལ་སྲུང་སྐྱོབ། སྤྱི་ཚོགས་ཡོངས་ཡར་རྒྱས་དང་དགེ་སྒྲུབ་སོགས་ཀྱི་ཕྱོགས་སུ་ནུས་གང་ལེགས་འདོན་སྤེལ་བྱས། གཟེངས་བསྟོད་ཐོབ་པའི་ཟི་ལིང་རྒྱ་གྲམ་དམར་པོ་སྨན་ཁང་གིས། ཤུགས་ཆེན་པོས་མང་ཚོགས་རང་བཞིན་གྱི་འཕྲལ་རྐྱེན་མྱུར་སྐྱོབ་གསོ་སྦྱོང་དང་སྨན་བཅོས་ཞབས་ཞུ་སྤེལ་བ། དང་བླངས་སྨན་བཅོས་ཀྱི་མྱུར་སྐྱོབ་རུ་ཁག་འཛུགས་པ། ཐོལ་བྱུང་དོན་རྐྱེན་གྱི་འཕྲལ་རྐྱེན་མྱུར་སྐྱོབ་ཁྲོད་རྐང་འཛིན་གྱི་ནུས་པ་ཐོན་ཡོད།
