ཟླ2པའི་ཚེས10ཉིན་མཚོ་སྔོན་ལ་ཏོག་གསར་གློ་ཚད་འགོས་པའི་ནད་པ་ལྕི་མོ2ཀྱིས་ཇེ་མང་དུ་སོང་།

རང་རེའི་དྲ་བའི་འཕྲིན། 2020ལོའི་ཟླ2པའི་ཚེས10ཉིན་གྱི་ཆུ་ཚོད0ནས24བར། མཚོ་སྔོན་ཞིང་ཆེན་དུ་ཏོག་གསར་གློ་ཚད་འགོས་པའི་ནད་རྟགས་ཐག་བཅད་པའི་ནད་པ་གཅིག་ཀྱང་ཇེ་མང་དུ་སོང་མེད་པ་དང་། ནད་པ་ལྕི་མོ2ཀྱིས་ཇེ་མང་དུ་སོང་། རིམས་ནད་ལས་འདས་པའི་ནད་པ་གཅིག་ཀྱང་མེད་པ་དང་། ནད་དྲག་ནས་ཕྱིར་བུད་པའི་ནད་པའང་མེད།

ཟླ2པའི་ཚེས10ཉིན་གྱི་ཆུ་ཚོད24བར་དུ། མཚོ་སྔོན་ཞིང་ཆེན་དུ་བསྡོམས་པས་ཏོག་གསར་གློ་ཚད་རིམས་ནད་འགོས་པའི་ནད་རྟགས་ཐག་བཅད་པའི་ནད་པ18ཡོད་ཅིང་། ནད་པ་ལྕི་མོ3དང་། འདས་པའི་ནད་པ་མེད། ནད་དྲག་ཏེ་སྨན་ཁང་ནས་ཕྱིར་བུད་པ3ཡོད་ལ། དེའི་ནང་ཟི་ལིང་གྲོང་ཁྱེར་དུ་ནད་པ15ཡོད་པ་དང་། མཚོ་བྱང་ཁུལ་དུ་ནད་པ3ཡོད། ནད་རྟགས་ཐག་བཅད་ཟིན་པའི་ནད་པ15སྨན་ཁང་དུ་སྨན་བཅོས་བྱེད་བཞིན་ཡོད།

ད་སྔར་ནད་པར་འབྲེལ་འདྲིས་ཡོད་པའི་མི435ལ་རྗེས་འདེད་བརྟག་དཔྱད་བྱེད་བཞིན་ཡོད་ལ། མི51ལ་ནད་འགོས་མེད་པས་སྨན་བཅོས་ལྟ་ཞིབ་བྱེད་མཚམས་བཞག མི384ལ་མུ་མཐུད་དུ་སྨན་བཅོས་ལྟ་ཞིབ་བྱེད་བཞིན་ཡོད།

ལོ་ཙཱ་བ། ལྷ་ཆེན་རྒྱལ།