ཞིང་ཆེན་དམངས་འཐུས་ཚོགས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅོ་བརྒྱད་པས་མཉམ་འབྲེལ་ཚན་ཆུང་གི་གྲོས་ཚོགས་བསྡུས།

མཚོ་སྔོན་གསར་འགྱུར་དྲ་བའི་འཕྲིན། ཟླ11པའི་ཚེས25ཉིན། ཞིང་ཆེན་དམངས་འཐུས་ཚོགས་ཆེན་སྐབས་བཅུ་བཞི་པའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཐེངས་བཅོ་བརྒྱད་པས་མཉམ་འབྲེལ་ཚན་ཆུང་གི་གྲོས་ཚོགས་བསྡུས་ཏེ། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་སློབ་གསོའི་སྐོར་གྱི་རྒྱས་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། མང་ཚོགས་ཀྱི་སེམས་ཁུར་དང་ལེན་བྱས་ནས། ཞིང་ཆེན་ཡོངས་ཀྱིས་མཐོ་རིམ་སློབ་གསོར་བརྟེན་ནས་དཔལ་འབྱོར་སྤྱི་ཚོགས་འཕེལ་རྒྱས་ལ་ཞབས་འདེགས་ཞུ་བའི་ནུས་པ་མཐོར་འདེགས་གཏོང་བའི་ཆེད་དོན་འདྲི་རྩད་བྱས། ཞིང་ཆེན་དམངས་ཆེན་རྒྱུན་ལས་ཨུ་ཡོན་ལྷན་ཁང་གི་ཏང་ཙུའུ་ཧྲུའུ་ཅི། ཀྲུའུ་རིན་གཞོན་པ་ཝང་ལིས་མེན་དང་། ཏང་ཙུའུ་ཧྲུའུ་ཅི་གཞོན་པ། ཀྲུའུ་རིན་གཞོན་པ་དབྱང་ཧྥུན་ཁྲུན་དང་ཉི་མ་སྒྲོལ་མ། ཀྲུའུ་རིན་གཞོན་པ་ཀྲང་ཧོང་ཡོན་དང་ལོས་ཀང་། ཝང་ཅིན་ཀྲའེ་དང་དེ་མིན་རྒྱུན་ལས་ཨུ་ཡོན་ལྷན་ཁང་གི་ཁོངས་མི་བཅས་ཚོགས་འདུར་ཞུགས། རྒྱུན་ལས་ཨུ་ཡོན་ལྷན་ཁང་གི་ཀྲུའུ་རིན་གཞོན་པ་ལིའུ་ཐུང་ཏི་ཡིས་འགོ་འཛིན་བྱས། ཧྲིན་ཀྲང་གཞོན་པ་དབྱང་ཀྲི་ཝུན་གྱིས་ཞིང་ཆེན་སྲིད་གཞུང་གི་ཚབ་བྱས་ནས་གཏམ་བཤད།

ཆེད་དོན་འདྲི་རྩད་བྱེད་སྐབས། ཞིང་ཆེན་དམངས་འཐུས་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ཁོངས་མི་དགུ་དང་ཞིང་ཆེན་དམངས་ཆེན་གྱི་འཐུས་མི་གཉིས་ཀྱིས་ཞིང་ཆེན་ཡོངས་ཀྱིས་མཐོ་རིམ་སློབ་གསོར་བརྟེན་ནས་དཔལ་འབྱོར་སྤྱི་ཚོགས་འཕེལ་རྒྱས་ལ་ཞབས་འདེགས་ཞུ་བའི་ནུས་པ་མཐོར་འདེགས་གཏོང་བའི་གནས་ཚུལ་ལ་དམིགས་ཏེ་འདྲི་རྩད་བྱས། ཞིང་ཆེན་སྲིད་གཞུང་དང་འབྲེལ་ཡོད་ཐིན་དང་ཅུའུ། མཐོ་རིམ་སློབ་གྲྭ་སོགས་སྡེ་ཁག་བཅུ་གཉིས་ཀྱི་འགན་འཁུར་མི་སྣ་ཡུལ་དངོས་སུ་འབྱོར་ནས་འདྲི་རྩད་དང་ལེན་བྱས།

གྲོས་ཚོགས་ལས་བསྟན་དོན། ཐེངས་འདིའི་ཆེད་དོན་འདྲི་རྩད་ཀྱིས་བརྗོད་དོན་ལ་དམིགས་པ་དང་དངོས་སུ་དྲི་བ་དྲིས་ནས་ལན་བཏབ་པས། དམངས་འཐུས་ཚོགས་ཆེན་ལྟ་སྐུལ་གྱི་དབང་ཟིལ་མངོན་པར་བྱས། ཏང་ཀྲུང་དབྱང་གི་སློབ་གསོ་ཚན་རྩལ་འཇོན་མི་བཅས་གཞི་གཅིག་འཕེལ་རྒྱས་སྐོར་གྱི་དོན་སྙིང་གལ་ཆེན་ངོས་འཛིན་ཟབ་མོ་བྱེད་པ་དང་། བསམ་སྦྱོར་གཉིས་ཏང་ཀྲུང་དབྱང་གི་ཇུས་ཆོད་བཀོད་སྒྲིག་དང་ཞིང་ཆེན་ཏང་ཨུའི་བྱ་བའི་བླང་བྱའི་སྟེང་གཅིག་གྱུར་བྱས་ཏེ། མཐོ་རིམ་སློབ་གསོ་དེ་ཡང་དག་པའི་ཆབ་སྲིད་ཀྱི་ཕྱོགས་སུ་མདུན་སྐྱོད་བྱེད་པར་ཁག་ཐེག་བྱེད་དགོས། འགན་འཁྲིའི་གསལ་ཐོ་གཏན་འབེབས་དང་། བྱེད་ཐབས་ཞིབ་ཕྲར་བཟོས་ཏེ། རིམ་པ་བཞིན་དུ་ལེགས་བཅོས་དམ་འཛིན་དང་། ཆེད་དོན་འདྲི་རྩད་གྲུབ་འབྲས་ནུས་ལྡན་སྒོས་ཚུལ་སྒྱུར་བྱེད་པར་སྐུལ་འདེད་གཏོང་དགོས། ཐེངས་འདིའི་ཆེད་དོན་འདྲི་རྩད་དེ་ཉམས་མྱོང་སྤྱི་སྡོམ་དང་གནད་དོན་ཐག་གཅོད། སྐུལ་འདེད་འཕེལ་རྒྱས་བཅས་ཀྱི་འགོ་རྩོམ་ས་གསར་པར་བྱས་ནས། བསྟུད་མར་དོན་འཁྱོལ་རྗེས་འདེད་དང་། གྲུབ་འབྲས་བེད་སྤྱོད་དམ་འཛིན་ལེགས་པོ་བྱེད་དགོས།

ཞིང་ཆེན་སྲིད་གཞུང་གིས་ཆེད་དོན་འདྲི་རྩད་དེ་གོ་སྐབས་སུ་བརྩིས་ནས། ནུས་ཤུགས་ཡོད་རྒུས་བྱ་བ་དངོས་འབེབས་དམ་འཛིན་ལེགས་པོ་དང་། ཞིང་ཆེན་ཡོངས་ཀྱིས་མཐོ་རིམ་སློབ་གསོར་བརྟེན་ནས་དཔལ་འབྱོར་སྤྱི་ཚོགས་འཕེལ་རྒྱས་ལ་ཞབས་འདེགས་ཞུ་བའི་ནུས་པ་སྔར་ལས་ཇེ་མཐོར་འགྲོ་བར་སྐུལ་འདེད་གཏོང་རྒྱུ་རེད།